Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yeshaya 44:1-28

MALU ADI MU MUKANDA EU

  • Mabenesha pa bantu basungula ba Nzambi (1-5)

  • Kakuena Nzambi mukuabu anu Yehowa (6-8)

  • Butshimbakane bua mpingu mienza kudi muntu (9-20)

  • Yehowa, Mupikudi wa Isalele (21-23)

  • Dipingajibua ku butuangaji bua Kolesha (24-28)

44  “Mpindieu teleja, wewe Yakoba muena mudimu wanyi,Ne wewe, Isalele, undi musungule.+   Mona tshidi Yehowa,Mufuki webe, Yeye uvua mukuenze,+Udi mukuambuluishe kumbukila mu difu,* wamba: ‘Kutshinyi to, muena mudimu wanyi Yakoba,+Ne wewe, Yeshuluna,*+ undi musungule.   Bualu nengitshikijile muntu udi ne nyota* mâyi+Ne buloba bume tusulu tudi tupueka. Nengitshikijile bana bebe* nyuma wanyi+Ne tunkanunuina tuebe dibenesha dianyi.   Nunku, nebapatuke bu munkatshi mua bisonsa bibishi,+Bu mitshi ya pepiliye ku muelelu kua tusulu tua mâyi.   Muntu neambe ne: “Meme ndi wa Yehowa.”+ Mukuabu neadibikile ku dîna dia Yakoba,Ne munga pende neafunde pa tshianza tshiende ne: “Wa Yehowa.” Ne yeye neangate dîna dia Isalele.’   Mona tshidi Yehowa,Mukalenge wa Isalele+ ne Mupikudi wende,+ Yehowa wa biluilu, wamba: ‘Ndi wa kumpala ne ndi wa ndekelu.+ Kakuena Nzambi mukuabu, anu meme.+   Nnganyi udiku udi bu meme?+ Ele dîyi, ambe bualu ebu ne abunjadikile!+ Katshia ku tshikondo tshimvua mujadike bantu ba kale,Bambe malu adi aluaNe malu alua kuenzeka.   Kanutshinyi,Kanufu ne buôwa.+ Tshienaku mudianjile kuambila yonso wa kunudi ne mumumanyishe bualu ebu anyi? Nudi bantemu banyi.+ Kudiku Nzambi mukuabu pa kumbusha meme anyi? Tòo, kakuena Dibue dikuabu;+ tshiena mumanye nansha dimue to.’”   Bonso badi benza mpingu misonga kabena ne mushinga nansha mukese,Bintu biabu bidibu banange kabiakubakuatshisha nansha.+ Anu bu bantemu bayi, yoyi* kayena yimona tshintu ne ki mmimanye tshintu to,+Nunku badi bayenze nebafuishibue bundu.+ 10  Nnganyi udi mua kuenza nzambi anyi lupingu lua tshiamu*Ludi kaluyi mua kumukuatshisha?+ 11  Monayi! Bena diende bonso nebafuishibue bundu!+ Bansenda badi anu bantu patupu. Badisangishe bonso ne bimane. Nebakuatshike buôwa ne nebafuishibue bundu pamue. 12  Mufudi wa biamu udi ufula tshiamu tshidi pa makala a kapia ne tshiamu tshiende tshia mudimu.* Udi utshituta ne nyindu,Utshifula ne diboko diende dia bukole.+ Pashishe udi umvua nzala, bukole buende budi bukepela;Kena unua mâyi ne udi utshioka. 13  Musongi wa bintu bia mitshi udi wolola nshinga wa kupima nende, uzola tshifundu ne lupemba lukunze. Udi utshipunga ne tshiamu tshia kukona natshi ne welapu mishonyi ne kompa. Udi utshipesha tshimuenekelu tshia muntu,+Ne bulengele bua muntu,Bua kusombatshi mu nzubu.*+ 14  Kudi muntu kampanda udi mudimu wende muikale wa kupula mitshi ya sedre. Udi usungula mushindu kampanda wa mutshi, mutshi wa lusanga,Udi uwulekela ukola munkatshi mua mitshi mikuabu ya muitu.+ Udi ukuna mutshi wa loriye, ne mvula udi uwukolesha. 15  Pashishe, udi ulua lukunyi lua muntu kutemesha nalu kapia. Udi wangata tshitupa tshiawu bua kuota kapia;Udi utemesha kapia ne wosha mampa. Kadi udi kabidi wenza nawu nzambi ne uwutendelela. Udi uwenza lupingu lusonga, ne udi winama kumpala kuawu.+ 16  Tshitupa tshiawu, udi utshiosha mu kapia;Udi wosha munyinyi udiye udia ne tshitupa atshi, ne udi ukuta. Udi kabidi wota kapia, wamba ne: “Kaah! Ndi ngumvua kaluya pandi ntangila kapia aka.” 17  Kadi tshitupa tshiawu tshivua tshishale, udi utshienza nzambi, utshienza lupingu luende lusonga. Udi utshinamina ne utshitendelela. Udi utshisambila, wamba ne: “Umpandishe, bualu wewe udi nzambi wanyi.”+ 18  Ki mbamanye tshintu, kabena bajingulula tshintu,+Bualu mêsu abu mmakanga ne kabena bamona,Ne muoyo wabu kawena ne busunguluji. 19  Kakuena muntu udi wela meji mu muoyo wendeAnyi udi ne dimanya peshi dijingulula dia malu, udi wamba ne: “Mvua muoshe tshitupa tshiawu mu kapia,Ne pa makala awu mpamvua muoshile mampa ne munyinyi wa kudia. Nunku, ndi ne bua kuenza tshintu tshibi ne tshitupa tshiawu tshidi tshishale anyi?+ Ndi ne bua kutendelela tshitupa* tshia mutshi anyi?” 20  Yeye udi udia butu. Muoyo wende munyanguke mmumupambule. Kena mua kudipandisha,* anyi kuamba ne: “Dishima kadiena mu tshianza tshianyi tshia balume anyi?” 21  “Vuluka malu aa, wewe Yakoba, ne wewe Isalele,Bualu wewe udi muena mudimu wanyi. Mvua mukuenze, ne wewe udi muena mudimu wanyi.+ Wewe Isalele, tshiakukupua muoyo to.+ 22  Nembuikile matomboka ebe bu ne ditutu+Ne mpekatu yebe bu ne ditutu difiike. Pingana kundi, bualu nenkupikule.+ 23  Elayi mbila ne disanka, nuenu diulu,Bualu Yehowa mmuenze bualu! Elayi mbila ya ditshimuna, nuenu ndondo ya buloba! Elayi mbila bua disanka, nuenu mikuna,+Wewe ditu, ne mitshi yebe yonso! Bualu Yehowa mmupikule Yakoba,Ne udi ulejila bulengele buende pa Isalele.”+ 24  Mona tshidi Yehowa, Mupikudi webe+Uvua mukuenze katshia pautshivua munda, wamba: “Meme ndi Yehowa uvua muenze bintu bionso. Ngakabalula diulu meme nkayanyi,+Ngakabalakaja buloba.+ Nnganyi uvua nanyi? 25  Ndi mpangisha bimanyinu bia bena biakulakula bia patupu,*Ne ndi Yeye udi wenza bua bena mbuku benze malu bu batatakane;+Yeye udi utatakaja bena mejiNe uvuija dimanya diabu butatakane;+ 26  Yeye udi ukumbaja dîyi dia muena mudimu wendeNe ukumbaja tshishiki malu madianjila kuamba a batuadi bende ba mukenji;+Yeye udi wamba bua Yelushalema ne: ‘Nebasombelamu,’+ Ne bua bimenga bia Yuda ne: ‘Nebabibakulule,+Ne nengasulule bikulu biende’;+ 27  Yeye udi wambila mâyi male ne: ‘Kama,Ne nengumishe misulu yebe yonso’;+ 28  Yeye udi wamba bua Kolesha+ ne: ‘Yeye udi mulami wanyi wa mikoko,Ne neakumbaje disua dianyi dionso tshishiki’;+Yeye udi wamba bua Yelushalema ne: ‘Nebamuibakulule,’ Ne bua ntempelo ne: ‘Nebase tshishimikidi tshiebe.’”+

Note

Anyi “katshia ku diledibua.”
Diumvuija: “Muntu mululame,” dîna dia muanzu dia Isalele.
Anyi “buloba budi ne nyota.”
Ku mua.: “dimiinu diebe.”
Mmumue ne: mpingu.
Anyi “lupingu lua tshiamu tshiengulula.”
Anyi “kele.”
Anyi “kazubu ka tshijila ka mpingu.”
Anyi “tshitupa tshiume.”
Anyi “kupandisha anyima wende.”
Anyi “baprofete ba dishima.”