Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yeshaya 46:1-13

MALU ADI MU MUKANDA EU

  • Mpingu ya bena Babilona ne Nzambi wa Isalele (1-13)

    • Yehowa udi umanyisha malu atshilualua (10)

    • Nyunyi utu udia munyinyi ufumina kudi dîba dipatukila (11)

46  Bele udi winama,+ Nebo udi ukobama. Mpingu yabu mmiteka pa nyama, pa nyama itu yambula majitu,+Bu mabuki adi anemena nyama idi mitshioke bujitu.   Badi bakobama ne binama diatshimue;Kabena mua kusungila majitu* au,Ne bobu bine* badi bakuatshibua.   “Ntelejayi, nuenu ba mu nzubu wa Yakoba, ne nuenu bonso badi bashale ba mu nzubu wa Isalele,+Nuenu bandi mukuatshishe katshia ku diledibua ne muambule katshia mu difu.+   Too ne panudi nukola, meme nengikale anu muomumue;+Too ne padi nsuki yenu itoka, meme nentungunuke ne kunuambula. Nennuambule, nennutuale ne nennusungile bu mundi muenze.+   Nnganyi unudi mua kumfuanyikija nende anyi kumvuija muomumue nende peshi kungelakaja nende,+Bua tufuanangane nende?+   Kudi bantu badi bupumuna or wa mu tubuta tuabu;Badi bapima bujitu bua arjan ne tshipiminu. Badi bangata mufudi wa biamu ku mudimu, ne yeye udi umuvuija nzambi.+ Pashishe badi binama, eyowa, bamutendelela.*+   Badi bamubandisha pa makaya abu;+Badi bamuambula, bamuteka pa muaba wende, ne udi ushala muimane anu muaba au. Kena umbuka muaba wende to.+ Badi bamuela mbila, kadi yeye kena wandamuna;Kena mua kusungila muntu nansha umue ku dikenga.+   Vulukayi bualu ebu, ne ikalayi ne dikima. Bulamayi ku muoyo, nuenu bashipi ba mikenji.   Vulukayi malu a diambedi* a kale kale,Ne: meme ndi Nzambi, ne kakuena mukuabu. Meme ndi Nzambi, ne kakuena mukuabu bu meme to.+ 10  Ndi ndianjila kumanyisha ndekelu wa bualu ku tshibangidilu tshiabu,Ne mmanyisha kumpala menemene malu adi kaayi manji kuenzeka.+ Ndi ngamba ne: ‘Dipangadika dianyi* nedikumbane,+Ne nengenze tshindi musue kuenza.’+ 11  Ndi mbikila nyunyi utu udia minyinyi umbukila kudi dîba dipatukila,*+Ndi mbikila muntu mu buloba bua kule bua kukumbaja dipangadika dianyi.*+ Ndi muambe bualu ebu, ne nembuenzeje. Ndi mubulongolole, ne nembukumbaje kabidi.+ 12  Ntelejayi, nuenu badi ne muoyo wa tshitshiu,*Nuenu badi kule menemene ne buakane. 13  Ndi musemeje buakane buanyi pabuipi;Kabuena kule to,Ne lupandu luanyi kaluakujanguluka to.+ Nemfile lupandu mu Siona, bulengele buanyi kudi Isalele.”+

Note

Mmumue ne: mpingu idi miteka pa nyama.
Anyi “anyima yabu.”
Ku mua.: “bamuinamina.”
Ku mua.: “kumpala.”
Anyi “disua dianyi; lungenyi luanyi.”
Anyi “ku est.”
Anyi “disua dianyi; lungenyi luanyi.”
Ku mua.: “bukole.”