Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yeshaya 45:1-25

MALU ADI MU MUKANDA EU

  • Badi bela Kolesha manyi bua kukuata Babilona (1-8)

  • Diima kadiena ne bua kukokangana ne Mufumbi (9-13)

  • Bisamba bikuabu bidi bitaba Isalele (14-17)

  • Nzambi ngua kueyemena mu bufuki ne mu disokolola malu (18-25)

    • Buloba mbufukibue bua bantu kusombelapu (18)

45  Mona tshidi Yehowa wambila muela manyi wende, wambila Kolesha,+Muena tshianza tshia balume tshindi mukuate+Bua kukokesha bisamba kumpala kuende,+Bua kunyenga bakalenge bia mvita,*Bua kukangula biibi bibidi kumpala kuende,Bua kabakangi biibi:   “Nenye kumpala kuebe,+Ne nendandakaje mikuna mikese. Nentshibule biibi bia tshiamu tshia mitaku bitupa bitupa,Ne nenkose milonda ya tshiamu tshifiike.+   Nenkupeshe biuma mu mîdimaNe biuma bisokoka mu miaba misokome,+Bua umanye ne: meme ndi Yehowa,Nzambi wa Isalele udi ukubikila ku dîna diebe.+   Bua bualu bua muena mudimu wanyi Yakoba ne bua Isalele musungula wanyi,Ndi nkubikila ku dîna diebe. Ndi nkupesha dîna dia lumu, nansha muuvua kuyi mummanye.   Meme ndi Yehowa, ne kakuena mukuabu nansha. Kakuena Nzambi mukuabu pa kumbusha meme.+ Nenkukoleshe,* nansha muuvua kuyi mummanye,   Bua bantu bamanyeKumbukila ku dipatuka dia dîba too ne ku dibuela diadi*Ne: kakuena mukuabu pa kumbusha meme.+ Meme ndi Yehowa, ne kakuena mukuabu nansha.+   Ndi ngenza butoke,+ ne mfuka mîdima,+Ndi mfila ditalala+ ne ndi nkebesha dikenga;+Meme, Yehowa, ndi ngenza malu onso aa.   Wewe diulu, loka kumbukila muulu;+Matutu alokeshe buakane. Buloba bukanguke ne bupatule lupandu,Ne buenze bua buakane bupatuke diatshimue.+ Meme, Yehowa, ndi mufuke bualu ebu.”   Diakabi dikale kudi muntu udi uluangana* ne Mufuki wende,*Bualu yeye udi anu tshiyoyiMunkatshi mua biyoyi bikuabu bidi panshi! Diima didiku mua kuambila Mufumbi* ne: “Tshiudi wenza ntshinyi”+ anyi? Peshi mudimu webe udiku mua kuamba ne: “Yeye kena ne bianza” anyi?* 10  Diakabi dikale kudi muntu udi wambila tatu ne: “Tshiudi ulela ntshinyi?” Ne wambila mukaji ne: “Ntshinyi tshiudi ulela?”* 11  Mona tshidi Yehowa, Wa Tshijila wa Isalele,+ Yeye uvua mumuenze, wamba: “Nudiku mua kungela nkonko ya malu atshidi aluaNe kuntumina dîyi bua bana banyi+ ne bua midimu ya bianza bianyi anyi? 12  Mvua muenze buloba+ ne mufukapu muntu.+ Mvua mubalule diulu ne bianza bianyi meme,+Ne ndi ntumina tshiluilu tshiadi tshionso dîyi.”+ 13  “Ndi mujule muntu mu buakane,+Nendulamije njila yende yonso. Yeye ke muntu wibaka tshimenga tshianyi+Ne walekela bantu banyi badibu bakuate ku babende+ kakuyi mushinga mufuta anyi mbuejilu,”+ ke mudi Yehowa wa biluilu wamba. 14  Mona tshidi Yehowa wamba: “Lupetu lua* Ejipitu ne bintu bia kupana bia* Etshiopi ne bena Seba, bantu bale,Nebalue kuudi ne nebalue bantu bebe. Nebakulonde basuika nkanu. Nebalue ne nebakuinamine.+ Nebakuambile mu disambila ne: ‘Bulelela Nzambi udi nebe,+Ne kakuena mukuabu nansha; kakuena Nzambi mukuabu nansha.’” 15  Bushuwa wewe udi Nzambi udi udisokoka,Wewe Nzambi wa Isalele, Mupandishi.+ 16  Buonso buabu nebafuishibue bundu ne nebapuekeshibue milongo;Benji ba mpingu nebaye bonso ne bundu.+ 17  Kadi Isalele neapandishibue kudi Yehowa ne lupandu lua tshiendelele.+ Kanuakufuishibua bundu anyi kupuekeshibua milongo bua kashidi ne tshiendelele.+ 18  Mona tshidi Yehowa,Mufuki wa diulu,+ Nzambi mulelela,Yeye uvua muenze buloba, Mubuenji uvua mubujadike bikole,+Uvua kayi mubufuke anu bua tshianana,* kadi uvua mubuenze bua bantu basombelapu,+ wamba: “Meme ndi Yehowa, kakuena mukuabu nansha. 19  Tshivua muakuile muaba musokome,+ mu buloba bua mîdima to;Tshivua muambile bana* ba Yakoba ne:‘Nunkebe anu bua tshianana’* to. Meme ndi Yehowa, udi wakula malu adi makane ne wamba malu adi malulame.+ 20  Disangishayi pamue, nulue. Semenayi pamue, nuenu badi bapanduke mu bisamba.+ Ki mbamanye tshintu, bobu badi bambula mpingu misongaNe basambila nzambi udi kayi mua kubapandisha.+ 21  Ambayi malu anudi nawu, lumbululayi tshilumbu tshienu. Bayukidilangane pamue mu buobumue. Nnganyi uvua muambe bualu ebu katshia ku kaleNe mubumanyishe katshia ku bikondo bia kale? Ki mmeme, Yehowa, anyi? Kakuena Nzambi mukuabu anu meme;Nzambi muakane ne Mupandishi,+ kakuena mukuabu pa kungumbusha meme.+ 22  Luayi kundi, nupandishibue,+ nuenu ntengu yonso ya buloba,Bualu meme ndi Nzambi, ne kakuena mukuabu.+ 23  Ndi muditshipe mu dîna dianyi;Dîyi ndipatuke mukana muanyi mu buakane,Ne kadiakupingana to:+ Tshinu tshionso netshintuile panshi,Ludimi luonso neluditshipe bua lulamatu+ 24  Ne neluambe ne: ‘Bulelela, mu Yehowa mudi buakane bua bushuwa ne bukole. Bantu bonso badi bamukuatshile tshiji nebalue kumpala kuende ne bundu. 25  Mu Yehowa bana* bonso ba Isalele nebabingishibue,+Ne nebaditumbishile mu yeye.’”

Note

Ku mua.: “kusulula mikaba mu bimono bia bakalenge.”
Ku mua.: “Nenkusuike mukaba bikole.”
Anyi “Kumbukila ku est too ne ku ouest.”
Anyi “utandangana.”
Anyi “ne Yeye uvua mumuenze.”
Anyi “Yeye uvua mudienze.”
Anyi pamuapa: “Peshi diima didi mua kuamba ne: ‘Mudimu webe kawena ne bikuatshidi’ anyi?”
Anyi “Udi udinyenga bua kulela tshinyi?”
Anyi pamuapa: “benji ba midimu mikole ba.”
Anyi pamuapa: “bangenda mushinga ba.”
Anyi pamuapa: “bua buikale butupu.”
Ku mua.: “dimiinu.”
Anyi “bua patupu.”
Ku mua.: “dimiinu.”