Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yeshaya 51:1-23

MALU ADI MU MUKANDA EU

  • Siona mmupingajilula kabidi bu budimi bua Edene (1-8)

  • Busambi bua kudi Muenji wa Siona wa bukole (9-16

  • Dikopo dia tshiji tshikole tshia Yehowa (17-23)

51  “Ntelejayi, nuenu badi bipatshila buakane,Nuenu badi bakeba Yehowa. Tangilayi ku dibue kunuvua bafumineNe ku tshina tshia mabue kuvuabu banumbule.   Tangilayi kudi Abalahama tatuenuNe kudi Sala+ uvua munulele.* Bualu uvua anu nkayende pamvua mumubikile,+Ne mvua mumubeneshe ne mumuvudije.+   Bualu Yehowa neasambe Siona.+ Neatuadile miaba yende yonso ya bikulu busambi,+Ne neavuije tshipela tshiende bu Edene+Ne mpata wende wa tshipela bu budimi bua Yehowa.+ Disanka dikole ne masanka nebikale munda muende,Diela tuasakidila ne musambu muimpe.+   Teyayi ntema kundi, nuenu bantu banyi,Ne fila ditshi kundi, wewe tshisamba tshianyi.+ Bualu mukenji newufume kundi,+Ne nenjadike kulumbuluisha kuanyi kuakane bu butoke kudi bukua bantu.+   Buakane buanyi budi busemena pabuipi.+ Lupandu luanyi nelupatuke,+Ne maboko anyi nealumbuluishe bukua bantu.+ Bidiila* nebitekemene kundi,+Ne nebindile diboko dianyi.*   Bandishayi mêsu enu mu diulu,Ne tangilayi buloba panshi. Bualu diulu neditangalake tupese tupese bu muishi;Buloba nebusunsuke bu tshilamba,Ne bantu badi basombelapu nebafue bu tumue. Kadi lupandu luanyi neluikale lua tshiendelele,+Ne buakane buanyi kabuakupangila* nansha.+   Ntelejayi, nuenu badi bamanye buakane,Bantu badi ne mukenji wanyi* mu muoyo wabu.+ Kanutshinyi mayobo a bantu bafuafua,Ne kanuikadi ne buôwa bua bipendu biabu.   Bualu tshishi tshia mbumbu netshibadie anu bu tshilamba;Tshishi tshia mbumbu tshitu tshidia bilamba* netshibadie bu miosa ya mikoko.+ Kadi buakane buanyi nebushalaku kashidi,Ne lupandu luanyi nelushalaku bua bipungu bionso bia bantu.”+   Tabala! Tabala! Vuala bukole,Wewe diboko dia Yehowa!+ Tabala bu mu matuku a kale kale, bu mu bipungu bia bantu bia kale. Ki nguewe uvua mutshibule Lahaba*+ bitupa bitupa,Uvua mutubule nyama munene wa mu mbuu anyi?+ 10  Wewe kuena eu uvua mumishe mbuu, mâyi a mu ndondo anyi?+ Eu uvua muvuije ndondo ya mbuu njila bua bantu bavuabu bapikule bapite anyi?+ 11  Bantu bapikula ba Yehowa nebapingane.+ Nebalue mu Siona ne lubila lua disanka,+Ne disanka didi kadiyi dijika nedikale kudibu bu tshifulu tshia butumbi.*+ Nebikale ne disanka dikole ne masanka,Kanyinganyinga ne mikemu nebinyeme.+ 12  “Meme muine ndi Yeye udi ukusamba.+ Bua tshinyi udi utshina muntu ufuafua walua kufua+Ne muana wa muntu wafubidila bu bisonsa bibishi? 13  Bua tshinyi udi upua Yehowa Mufuki webe+ muoyo,Yeye uvua mubalule diulu+ ne muase tshishimikidi tshia buloba? Dituku dijima wewe uvua anu utshina tshiji tshikole tshia mukengeshanganyi,*Anu bu ne: yeye uvua ne mushindu wa kukubutula. Mpindieu, tshiji tshikole tshia mukengeshanganyi tshidi penyi? 14  Muntu udi mukobame mu nkanu nebamusulule mu katupa kîpi emu;+Kakufua ne kakubuela mu tshina,Ne biakudia biende kabiakupangika to. 15  Kadi meme ndi Yehowa Nzambi webe,Udi uvuandulula mbuu ne ujula mavuala ende,+Yehowa wa biluilu ke dîna diende.+ 16  Nenteke mêyi anyi mukana muebe,Ne nenkubuikile ne mundidimbi wa tshianza tshianyi,+Bua kujadika diulu ne kuasa tshishimikidi tshia buloba+Ne bua kuambila Siona ne: ‘Wewe udi tshisamba tshianyi.’+ 17  Tabala! Tabala! Juka, wewe Yelushalema,+Wewe udi munue dikopo dia tshiji tshikole tshia Yehowa ku tshianza tshiende. Udi munue lupanza;Udi munue mujikije dikopo didi ditetuishangana.+ 18  Muana nansha umue wa ku bana bonso bavuaye mulele kenaku bua kumulombola,Ne muana nansha umue wa ku bana bavuaye mukoleshe ki mmumukuate ku tshianza. 19  Malu abidi aa mmakukuate. Nnganyi waditeka pa muaba webe? Kabutu ne tshinyangu, nzala ne muele wa mvita!+ Nnganyi wakusamba?+ 20  Bana bebe mbafue tshipuka.+ Badi balala mu disangu dionso dia njila*Bu mikoko ya tshisuku mu bukondo. Mbuwule tente ne tshiji tshikole tshia Yehowa, kukanyina kua Nzambi webe.” 21  Nanku telejaku bualu ebu,Wewe mukaji udi mukengeshibue ne mukuatshike, nansha muudi kuyi mukuatshike mvinyo. 22  Mona tshidi Mukalenge webe Yehowa, Nzambi webe udi uluila bantu bende mvita, wamba: “Tangila! Nengangate dikopo didi ditetuishangana ku tshianza tshiebe,+Lupanza alu, dikopo dianyi dia tshiji tshikole;Kuakudinua kabidi nansha.+ 23  Nenditeke mu tshianza tshia bakukengeshi,+Bobu bakakuambila* ne: ‘Inama panshi bua tuendele pambidi pebe!’ Nunku wewe wakavuija nyima webe bu buloba,Bu musesu wa bobu kuendela.”

Note

Anyi “munupatule ne bimusama pa kulela.”
Anyi “bisanga.”
Anyi “bukole buanyi.”
Anyi “kabuakusunsudibua.”
Anyi “dilongesha dianyi.”
Anyi pamuapa: “Tshinya.”
Tang. Diumv.
Ku mua.: “nedikale pa mutu wabu.”
Anyi “muntu udi ukunyunguluka.”
Ku mua.: “ku mutu kua misesu yonso.”
Anyi “Bakambila anyima webe.”