Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yeshaya 16:1-14

MALU ADI MU MUKANDA EU

  • Mukenji wa bualu bua Moaba udi utungunuka (1-14)

16  Tuminayi mfumu wa buloba tshimpanga tshia mukoko,Kumbukila ku Sela kupitshila mu tshipelaToo ne ku mukuna wa muana wa bakaji wa Siona.   Bu nyunyi udibu bipate mu disua diende,+Ke muikala bana ba bakaji ba Moaba ku bisabu bia Ânona.+   “Filayi lungenyi, kumbajayi dipangadika. Uvuije mundidimbi webe munda munya bu butuku. Usokoke badi batangalake ne kuedi badi banyema patoke.   Bantu banyi badi batangalake basombele munda muebe, wewe Moaba. Ulue muaba wa kusokomena kudibu bua bualu bua mubutudianganyi.+ Mukengeshanganyi neafike ku ndekelu wende,Kabutu nekatue ku ndekelu,Ne badi badiatakaja bakuabu nebajimine pa buloba.   Pashishe nkuasa wa bukalenge neajadikibue bikole mu dinanga dia lulamatu. Eu udi usombamu, mu ntenta wa Davidi neikale muena lulamatu;+Nealumbuluishe biakane ne neakumbaje buakane ne lukasa.”+   Tudi bumvue bualu bua lutambishi lua Moaba, mmuena lutambishi wa dikema,+Didibandisha diende ne lutambishi luende ne luonji luende;+Kadi biakulakula biende kabiakuenza bualu to.   Nunku Moaba neele kabobo ka muadi bua Moaba;Bonso nebele kabobo ka muadi.+ Badi batutshibue nebadile bua mikata ya tumuma tua mvinyo ya Kî-halaseta.+   Bualu mabula a Heshebona+ mmafubidile,Muonji wa tumuma tua mvinyo wa Sibema,+Bakokeshi ba bisamba mbadiatakaje matamba ende makunzubile;*Mmafike too ne ku Yazê;+Mmaye too ne mu tshipela. Ntonga yende mmitangalake, miye too ne ku mbuu.   Ke bualu kayi nendile bua muonji wa tumuma tua mvinyo wa Sibema bu mundi ndila bua Yazê. Nenkuboleshe ne binsonji bianyi, wewe Heshebona ne Eleale,+Bualu diela mbila bua mamuma ebe a mu muvu wa luya lukole* ne bua dinowa diebe nditue ku ndekelu.* 10  Disanka ne musangelu mbiumbushibue mu budimi bua mitshi ya bimuma,Ne kakuena misambu ya disanka anyi mbila mu madimi a tumuma tua mvinyo.+ Mudiatshi kena udiata kabidi bua kukama mvinyo mu bikaminu,Bualu ndi mukoseshe mbila.+ 11  Ke bualu kayi munda muanyi muine mudi musaba bua Moaba,+Bu dizakala dia nshinga ya lunzenze,Ne munda muanyi menemene mudi musaba bua Kî-halaseta.+ 12  Nansha padi Moaba uditshiokesha pa muaba wende mutumbuke ne uya kusambila mu muaba wende munsantu, kakukumbaja bualu nansha bumue to.+ 13  Edi ke dîyi divua Yehowa muambe kumpala bua Moaba. 14  Mpindieu Yehowa udi wamba ne: “Mu bidimu bisatu, bu bidimu bia muntu udibu bangate ku mudimu,* butumbi bua Moaba nebupuekeshibue mu diyoyo dikole dia mishindu yonso, ne badi bashala nebikale bakese menemene, bashadile bikole.”+

Note

Anyi “matamba ende adi manyekame ne tumuma tukunze.”
Anyi “été.”
Anyi pamuapa: “Bualu lubila lua mvita ndupuekele pa mamuma ebe a mu muvu wa luya lukole ne pa dinowa diebe.”
Anyi “tshibala bimpe bu mutu muntu udibu bangate ku mudimu ubala”; mmumue ne: mu bidimu bisatu bijima.