Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yeshaya 22:1-25

MALU ADI MU MUKANDA EU

  • Dîyi diamba bua bualu bua Tshibandabanda tshia Tshikena kumona (1-14)

  • Eleyakima udi upingana pa muaba wa mulami Shebena (15-25)

    • Mpopo wa mu tshimfuanyi (23-25)

22  Dîyi diamba bua Tshibandabanda tshia Tshikena kumona didi ne:*+ Mbua bualu kayi bunudi nuenu bonso babandile pa misaka ya nzubu?   Wewe uvua muwule tente ne kayumbayumba,Tshimenga tshia mutoyi wa bungi, tshimenga tshia masanka a bungi. Bantu bebe bavuabu bashipe kabavua babashipe ku muele wa mvita,Anyi bafue mu mvita to.+   Bakokeshi bebe bonso ba tshikisu mbanyeme pamue.+ Bakabakuata mu buloko kabiyi bilomba buta bua mikete, Bonso bakasanganabu bakabakuata mu buloko,+Nansha muvuabu banyeme baye kule.   Ke bualu kayi ngakamba ne: “Umbushayi mêsu enu kundi,Ne nendile bikole menemene.+ Kanusuminyinyi ne kunsambaBua dibutuka dia muana wa bakaji wa* tshisamba tshianyi.+   Bualu ndituku dia tshimvundu, dia ditshimunyibua ne dia dipampakana,+Dia kudi Mukalenge Mutambe Bunene, Yehowa wa biluilu,Mu Tshibandabanda tshia Tshikena kumona. Kudi diupula dia tshimanu+Ne muadi ku mukuna.   Elama+ udi wangata nsapu wende wa miketeNe matempu a bantu ne tubalu,*Ne Kî+ udi ubulula* ngabu.   Bibandabanda* biebe bitambe buimpeNebiuwule tente ne matempu a mvita,Ne tubalu netuele* mualu wa mvita ku tshiibi,   Ne nebumbushe tshibuikilu tshia* Yuda. “Mu dituku adi neutangile ku tshilaminu tshia bia mvita tshia Nzubu wa Ditu,+  nenumone matubu a bungi mu tshimanu tshia Tshimenga tshia Davidi.+ Nenusangishe mâyi a mu dijiba dia kuinshi.+ 10  Nenubale nzubu ya mu Yelushalema, ne nenupule nzubu bua kukolesha lumbu. 11  Kadi nuenu nenuenze tshina tshia mâyi pankatshi pa bimanu bibidi bua mâyi a mu dijiba dia kale, kadi kanuakutangila kudi Mufuki wadi Munene, ne kanuakumona Yeye uvua muenze bualu ebu kale to. 12  Mu dituku adi, Mukalenge Mutambe Bunene, Yehowa wa biluilu,Neabikile muadi ne madilu,+Mitu mikungula ne divuala dia tshilamba tshikayabale. 13  Kadi, kudi ditshionkomoka ne masanka,Dishipa dia ngombe ne dishipa dia mikoko,Didia dia munyinyi ne dinua dia mvinyo.+ ‘Tudiayi, tunuayi bualu malaba netufue.’”+ 14  Pashishe Yehowa wa biluilu wakadisokolola ku matshi anyi ne: “‘Tshilema etshi katshiakubuikidibua bua bualu buenu too ne panudi nuenu nufua,’+ ke mudi Mukalenge Mutambe Bunene, Yehowa wa biluilu wamba.” 15  Mona tshidi Mukalenge Mutambe Bunene, Yehowa wa biluilu, wamba: “Ndaku kudi mulami wa bintu eu, kudi Shebena,+ udi utangila nzubu,* umuambile ne: 16  ‘Ntshinyi tshiebe tshidi muaba eu? Nnganyi webe udi muaba eu, bua wewe kudiumbuila muaba wa kukujiikabu muaba eu?’ Yeye udi umbula muaba wende wa kumujiikabu muaba mutumbuke; udi udionduela muaba wa kuikishila* mu mukuna wa dibue. 17  ‘Tangila! Yehowa neakukume panshi bibi menemene, wewe muntu, ne neakukuate bikole. 18  Bushuwa yeye neakuvunge bikole menemene ne neakuimanshe mu buloba bualabale bu ndundu wa kunaya. Muomu amu ke muwafuila, ne muomu amu ke muikala matempu ebe a butumbi, bundu kudi nzubu wa mfumuebe. 19  Nenkutule muanzu uudi nawu ne nenkuipate ku mudimu webe. 20  “‘Mu dituku adi, nembikile muena mudimu wanyi Eleyakima+ muana wa Hilekiya, 21  nemmuvuadike muzabi webe, nemmusuike mukaba webe wa tshilamba bikole,+ ne nemfile bukokeshi buebe mu tshianza tshiende. Yeye neikale tatu kudi badi basombele mu Yelushalema ne kudi nzubu wa Yuda. 22  Nenteke nsapi wa nzubu wa Davidi+ pa dikaya diende. Yeye neakangule, kadi muntu nansha umue kakukanga; ne yeye neakange, kadi muntu nansha umue kakukangula to. 23  Nemmubueje bu mpopo mu muaba mushindame, ne nealue bu nkuasa wa bukalenge wa butumbi kudi nzubu wa tatuende. 24  Nebamukudike butumbi* buonso bua nzubu wa tatuende, ndelanganyi ne bana,* malongo makese onso, malongo adi bu bibakudi, kabidi ne milondo minene yonso. 25  “‘Mu dituku adi,’ ke mudi Yehowa wa biluilu wamba, ‘nebumbushe mpopo udibu babueje mu muaba mushindame,+ nebamukose ne neakuluke, ne bujitu buvuaye muambule nebubutuke, bualu Yehowa muine mmuakule.’”

Note

Bimueneka ne: badi bakula bua Yelushalema.
Diakula dia mu kasala bu badi bakula bua muntu, pamuapa bua kuleja luse anyi kuditeka pa muaba wa bakuabu.
Anyi “bendeshi ba tubalu.”
Anyi “ulongolola.”
Anyi “Bibatabata.”
Anyi “bendeshi ba tubalu nebele.”
Anyi “bukubi bua.”
Anyi “dibalasa.”
Ku mua.: “muaba wa kusombela.”
Ku mua.: “bujitu.”
Anyi “ntonga.”