Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yeshaya 38:1-22

MALU ADI MU MUKANDA EU

  • Disama dia Hezikiya ne diumvua bimpe (1-22)

    • Musambu wa dianyisha (10-20)

38  Mu matuku au, Hezikiya wakasama ne ukavua ukeba kufua.+ Muprofete Yeshaya+ muana wa Amoza wakalua kudiye, kumuambilaye ne: “Mona tshidi Yehowa wamba: ‘Ambila ba mu nzubu muebe malu adibu ne bua kuenza, bualu neufue; kuakumvua bimpe to.’”+  Ke Hezikiya kutangija mpala wende mu tshimanu, kutuadijaye kulomba Yehowa wamba ne:  “Ndi nkusengelela, Yehowa wanyi, uvulukaku+ mundi muende kumpala kuebe ne lulamatu luonso ne muoyo mujima,+ ne ndi muenze malu avua mimpe ku mêsu kuebe.” Pashishe Hezikiya wakatuadija kudila bikole.  Pashishe dîyi dia Yehowa diakalua kudi Yeshaya, diamba ne:  “Pingana wambile Hezikiya+ ne: ‘Mona tshidi Yehowa Nzambi wa nkambua webe Davidi wamba: “Ndi mumvue disambila diebe.+ Ndi mumone binsonji biebe.+ Mona, ndi nsakidila bidimu 15 ku matuku ebe a muoyo,*+  ne nenkusungile wewe ne tshimenga etshi mu tshianza tshia mukalenge wa Ashû, ne nenkube tshimenga etshi.+  Mona tshimanyinu tshia kudi Yehowa bua kukuleja ne: Yehowa neakumbaje dîyi didiye muambe:+  Mona, nempingaje mundidimbi wa dîba udi upueka pa tshibandilu* tshia Ahaza panyima bidiatshilu dikumi.”’”+ Nunku dîba diakapingana panyima bidiatshilu dikumi pa tshibandilu pakavuadi dipueke.  Malu akafunda* Hezikiya mukalenge wa Yuda pavuaye musame ne mumvue bimpe ku disama diende. 10  Ngakamba ne: “Munkatshinkatshi mua matuku anyi a muoyoNdi ne bua kubuela mu biibi bia Lukita.* Nebampangishe bidimu bianyi bidi bishale.” 11  Ngakamba ne: “Tshiakumona Yah,* Yah mene mu buloba bua badi ne muoyo.+ Tshiakutangila kabidi bukua bantuPandi pamue ne badi basombele muaba udi malu onso imana. 12  Mbatule tshisombelu tshianyi, mbatshiumbushe kundi+Bu ntenta wa mulami wa mikoko. Ndi muvunge muoyo wanyi bu muluki wa bilamba;*Yeye udi unkosa bu manda a tshilamba a mu bule. Kubangila ku dinda too ne padi butuku buila wewe udi utungunuka ne kuya nanyi too ne ku ndekelu.+ 13  Ndi nditukija too ne mu dinda. Bu ntambue, yeye udi utungunuka ne kutshibula mifuba yanyi yonso;Kubangila ku dinda too ne padi butuku buila wewe udi utungunuka ne kuya nanyi too ne ku ndekelu.+ 14  Bu nyunyi wa kandindi anyi wa mutendi,* ke mundi ntungunuka ne kudila;+Ndi ntungunuka ne kudila bu nyunyi wa nkutshi.+ Mêsu anyi mmatangile ne dipungi ku muaba mutumbuke:+ ‘Yehowa wanyi, ndi mu dikenga dikole;Ikala mukuatshishi wanyi!’*+ 15  Nengambe tshinyi? Yeye mmuyukile nanyi ne mmuenze bualu. Nengende ne budipuekeshi* bidimu bianyi bionsoBua dikenga dikole dindi nadi.* 16  ‘Yehowa wanyi, muntu yonso udi ne muoyo bua malu aa,*Ne munda muawu ke mudi muoyo wa nyuma wanyi. Neumpeshilule bukole bua mubidi ne neundame ne muoyo.+ 17  Tangila! Pamutu pa ditalala, mvua ne kanyinganyinga kakole;Kadi bua muudi munnange* bikole,Uvua munkube ku tshina tshia kabutu.+ Udi mukupe mpekatu yanyi yonso panyima pebe.*+ 18  Bualu Lukita* kaluena mua kukutumbisha,+Lufu kaluena mua kukusamuna to.+ Badi bapueka mu tshina kabena mua kutekemena lulamatu luebe.+ 19  Muntu udi ne muoyo, muntu udi ne muoyo udi mua kukutumbisha,Anu bu mundi ngenza dituku edi. Tatu udi mua kupesha bana bende dimanya dia bualu bua lulamatu luebe.+ 20  Yehowa wanyi, umpandishe,Netuimbe misambu yanyi ne biombelu bia nshinga+Matuku etu onso a muoyo mu nzubu wa Yehowa.’”+ 21  Pashishe Yeshaya wakamba ne: “Luayi ne dibulu dia mfigi miumisha mibondakaja pamue, nuditeke pa tshiwuja, bua yeye umvue bimpe.”+ 22  Hezikiya uvua muebeje ne: “Ntshimanyinu kayi tshidi tshileja ne: nembande ku nzubu wa Yehowa?”+

Note

Ku mua.: “matuku ebe.”
Pamuapa bavua benza mudimu ne bibandilu ebi bua kubala dîba, bu mu tshiamu tshia kubala natshi dîba ku diambuluisha dia mundidimbi.
Anyi “Kasala ka.”
Anyi “Sheole,” mmumue ne: lukita lua bukua bantu buonso. Tang. Diumv.
“Yah” ntshikepeshilu tshia dîna dia Yehowa.
Tang. Diumv.
Anyi pamuapa: “nyunyi wa mudinga.”
Ku mua.: “Ikala tshieya tshianyi.”
Anyi “ne budipope.”
Anyi “kanyinganyinga kakole ka anyima wanyi.”
Mmumue ne: mêyi a Nzambi ne bienzedi biende.”
Anyi “munange anyima wanyi.”
Anyi “mumbushe mpekatu yanyi yonso ku mêsu kuebe.”
Anyi “Sheole,” mmumue ne: lukita lua bukua bantu buonso. Tang. Diumv.