Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yeshaya 4:1-6

MALU ADI MU MUKANDA EU

  • Bakaji muanda mutekete kudi mulume umue (1)

  • Tshidi Yehowa utoluesha netshikale tshia butumbi (2-6)

4  Bakaji muanda mutekete nebakuate mulume umue dituku adi,+ bamba ne: “Netudie biakudia bietu tuetuNe netuvuale bilamba bietu tuetu;Kadi lekela tubikidibue anu ku dîna diebeBua kutumbusha bundu.”*+  Mu dituku adi, tshidi Yehowa utoluesha netshikale tshitambe bulengele ne tshia butumbi, ne mamuma a buloba neikale kudisua ne bulengele bua badi bapanduka mu Isalele.+  Yonso udi ushala mu Siona ne udibu bashiye mu Yelushalema neabikidibue ne: wa tshijila, bonso ba ku badi mu Yelushalema badi bafundibue mu mukanda bua muoyo.+  Padi Yehowa usukula manyanu* a bana ba bakaji ba Siona+ ne umbusha diela dia mashi panshi dia Yelushalema munkatshi muende ku nyuma wa dilumbuluisha ne ku nyuma wa dioshangana,*+  Yehowa neafuke kabidi ditutu ne muishi pa mutu pa tshitupa tshionso tshijima tshidi mukuna wa Siona ne pa mutu pa muaba wende wa masangisha mu munya, ne kapia kadi kalakuka kakenka butuku;+ bualu ku mutu kua butumbi abu buonso nekuikale tshibuikilu.  Nekuikale tshitanda bua dileji munda munya bua munya,+ ne bua tshinyemenu ne bukubi ku bipepele bikole ne mvula.+

Note

Mmumue ne: dipuekeshibua milongo dia kupanga kusedibua ne kulela bana.
Ku mua.: “bunyawu.”
Anyi “disukula munda.”