Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yeshaya 30:1-33

MALU ADI MU MUKANDA EU

  • Diambuluisha dia Ejipitu kadiena ne dikuatshisha nansha dikese (1-7)

  • Bantu badi babenga mukenji wa buprofete (8-14)

  • Bukole budi bufumina ku dikala ne dieyemena (15-17)

  • Yehowa udi uleja bantu bende luse (18-26)

    • Yehowa, Mulongeshi Munene (20)

    • “Njila nyeye eu” (21)

  • Yehowa udi ne bua kukumbaja dilumbuluisha diende pa Ashû (27-33)

30  “Diakabi dikale kudi bana badi ne mutu mukole”+ ke mudi Yehowa wamba,“Badi benza malu adibu balongolole adi kaayi anyi,+Badi bapunga bipungidi,* kadi kabiyi ku nyuma wanyi,Bua kusakidila mpekatu ku mpekatu mukuabu.   Badi bapueka mu Ejipitu+ kabayi bangebeja bualu,*+Bua kuya kusokomena mu bukubi bua Palô*Ne kunyemena mu mundidimbi wa Ejipitu!   Kadi bukubi bua Palô nebulue kunudi bualu bua bundu,Ne dinyemena mu mundidimbi wa Ejipitu nedilue bualu budi bunupuekeshisha milongo.+   Bualu bakokeshi bende badi mu Soana,+Ne batumibue bende mbafike ku Hanesa.   Bonso nebabafuishe bunduKudi tshisamba tshidi katshiyi mua kubapetesha diakalengele,Tshidi katshiyi tshifila dikuatshisha anyi diakalengele,Kadi anu bundu ne dipuekeshibua milongo.”+  Dîyi diamba bua bualu bua nyama ya ku sud didi ne: Kupitshila mu buloba bua ntatu ne makenga,Bua ntambue, ntambue udi ukungula,Bua nyoka wa lulengu ne nyoka udi ubuuka ne wosha bu kapia,*Badi bambuila bubanji buabu pa nyima ya mpundaNe bintu biabu pa tutonta tua nyama ya tumelu. Kadi bintu ebi kabiakuambuluisha bantu to.   Bualu diambuluisha dia Ejipitu kadiena ne dikuatshisha nansha dikese to.+ Nunku ndi mumubikile yeye eu ne: “Lahaba,+ udi musombe talalaa.”   “Mpindieu ndaku, ufunde bualu ebu pa dibaya mu mêsu muabu,Ne ubufunde mu mukanda,+Bua bumone mua kuambuluisha dituku ditshidi diluaBu bujadiki bua tshiendelele.+   Bualu bobu badi tshisamba tshia bantomboji,+ bana ba mashimi,+Bana badi kabayi basue kuteleja mukenji wa* Yehowa.+ 10  Badi bambila bamonyi ba malu ne: ‘Kanumonyi,’ Ne bamonyi ba bikena kumona ne: ‘Kanutuambidi bikena kumona bilelela to.+ Tuambilayi malu adi afunya;* monayi bikena kumona bia dishima.+ 11  Umbukayi mu njila; sesukayi mu njila. Lekelayi kuteka Wa Tshijila wa Isalele kumpala kuetu.’”+ 12  Nunku Wa Tshijila wa Isalele udi wamba ne: “Bu munudi nubenga dîyi edi,+Nueyemena dibila ne dishimaNe nutekemena malu aa,+ 13  Nunku tshilema etshi netshikale bu tshimanu tshikoseke,Bu tshimanu tshile tshituntamane tshikeba kupuka. Netshiupuke diakamue, mu mupodi wa dîsu. 14  Netshisunsuke bu mulondo munene wa mufumbi,Musunsuke wonso kakuyi kushala kapese nansha kamue mu bisunsukile biawuBua kuokola naku kapia muikuAnyi kutunta naku mâyi mu tshijibajiba.”* 15  Bualu monayi tshidi Mukalenge Mutambe Bunene Yehowa, Wa Tshijila wa Isalele, wamba: “Panudi nualukila kundi ne nuikisha, nenupandishibue;Bukole buenu nebuikale mu dishala talalaa ne dikala ne dieyemena.”+ Kadi nuenu kanuvua basue to.+ 16  Kadi nuenu nuakamba ne: “Tòo, netunyemene pa tubalu!” Nunku bua kunyema nenunyeme.“Ne netubande pa tubalu tua lubilu lukole!”+ Nunku badi banuipata nebikale ne lubilu lukole.+ 17  Bantu tshinunu nebazakale bua difuna dia muntu umue;+Bua difuna dia bantu batanu nenunyemeToo ne padi badi bashala ba kunudi balua bu mutshi wa tshilamba tshitubu baludika natshi mazuwa pa lusongo lua mukuna munene,Bu mutshi wa tshimanyinu pa mukuna mukese.+ 18  Kadi Yehowa mmuindile ne lutulu luonso* bua kunuleja bulenga,+Ne yeye neajuke bua kunuleja luse.+ Bualu Yehowa udi Nzambi wa kulumbuluisha kuakane.+ Ba diakalenga mbonso badi batungunuka ne kumutekemena.*+ 19  Padi bantu basombela mu Siona, mu Yelushalema,+ kuakudila nansha kakese.+ Bushuwa yeye neakuleje bulenga ku lubila lua muadi webe wa kulomba diambuluisha; neakuandamune diakamue padiye ulumvua.+ 20  Nansha muikala Yehowa mua kunupesha dikenga bu biakudia ne dikengeshibua bu mâyi,+ Mulongeshi webe Munene kakusokoma nansha, neumone Mulongeshi webe Munene+ ne mêsu ebe. 21  Matshi ebe neumvue dîyi panyima pebe diamba ne: “Njila nyeye eu.+ Endelayimu,” binuikala ne bua kuya ku dia balume anyi binuikala ne bua kuya ku dia bakaji.+ 22  Nenunyange tshiamu tshia arjan tshidi tshilamika ku mpingu yebe misonga ne bitata bia or bia mpingu yebe ya tshiamu.*+ Neubimanshe bu tshilamba tshia mukaji udi ku tshijila tshia mashi ne neubiambile ne: “Umbukayi!”*+ 23  Neafile mvula bua mamiinu audi ukuna mu buloba,+ ne biakudia bidi buloba bupatula nebikale bipite bungi ne bia manyi.*+ Dituku adi nyama yebe neyidiile mu mpata mialabale.+ 24  Ngombe ne mpunda idi idima neidie biakudia bia nyama bisambakaja ne bisonsa bia buanji bivuabu bapepule ne tshikasu ne ngalafu. 25  Pa mukuna munene mule wonso ne pa mukuna mukese mutumbuke wonso nepikale tusulu ne mâyi adi apueka,+ mu dituku dia dishipangana dinene padi bibumba biupuka. 26  Butoke bua ngondo udi tshitongatonga nebulue bu bua dîba; ne butoke bua dîba nebulue bukole misangu muanda mutekete,+ bu butoke bua matuku muanda mutekete, dituku didi Yehowa usuika ditshibuka dia bantu bende+ ne wondopa mputa munene wa ku mututu uvuaye mubatute.+ 27  Tangilayi! Dîna dia Yehowa didi difuma kule,Ditema ne tshiji tshiende ne matutu a bujitu. Mishiku yende mmiuwule tente ne tshiji,Ne ludimi luende ludi bu kapia kadi kabutula.+ 28  Nyuma* wende neikale bu mâyi a nkuaka mukole adi apasalala adi afika too ne mu nshingu,Bua kunyukulula bisamba mu munyingu wa kabutu;*Ne bukua bantu nebuikale ne lukanu ludi lubapambuisha mu mbanga yabu.+ 29  Kadi musambu wenu newikale bu musambu muimba butukuPaudi udilongolola* bua tshibilu tshia disanka,+Ne muoyo webe newusanke bu muntuUdi wenda ne* lushibaUya mutangile ku mukuna wa Yehowa, ku Dibue dia Isalele.+ 30  Yehowa neenze bua dîyi diende dia bunême+ diumvuikeNe neasokolole diboko diende+ padidi dipueka mu kapia ka tshiji,+Ne ludimi lua kapia kadi kabutula,+Ne mvula udi witshikila+ ne mvula wa makubakuba ne mabue a mvula.+ 31  Bua dîyi dia Yehowa, Ashû neakuatshike buôwa bukole;+Neamukume ne mulangala.+ 32  Nanku, diela dionso dia mulangala wende wa dinyokaDialua Yehowa kuela AshûNedikale dishindikija kudi ngoma ya ku bianza ne nzenze+Padiye ubajudila diboko diende bua kuluangana nabu mvita.+ 33  Bualu Tofete* wende+ ukadi mumana kulongolola;Ukadi kabidi mulongoluela mukalenge.+ Yeye mmuele mushiki wa nkunyi muye muinshi ne munene,Ne kapia kapite bungi ne nkunyi. Mupuya wa Yehowa, udi bu musulu wa sufre wa nkuaka mukole,Newumutue kapia.

Note

Ku mua.: “bapongolola mulambu wa bia kunua,” bakula pamuapa bua kupunga dîyi.
Anyi “kabayi bakonka mukana muanyi.”
Ku mua.: “muaba wa kusokomena wa Palô.”
Anyi “nyoka wa lulengu udi usuma mu mupodi wa dîsu.”
Anyi “dilongesha dia.”
Ku mua.: “manefuke.”
Anyi pamuapa: “tshina tshia kulamina mâyi.”
Anyi “udi utungunuka ne kutekemena.”
Anyi “kumuindila ne muoyo mujima.”
Anyi “mpingu yebe ya tshiamu tshiengulula.”
Anyi pamuapa: “ne neuyibikile ne: manyanu.”
Ku mua.: “binene ne bia manyi.”
Anyi “mupuya.”
Ku mua.: “munyingu wa malu a patupu.”
Anyi “udijidila.”
Anyi “ku muadi wa.”
Mbenze mudimu ne “Tofete” muaba eu bu muaba wa mu tshimfuanyi udi utema kapia udi uleja kabutu.