Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yeshaya 28:1-29

MALU ADI MU MUKANDA EU

  • Diakabi kudi bakuatshiki ba maluvu ba Efelayima! (1-6)

  • Bakuidi ne baprofete ba Yuda badi batetuka (7-13)

  • “Tshipungidi ne Lufu” (14-22)

    • Dibue dia mu ditumba dia mushinga mukole mu Siona (16)

    • Mudimu wa Yehowa utu kawuyi muanji kuenzeka (21)

  • Tshilejilu tshia dinyoka dia meji dia Yehowa (23-29)

28  Diakabi dikale kudi tshifulu tshia butumbi* tshia didileja* tshia bakuatshiki ba maluvu ba Efelayima+Ne kudi tshilongo tshidi tshifubidila tshia bulengele bua butumbi buatshi,Tshidi pa mutu wa tshibandabanda tshia bufuke tshia bantu badi mvinyo mupite bukole!   Monayi! Yehowa udi ne muntu wa bukole ne makanda. Bu mvula mukole wa mabue ne makubakuba, tshipepele tshikole tshidi tshibutula,Bu mvula mukole wa mâyi a bungi wa mipenyi ne makubakuba,Yeye neatshizake panshi pa buloba ne bukole bua bungi.   Bifulu bia bukalenge bia didileja* bia bakuatshiki ba maluvu ba EfelayimaNebabidiatakaje muinshi mua makasa.+   Ne tshilongo tshidi tshifubidila tshia bulengele bua butumbi buatshi,Tshidi pa mutu wa tshibandabanda tshia bufuke,Netshilue bu kamuma ka mfigi ka ntuadijilu kumpala kua muvu wa luya lukole.* Padi muntu ukamona, udi ukamina diakamue padiku mu tshianza tshiende.  Dituku adi Yehowa wa biluilu nealue tshifulu tshia butumbi tshia lumu ne tshikata tshia bilongo tshilengele kudi bashadile ba bantu bende.+  Nealue nyuma wa kulumbuluisha kuakane kudi udi usomba bua kulumbuluisha ne mpokolo wa makanda kudi badi bakandamena mvita idibu babela ku tshiibi.+   Nansha bantu aba kabidi badi bapambuka bua mvinyo;Maluvu abu makole adi abatetuisha. Muakuidi ne muprofete badi bapambuka bua maluvu makole;Mvinyo udi ubatatakaja,Ne badi batetuka bua maluvu abu makole;Tshikena kumona tshiabu tshidi tshibapambuisha,Ne badi balenduka mu dilumbuluisha.+   Bualu mêsa abu mmuwule tente ne bilushi bia bukoya,Kakuena muaba udibi kabiyipu.   Muntu neapeshe nganyi dimanya,Ne muntu neumvuije nganyi mukenji eu? Mbadibu bafuma ku dilekesha dibele,Badibu bafuma ku diumbusha ku mabele anyi? 10  Bualu eu udi “mukenji pa mukenji, mukenji pa mukenji,Nshinga pa nshinga, nshinga pa nshinga,*+Ndambu apa, ndambu papa.” 11  Nunku ku diambuluisha dia badi bakula bakukumina* ne dia muakulu muenyi, yeye neakule ne bantu aba.+ 12  Wakabambila musangu kampanda ne: “Eu ke muaba wa kuikishila. Udi mupungile ikishe; eu ke muaba wa kupetuluila bukole,” kadi bobu bakabenga bua kuteleja.+ 13  Nunku, dîyi dia Yehowa kudibu nedikale nunku: “Mukenji pa mukenji, mukenji pa mukenji,Nshinga pa nshinga, nshinga pa nshinga,*+Ndambu apa, ndambu papa,” Bua padibu benda,Nebatetuke, nebadishinde tshianyima,Nebatshibuke, nebakuluke mu buteyi ne nebakuatshibue.+ 14  Nunku telejayi dîyi dia Yehowa, nuenu baditumbishi,Nuenu bamfumu ba bantu aba ba mu Yelushalema, 15  Bualu nuenu balumiana nudi nuamba ne: “Tudi badie tshipungidi ne Lufu,+Ne tudi bapunge dîyi* ne Lukita.* Padi mâyi a nkuaka mukole adi apasalala apita,Kaakufika kutudi,Bualu tudi bavuije dishima tshinyemenu tshietuNe tudi basokome mu mafi.”+ 16  Nunku Mukalenge Mutambe Bunene Yehowa udi wamba ne: “Tangilayi ndi nteka dibue diteta bu tshishimikidi mu Siona,+Dibue dia mu ditumba+ dia mushinga mukole dia tshishimikidi tshikole.+ Muntu udi uleja ditabuja kakupampakana nansha.+ 17  Nemvuije kulumbuluisha kuakane nshinga wa kupima nende bule+ Ne buakane tshiamu tshia kuludika natshi.*+ Mvula wa mabue neakombe tshinyemenu tshia mashimi,Ne mâyi neuwule muaba wa kusokomena. 18  Nebashipe tshipungidi tshinudi badie ne Lufu,Ne dîyi dinudi bapunge ne Lukita* kadiakuimana.+ Padi mâyi a nkuaka mukole adi apasalala apita,Neanuboze. 19  Misangu yonso idiwu apita,Neanukombe;+Bualu neapite ku dinda ne ku dinda,Mu munya ne butuku. Anu buôwa bukole ke buabafikisha ku dijingulula tshivuabu bumvue.”* 20  Bualu bulalu mbuîpi bikole bua kudiololapu,Ne tshilamba tshiluka tshia kudibuikila ntshikese bikole bua kudivungilamu. 21  Bualu Yehowa neajuke bu muakajukaye ku mukuna wa Pelasima;Neajukile kuulu bu muakenzaye mu tshibandabanda* tshidi pabuipi ne Gibeona,+Bua amone mua kuenza tshienzedi tshiende, tshienzedi tshiende tshia dikema,Ne bua amone mua kukumbaja mudimu wende, mudimu wende utu kawuyi muanji kuenzeka.+ 22  Nunku kanuseki to,+Bua kabalu kukolesha kabidi nkanu idibu banusuike,Bualu ndi mumvue bualu ebu kudi Mukalenge Mutambe Bunene, Yehowa wa biluilu,Ne: mbapangadijile ditunga dijima* kabutu.+ 23  Filayi matshi, telejayi dîyi dianyi;Teyayi ntema, umvuayi tshindi ngamba. 24  Muntu udi usekuna udi utungunuka ne kusekuna dituku dijima kumpala kua yeye kukuna mamiinu anyi? Udi utungunuka ne kubundulula ne kulandakaja buloba buende anyi?+ 25  Padiye mumane kulandakaja pa mutu pabu,Kena umiamina ntete ya kimen mufiike ne ukuna tshisonsa tshia kimen anyi?Ne yeye kena ukuna ntete ya blé, ya mponda, ne ya orje mu miaba yayiNe umiamina ntete ya epotre*+ ku mielelu anyi? 26  Bualu Yeye udi umulongesha* mu mushindu muimpe;Nzambi wende udi umuyisha.+ 27  Bualu kabatu bazaaza kimen mufiike ne tshintu tshia kushipula natshi to,+Ne kabatu bapitshishila lukata lua ditempu pa kimen to. Kadi, batu batuta kimen mufiike ne mutshi,Ne batuta kimen ne mulangala. 28  Muntu utu uzaza ntete bua diampa anyi? Tòo, kena uyishipula anu kuyishipula to;+Padiye ubungulujilapu lukata lua ditempu diende ne tubalu tuende,Kena uyizaza to.+ 29  Bualu ebu kabidi budi bufumina kudi Yehowa wa biluilu,Muena lungenyi ludi lukemesha,*Udi muenze malu adi manene.*+

Note

Pamuapa badi bakula bua tshimamuende wa bukalenge, Samalea.
Anyi “lutambishi; diambu.”
Anyi “lutambishi; diambu.”
Anyi “été.
Anyi “Nshinga wa kupima nende bule pa nshinga wa kupima nende bule, nshinga wa kupima nende bule pa nshinga wa kupima nende bule.”
Ku mua.: “ne mushiku udi ukukumina.”
Anyi “Nshinga wa kupima nende bule pa nshinga wa kupima nende bule, nshinga wa kupima nende bule pa nshinga wa kupima nende bule.”
Anyi pamuapa: “bakumbaje tshikena kumona.”
Anyi “Sheole,” mmumue ne: lukita lua bukua bantu buonso. Tang. Diumv.
Anyi “nshinga wa tshiamu tshia plomb.”
Anyi “Sheole,” mmumue ne: lukita lua bukua bantu buonso. Tang. Diumv.
Anyi pamuapa: “Padibu bajingulula, nebumvue buôwa bua dikema.”
Anyi “tshibatabata.”
Anyi “buloba bujima.”
Ntete ya blé ya mushindu mukuabu.
Anyi “umubela; umunyoka.”
Anyi “dilongolola didi dikemesha.”
Anyi “Ne muena meji adi ambuluisha a dikema.”