Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yeshaya 23:1-18

MALU ADI MU MUKANDA EU

  • Dîyi diamba bua bualu bua Tulo (1-18)

23  Dîyi diamba bua Tulo didi ne:+ Elayi kabobo ka muadi, nuenu mazuwa a Tâshishi!+ Bualu mbabutule dilobo; kakuena mushindu wa kubuelamu to. Mbabasokoluele bualu ebu ku buloba bua Kitima.+   Puwayi, nuenu badi basombele mu buloba bua ku muelelu kua mbuu. Mbakuwuje kudi bangenda mushinga ba ku Sidona+ badi basabuka mbuu.   Ntete ya* ku Shihô*+ yakayila pa mâyi a bungi,Bintu binowa bia ku musulu wa Nile, lupetu luende,Yipetesha bisamba makasa.+   Umvue bundu, wewe Sidona, wewe muaba wa kusokomena wa mbuu,Bualu mbuu mmuambe ne: “Tshitu muanji kumvua mutubi bisama pa kulela, ne tshiena mulele,Anyi mukoleshe bansongalume anyi bansongakaji* to.”+   Anu bu pavuabu bumvue lumu lua bualu bua Ejipitu,+Bantu nebikale ne kanyinganyinga bua lumu lua bualu bua Tulo.+   Sabukayi nuye ku Tâshishi! Elayi kabobo ka muadi, nuenu badi basombele mu buloba bua ku muelelu kua mbuu!   Etshi ke tshimenga tshivua ne disanka dia bungi katshia ku kale, katshia ku bikondo biatshi bia ku ntuadijilu anyi? Makasa ende avua amufikisha ku matunga a kule bua kusombelaku.   Nnganyi udi mupangadije bualu ebu bua Tulo,Mupeshanganyi wa bifulu bia butumbi,Muena bangenda mushinga bavua bakokeshi,Muena bapanyishanganyi ba bintu bavuabu banemeka mu buloba bujima?+   Yehowa wa biluilu muine mmupangadije bualu ebu,Bua kunyanga lutambishi luende bua bulengele buende buonso,Bua kupuekesha bonso bavuabu banemeka pa buloba bujima milongo.+ 10  Pitshila mu buloba buebe bu musulu wa Nile, wewe muana wa bakaji wa Tâshishi. Kakuena kabidi dilobo* nansha dimue.+ 11  Mmuolole tshianza tshiende pa mbuu;Mmunyukule makalenge. Yehowa mmutume dîyi bua kubutulabu miaba ya kusokomena ya Foinike.+ 12  Yeye udi wamba ne: “Kuakusanka kabidi to,+Wewe udibu bakengeshe, muana wa bakaji wa Sidona utshidi kamama. Juka, sabuka uye ku Kitima.+ Nansha kuoku aku kuakupeta dikisha to.” 13  Tangilayi! Buloba bua bena Kasada.+ Etshi ke tshisamba, Ashû+ kavua tshisamba to,Bavua bamuvuije muaba wa nyama itu iya mu tshipela. Mbimanyike bibumba biabu bia kutshintshimikangana nabi;Mbashimbule bibumba biende bikolesha,+Bamuvuija muaba wa bikulu. 14  Elayi kabobo ka muadi, nuenu mazuwa a Tâshishi,Bualu mbabutule muaba wenu wa kusokomena.+ 15  Mu dituku adi nebapue Tulo muoyo bua bidimu 70,+ bu bule bua matuku a muoyo* a mukalenge umue. Ku ndekelu kua bidimu 70, nebienzekele Tulo bu mu musambu wa ndumba wa ne: 16  “Angata lunzenze, nyunguluka tshimenga, wewe ndumba udibu bapue muoyo. Imba lunzenze luebe bimpe menemene;Imba misambu ya bungi,Bua bakuvuluke.” 17  Ku ndekelu kua bidimu 70, Yehowa neatume ntema yende kudi Tulo, ne yeye neapingane ku difutu diende ne neende bundumba ne makalenge onso a pa buloba adi pa mutu pa buloba. 18  Kadi makasa adiye upeta ne difutu diende nebilue tshintu tshia tshijila kudi Yehowa. Kabakubilama anyi kubiteka muaba kampanda to, bualu difutu diende nedikale dia badi basombele kumpala kua Yehowa, bua badie bukute ne bavuale bilamba bilenga.+

Note

Ku mua.: “mamiinu a.”
Mmumue ne: diboko dia musulu wa Nile.
Ku mua.: “bansongakaji batshidi tumama.”
Anyi “dilobo didibu benzela anyi balongoluela mazuwa”; anyi pamuapa: “dibungu.”
Ku mua.: “matuku.”