Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yeshaya 29:1-24

MALU ADI MU MUKANDA EU

  • Diakabi dia Aliele! (1-16)

    • Mudimu udi mishiku yikuata mmupishibue (13)

  • Bampudi matshi nebumvue; ne bampofu nebamone (17-24)

29  “Diakabi dikale kudi Aliele,* Aliele, tshimenga tshivua Davidi mutudile!+ Tungunukayi ku tshidimu ne ku tshidimu;Dilondangana dia bibilu bia masanka+ ditungunuke.   Kadi nentumine Aliele dikenga,+Ne nekuikale madilu ne muadi,+Ne yeye nealue kundi bu dîku dia tshioshelu tshia Nzambi.+   Nengase tshitudilu tshinyunguluke ku nseke yonso bua kukuluisha,Ne nenkutshintshimike ne lupangu lua mitshiNenkuimanyikile bintu bia kukutshintshimika nabi.+   Neupuekeshibue;Newakuile panshi pa buloba,Ne malu awamba lupuishi neluapangishe bua kumvuikawu. Dîyi diebe nedifumine panshi pa buloba+Bu dîyi dia muena lubuku,Ne mêyi ebe neafumine mu lupuishi bu miadi ya tunyunyi.   Musumba wa bena lukuna* bebe newikale bu kapuishipuishi kafinunuke,+Musumba wa bakokeshi ba tshikisu anu bu bisote bidi bipepuka.+ Ne bualu ebu nebuenzeke musangu umue, mu mupodi wa dîsu.+   Yehowa wa biluilu neatume ntema yende kuudiNe makubakuba ne dikanka dia buloba ne mutoyi mukole,Ne mvula wa tshipupu ne tshipepele tshikole ne ndimi ya kapia kadi kabutula.”+   Pashishe musumba wa bisamba bionso bidi biela Aliele mvita,+Bonso badi bamuela mvita,Bibumba bia kumutshintshimika nabi,Ne badi bamukebela dikenga,Neulue bu tshilota, tshikena kumona tshia butuku.   Eyowa, nebikale anu bu padi muntu udi ne nzala ulota ne: udi wenda udia,Kadi udi utabala muikale ne nzala,*Ne bu padi muntu muikale ne nyota ulota ne: udi wenda unua mâyi,Kadi udi utabala mutshioke ne muikale ne nyota.* Ke muenzekelabi musumba wa bisamba bionsoBidi biela mukuna wa Siona mvita.+   Katshilayi ne kemayi;+Difofomijayi ne ikalayi bampofu.+ Mbakuatshike, kadi ki mbakuatshike mvinyo to;Badi benda batetuka, kadi ki mbua maluvu makole to. 10  Bualu Yehowa mmunuitshikijile nyuma wa tulu tukole;+Mmukange mêsu enu, baprofete,+Ne mmubuikile mitu yenu, bamonyi ba bikena kumona.+ 11  Tshikena kumona tshionso tshidi tshilua kunudi bu mêyi a mukanda mukanga.+ Padibu bawupesha muntu udi mua kuwubala, bamba ne: “Bala koku mukanda eu ne dîyi dikole,” neambe ne: “Tshiena mua kuwubala to, bualu mbawukange.” 12  Padibu bapesha muntu udi kayi mumanye kubala mukanda eu, bamba ne: “Bala koku mukanda eu,” neambe ne: “Tshiena mumanye kubala to.” 13  Yehowa udi wamba ne: “Bantu aba badi basemena kundi ne mukana muabuNe badi bannemeka ne mishiku yabu,+Kadi muoyo wabu udi kule menemene nanyi;Ne kuntshina kuabu nkuimanyine pa mikenji ya bantu idibu babalongeshe.+ 14  Nunku, meme ke Yeye wenza kabidi malu a kukema ne bantu aba,+Bualu bua kukema pa bualu bua kukema;Ne meji a bena meji babu neajimine,Ne dijingulula dia malu dia bantu babu badi badimuke nedisokokibue.”+ 15  Diakabi dikale kudi bantu badi baya kule menemene bua kusokoka Yehowa malu adibu balongolola.*+ Bienzedi biabu badi babienzela muaba wa mîdima,Padibu bamba ne: “Nnganyi udi utumona? Udi mumanye malu etu nnganyi?”+ 16  Ke munudi bakonyangaje malu nunku!* Badi ne bua kuangata mufumbi mushindu umue ne diima anyi?+ Tshintu tshidibu benze tshidiku mua kuamba bua mutshienji ne: “Yeye kavua mungenze” anyi?+ Tshintu tshifumba tshidiku mua kuamba bua mutshifumbi ne: “Yeye kena ne lungenyi” anyi?+ 17  Mu katupa kîpi patupu, nebavuije Lebanona budimi bua mitshi ya bimuma,+Ne nebangate budimi bua mitshi ya bimuma abu bu ditu.+ 18  Dituku adi bampudi matshi nebumvue mêyi a mu mukanda au,Ne mêsu a bampofu neamone mu mifitu ne mu mîdima.+ 19  Bena bupuekele nebasankile bikole mu Yehowa,Ne bapele badi munkatshi mua bantu nebikale ne disanka mu Wa Tshijila wa Isalele.+ 20  Bualu mukokeshi wa tshikisu kakuikalaku kabidi to,Muntu udi utumbisha neatue ku ndekelu wende,Ne bonso badi bashale batabale bua kuenzelangana bibi nebabutudibue,+ 21  Aba badi bapisha bakuabu ne dîyi dia dishima,Badi belela muntu udi wakuila bakuabu* mateyi mu tshiibi tshia tshimenga,+Ne badi bakula malu a tshianana bua kupala muntu muakane kulumbuluisha kuakane.+ 22  Nunku, mona tshidi Yehowa wakapikula Abalahama+ wambila nzubu wa Yakoba: “Yakoba kakufuishibua kabidi bundu to,Ne mpala wende kakutokoloka kabidi nansha.*+ 23  Bualu padiye umona bana bende,Badi mudimu wa bianza bianyi, munkatshi muende,+Nebajidile dîna dianyi;Eyowa, nebajidile Wa Tshijila wa Yakoba,Ne bobu nebatshine Nzambi wa Isalele.+ 24  Badi ne lungenyi lua buenzavi nebapete dijingulula dia malu,Ne badi badilakana nebitabe dilongesha.”

Note

Diumvuija pamuapa: “Dîku dia tshioshelu tshia Nzambi,” bakula pamuapa bua Yelushalema.
Ku mua.: “benyi.”
Anyi “ne anyima wende muikale munda mutupu.”
Anyi “ne anyima wende muikale muminyine.”
Anyi “ngenyi yabu.”
Anyi “Ke munudi banyanguke nunku!”
Ku mua.: “muntu udi ubelangana.”
Mmumue ne: bua bundu ne diedibua mâyi ku makasa.