Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yeshaya 49:1-26

MALU ADI MU MUKANDA EU

  • Mudimu mupesha muena mudimu wa Yehowa (1-12)

    • Butoke bua bisamba (6)

  • Busambi bua Isalele (13-26)

49  Ntelejayi, nuenu bidiila,*Ne teyayi ntema, nuenu bisamba bia kule menemene.+ Yehowa mmumbikile kumpala kua meme kuledibua.*+ Katshia ku tshikondo tshimvua munda mua mamuanyi, yeye uvua mutele dîna dianyi.   Yeye uvua muvuije mukana muanyi bu muele wa mvita musakisha;Mmunsokoke mu mundidimbi wa tshianza tshiende.+ Uvua mumvuije mukete munona;Uvua munsokoke mu nsapu wende wa mikete.   Wakangambila ne: “Wewe Isalele,+ udi muena mudimu wanyi,Ungalejila bulengele buanyi ku butuangaji buende.”+   Kadi ngakamba ne: “Ndi mukuate mudimu mukole bua tshianana. Mvua munyange bukole buanyi bua tshintu tshia dishima, mu tshianana. Kadi, bushuwa dilumbuluisha dianyi didi kudi Yehowa,*Ne difutu dianyi didi kudi Nzambi wanyi.”+   Kadi mpindieu Yehowa, Yeye uvua mungenze katshia mu difu dia mamuanyi bu muena mudimu wende,Mmungambile bua kupingaja Yakoba kudiye,Bua Isalele asangishibue kudiye.+ Nentumbishibue ku mêsu kua Yehowa,Ne Nzambi wanyi neikale mulue bukole buanyi.   Wakamba ne: “Ki mbikumbane bua muudi muena mudimu wanyiBua kujula bisa bia YakobaNe kupingaja ba mu Isalele bavua balamibue. Ndi kabidi mukufile bu butoke bua bisamba,+Bua lupandu luanyi lufike too ne ku ntengu ya buloba.”+  Mona tshidi Yehowa, Mupikudi wa Isalele, Wa Tshijila wende,+ wambila muntu udi mupetudibue,*+ muntu udi mukinyibue kudi tshisamba, muena mudimu wa bamfumu: “Bakalenge nebamone ne nebajuke,Ne bakokeshi nebinameBua bualu bua Yehowa, udi muena lulamatu,+Wa Tshijila wa Isalele, udi mukusungule.”+   Mona tshidi Yehowa wamba: “Mvua mukuandamune mu tshikondo tshia diakalengele,*+Ne mvua mukuambuluishe mu dituku dia lupandu;+Mvua mutungunuke ne kukulama bua kukufila bu tshipungidi bua bantu,+Bua kuakajilula buloba,Bua kuenza bua bapiane bumpianyi buabu buvua bushale munda mutupu,+   Bua kuambila bena buloko ne: ‘Patukayi!’+ Ne badi mu mîdima+ ne: ‘Dilejayi patoke!’ Nebadiile ku muelelu wa njila,Kumpenga kua tujila tuonso tubotesha* nekuikale mpata yabu ya mashinde. 10  Kabakumvua nzala, anyi kumvua nyota,+Ne luya lukole peshi munya kabiakubosha.+ Bualu Yeye udi nabu luse neabalombole,+Ne neabalombole pabuipi ne mishimi ya mâyi.+ 11  Nemvuije mikuna yanyi yonso njila,Ne bibeba bianyi nebibandishibue.+ 12  Mona! Aba badi bafumina kule menemene,+Ne mona! Aba badi bafumina ku nord ne ku ouest,Ne aba badi bafumina mu buloba bua Sinima.”+ 13  Ela mbila ya disanka, wewe diulu, ne sanka, wewe buloba.+ Mikuna isanguluke ne lubila lua disanka.+ Bualu Yehowa mmusambe bantu bende,+Ne udi uleja bantu bende badi mu dikenga luse.+ 14  Kadi Siona wakatungunuka ne kuamba ne: “Yehowa mmundekele,+ Yehowa mmumpue muoyo.”+ 15  Mamu udi mua kupua muanende utshidi wamua mabele muoyoAnyi kubenga kumvuila muana wa munda muende luse anyi? Nansha bamamu aba mua kupua muoyo, meme tshiakukupua muoyo nansha.+ 16  Mona! Ndi mukufunde mu bianza bianyi. Bimanu biebe bidi kumpala kuanyi misangu yonso. 17  Bana bebe badi balukila lukasa. Bantu bavua bakusunsule ne bakubutule nebumbuke kuudi. 18  Bandisha mêsu ebe, tangila ku nseke yonso. Badi badisangisha bonso pamue.+ Badi balua kuudi. “Bu mundi ne muoyo,” ke mudi Yehowa wamba,“Neubavuale buonso buabu bu bilengejilu,Ne neudisuikabu bu mutu mukaji udibu basela wenza. 19  Nansha muvua miaba yebe mishale munda mutupu ne minyanguke, ne muvua buloba buebe bikulu,+Mpindieu nebulue bukese menemene bua bantu badi basombelamu,+Ne bantu bavua bakumine+ nebikale kule menemene.+ 20  Bana bavua baledibue pauvua mufuishe bana nebambe mu matshi ebe ne:‘Muaba eu mmunkepele bikole menemene. Ndiundishilaku muaba eu bua nsombelapu.’+ 21  Nunku, neudiambile mu muoyo webe ne:‘Nnganyi udi mundelele bana aba,Bualu meme ndi mukaji udi mufuishe bana ne muikale nkumba,Mumuangesha ne mukuatshibue mu buloko? Nnganyi udi mubakoleshe?+ Monayi! Bavua banshiye anu meme nkayanyi,+Kadi aba mbafumine penyi?’”+ 22  Mona tshidi Mukalenge Mutambe Bunene Yehowa wamba: “Tangila! Nenjudile bisamba tshianza tshianyi,Ne nenjule tshimanyinu* tshianyi bua bukua bantu.+ Nebalue ne bana bebe ba balume mu maboko abu*Ne nebambule bana bebe ba bakaji pa makaya abu.+ 23  Bakalenge nebalue balami bebe,+Ne bana babu ba bakaji nebikale bandeji bebe. Nebakuinamine mpala yabu mitue panshi+Ne nebalake lupuishi lua ku makasa ebe,+Ne neumanye ne: meme ndi Yehowa;Badi bantekemena kabakufuishibua bundu to.”+ 24  Badiku mua kunyenga tshilobo bantu bakaditshi tshikuate,Peshi badiku mua kusungila bantu badi mukokeshi wa tshikisu mukuate anyi? 25  Kadi mona tshidi Yehowa wamba: “Nansha bantu badibu bakuate kudi tshilobo nebanyengibue,+Ne badibu bakuate kudi mukokeshi wa tshikisu nebasungidibue.+ Meme nenduishe badi bakuluisha,+Ne nempandishe bana bebe. 26  Nendiishe badi bakukengesha munyinyi wabu bobu bine,Ne nebakuatshike mashi abu bobu bine bu bakuatshike mvinyo mushême. Ne bantu bonso* nebamanye ne: meme ndi Yehowa,+Mupandishi webe+ ne Mupikudi webe,+Wa Bukole wa Yakoba.”+

Note

Anyi “bisanga.”
Ku mua.: “katshia mu lukutu.”
Anyi “Yehowa neampeteshe kulumbuluisha kuakane.”
Anyi “mupetudibue mu anyima.”
Anyi “muoyo muimpe.”
Anyi pamuapa: “mikuna idi kayiyi ne tshintu.”
Anyi “mutshi wa tshimanyinu.”
Ku mua.: “tshiadi tshiabu.”
Ku mua.: “musunyi wonso.”