Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yeshaya 26:1-21

MALU ADI MU MUKANDA EU

  • Musambu bua dieyemena ne lupandu (1-21)

    • Yah Yehowa, Dibue dia tshiendelele (4)

    • Bantu ba pa buloba badi ne bua kulonga buakane (9)

    • “Bafue bebe nebikale ne muoyo” (19)

    • Buelayi mu nzubu ya munda ne nusokome (20)

26  Mu dituku adi nebimbe musambu eu+ mu buloba bua Yuda ne:+ “Tudi ne tshimenga tshikole.+ Bimanu biatshi ne bibumba biatshi bikole yeye udi ubivuija lupandu.+   Kangula biibi+ bua tshisamba tshia buakane tshimone mua kubuela,Tshisamba tshidi tshilame bienzedi bia lulamatu.   Neukube badi bakueyemena ne muoyo mujima;*Neubapeshe ditalala didi kadiyi dijika,+Bualu badi bakueyemena wewe.+   Eyemenayi Yehowa bua kashidi,+Bualu Yah* Yehowa udi Dibue dia tshiendelele.+   Bualu mmupuekeshe bantu badi basombele muaba mutumbuke, tshimenga tshidi kuulu. Udi utshipuekesha panshi,Udi utshipuekesha panshi pa buloba;Udi utshiela panshi mu lupuishi.   Dikasa neditshidiate,Makasa a bakengi, bidia bia makasa a bapuekele.”   Njila wa muntu muakane mmululame.* Bualu wewe udi muena bululame,Neulandakaje njila wa bantu bakane.   Yehowa wetu, patudi tulonda njila wa mêyi ebe a dilumbuluisha,Ditekemena dietu didi kuudi. Tudi* tujinga dîna diebe ne tshivulukilu* tshiebe bikole.   Butuku, meme yonso mujima* ndi nkujinga bikole,Eyowa, muoyo* wanyi udi utungunuka ne kukukeba;+Bualu padiku mêyi a dilumbuluisha adi afuma kuudi bua buloba,Badi basombele mu buloba badi balonga buakane.+ 10  Nansha bobu baleje muntu mubi bulenga,Kakulonga buakane nansha.+ Nansha mu buloba bua bululame, yeye neenze malu mabi,+Ne kakumona butumbi bua Yehowa to.+ 11  Yehowa wetu, tshianza tshiebe ntshiela muulu, kadi bobu kabena batshimona to.+ Nebamone tshisumi tshiudi natshi bua bantu bebe ne nebafuishibue bundu. Eyowa, kapia kadi kalongoluela baluishi bebe nekaboshe. 12  Yehowa wetu, neutupeshe ditalala,+Bualu malu onso atudi benzeWewe udi mutukumbajilawu. 13  Yehowa Nzambi wetu, bamfumu bakuabu mbatukokeshe,+Kadi tudi tutela anu dîna diebe.+ 14  Mbafue; kabakuikala ne muoyo to. Kabena ne bukole mu lufu, kabakubika to.+ Bualu wewe udi mutume ntema yebe kudibuBua kubabutula ne kujimija tshivulukilu tshiabu tshionso. 15  Yehowa wetu, udi mudiundishe tshisamba,Udi mudiundishe tshisamba;Udi muditumbishe.+ Udi mualabaje mikalu yonso ya buloba bikole menemene.+ 16  Yehowa wetu, bakalua kuudi pavuabu mu dikenga;Bavua bupumune masambila abu banungana pauvua mubanyoke.+ 17  Anu bu mukaji udi ne difu udi ukeba kulelaMuikale ne didinyenga dia pa kulela ne wela mbila mu didinyenga,Ke mutudi bua bualu buebe, Yehowa wetu. 18  Tuvua bimite mafu, tuetu kumvua bitusama bua kulela,Kadi tudi anu bu badi balele lupepele. Katuena bapeteshe buloba lupandu,Ne muntu nansha umue ki mmuledibue bua kusombela mu buloba to. 19  “Bafue bebe nebikale ne muoyo. Bitalu bianyi nebijuke.*+ Tabalayi ne elayi mbila ne disanka,Nuenu badi basombele mu lupuishi!+ Bualu lumuma luebe ludi bu lumuma lua mu dinda,*Ne buloba nebulekele badi kabayi ne bukole mu lufu bapingana ku muoyo.* 20  Ndayi, nuenu bantu banyi, buelayi mu nzubu yenu ya munda,Ne kangayi biibi panyima penu.+ Sokomayi bua mutantshi mukeseToo ne padi tshiji tshikole tshipita.*+ 21  Bualu monayi! Yehowa udi ufumina muaba wendeBua kulumbuluisha badi basombele mu buloba bua tshilema tshiabu,Ne buloba nebuele diela diabu dia mashi panshi patokeNe kabuakubuikila kabidi bashipibue babu nansha.”

Note

Anyi pamuapa: “badi ne meji adi kaayi mua kunyungishibua.”
“Yah” ntshikepeshilu tshia dîna dia Yehowa.
Anyi “mmulandakane.”
Anyi “Ne anyima wetu tudi.”
Mmumue ne: bua bavuluke, bamanyishe Nzambi ne dîna diende.
Anyi “ne anyima wanyi.”
Anyi “nyuma.”
Ku mua.: “Tshitalu tshianyi netshijuke.”
Anyi pamuapa: “lumuma lua bisonsa (tshisonsa tshia move).”
Anyi “nebulele badi kabayi ne bukole mu lufu.”
Anyi “diedibua patoke dipita.”