Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yeshaya 24:1-23

MALU ADI MU MUKANDA EU

  • Yehowa udi ne bua kushiya ditunga munda mutupu (1-23)

    • Yehowa udi Mukalenge mu Siona (23)

24  Monayi! Yehowa udi ushiya ditunga* munda mutupu ne udivuija buloba bua munda mutupu.+ Udi udikudimuna*+ ne utangalaja badi basombelamu.+   Nebikale muomumue bua bantu bonso: Bua bantu ne bua muakuidi kabidi,Bua muena mudimu ne bua mfumuende,Bua muena mudimu mukaji ne bua mukalenge wende mukaji,Bua musumbi ne bua musumbishi,Bua musombeshi ne bua musombi,Bua mufidi wa dibanza ne bua muangatshi wa dibanza.+   Nebashiye buloba munda mutupu menemene;Nebabupawule buonso bujima,+Bualu Yehowa mmuambe dîyi edi.   Buloba budi budila;*+ budi buenda bunyana. Buloba budi bumenesha bintu budi bufubidila; budi buenda bujimina. Bantu banene ba mu buloba badi bafubidila.   Mbanyange buloba kudi badi basombelamu,+Bualu mbasambuke mikenji,+Bashintulule mêyi ne mikandu,+Ne bashipe tshipungidi tshia kashidi.*+   Ke bualu kayi mulawu udi ubutula buloba,+Ne badi basombelamu badi ne dipila. Ke bualu kayi badi basombele mu buloba mbakepele,Ne bantu bakese menemene ke badi bashale.+   Mvinyo mupiamupia udi udila,* muonji wa tumuma tua mvinyo udi ufubidila,+Ne bena muoyo wa disanka bonso badi batua mikemu.+   Disanka dia ngoma ya ku bianza ndijike;Mutoyi wa banangi ba masanka mmutue ku ndekelu;Tshiona tshia disanka tshia lunzenze ntshijike.+   Badi banua mvinyo kakuyi musambu,Ne maluvu makole adi alua bululu kudi badi baanua. 10  Tshimenga tshidi tshishale munda mutupu ntshiupuke;+Nzubu yonso mmukange bua muntu nansha umue kabuedimu. 11  Badi bela lubila bua mvinyo mu misesu. Masanka onso mmajimine;Disanka dia buloba ndijike.+ 12  Tshimenga ntshishale anu bibundu;Mbazaze tshiibi tshilue mushiki wa bisunsukile.+ 13  Bualu nebikale nunku mu buloba, munkatshi mua bukua bantu: Bu padibu banyukula mutshi wa olive,+Bu dipumbulula padi dipuola dia tumuma tua mvinyo ditua ku ndekelu.+ 14  Nebabandishe dîyi diabu,Nebele mbila ne disanka. Nebamanyishe bunene bua Yehowa kumbukila ku mbuu.*+ 15  Ke bualu kayi nebatumbishe Yehowa mu tshitupa tshia buloba tshia butoke;*+Mu bidiila* bia mu mbuu nebatumbishe dîna dia Yehowa Nzambi wa Isalele.+ 16  Kumbukila ku ntengu ya buloba tudi tumvua bimba ne: “Butumbi* buikale kudi Muakane!”+ Kadi ndi ngamba ne: “Ndi ngenda nnyana, ndi ngenda nnyana! Diakabi dianyi! Batungidianganyi mbenze malu a tshitungu;Ne tshitungu, batungidianganyi mbenze malu a tshitungu.”+ 17  Buôwa bukole ne majimba ne mateyi mbikuindile, wewe udi musombele mu buloba ebu.+ 18  Muntu udi unyema tshiona tshia buôwa bukole neakuluke mu dijimba,Ne muntu udi upatuka mu dijimba neakuatshibue mu buteyi.+ Bualu nebakangule biibi bia mâyi a bungi bia muulu,Ne bishimikidi bia buloba nebikanke. 19  Buloba mbupandike bipese;Buloba mbunyukudibue;Buloba budi busuba bikole menemene.+ 20  Buloba budi butetuka bu muntu mukuatshike maluvu,Ne budi butua panyima butua kumpala bu kamutanda mu lupepele. Dishipa diabu dia mikenji ndibunemene bujitu bikole,+Ne nebukuluke, bua kabujuki kabidi nansha. 21  Mu dituku adi Yehowa neatume ntema yende kudi tshiluilu tshia muulu mutumbukeNe kudi bakalenge ba buloba pa buloba. 22  Nebabasangishe kaba kamueBu bena buloko basangisha mu tshina,Ne nebabakangile mu buloko bua muinshi mua buloba;Panyima pa matuku a bungi nebatume ntema kudibu. 23  Ngondo udi tshitongatonga neumvue bundu,Ne dîba didi dikenka nediumvue bundu,+Bualu Yehowa wa biluilu mmulue Mukalenge+ mu mukuna wa Siona+ ne mu Yelushalema,Muikale ne butumbi kumpala kua bakulu ba tshisamba tshiende.*+

Note

Anyi “buloba.”
Anyi “Udi wandamuna mpala wadi.”
Anyi pamuapa: “budi buma.”
Anyi “kale.”
Anyi pamuapa: “udi uma.”
Anyi “ouest.”
Anyi “ku est.”
Anyi “bisanga.”
Anyi “Bulengele.”
Ku mua.: “kumpala kua bakulu bende.”