Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yeshaya 15:1-9

MALU ADI MU MUKANDA EU

  • Dîyi diamba bua bualu bua Moaba (1-9)

15  Dîyi diakambabu bua bualu bua Moaba didi ne:+ Bualu mbamubutule mu butuku bumue,Ale+ wa mu Moaba mmupuwisha. Bualu mbamubutule mu butuku bumue,+ wa mu Moaba mmupuwisha.   Yeye mmubande ku Nzubu* ne ku Dibona,+Ku miaba mitumbuke bua kudila. Moaba udi wela kabobo ka muadi bua Nebo+ ne bua Medeba.+ Mutu wonso mmukungula,+ ne muedi wonso mmukosa.+   Mu misesu yende mbavuale bilamba bikayabale. Pa mitu ya nzubu yabu ne mu miaba yabu ya tshinsangansanga, bonso badi bela kabobo ka muadi;Badi bapueka benda badila.+   Heshebona ne Eleale+ badi bela mbila;Dîyi diabu didi diumvuika too ne ku Yahasa.+ Ke bualu kayi basalayi ba Moaba badi batungunuka ne kuela mêyi. Yeye* udi uzakala.   Muoyo wanyi udi wela lubila bua Moaba. Bantu bende badi banyeme, mbanyeme too ne ku Soâ+ ne ku Egelata-shelishiya.+ Pa kakuna ka Luhita badi babanda benda badila;Mu njila wa ku Holonayima badi bela mbila bua dikenga.+   Bualu mâyi a Nimelima mmakame;Bisonsa bibishi mbiume,Bisonsa mbijimine ne kakuena tshintu tshibishi tshidi tshishale.   Ke bualu kayi badi bangata bintu bidi bishale mu bilaminu biabu bia bintu ne mabanji abu baya nabi;Badi basabuka tshibandabanda tshia* mitshi ya pepiliye.   Bualu lubila ludi lumvuika mu buloba buonso bua Moaba.+ Kabobo ka muadi kadi kafika too ne ku Egelayima;Kabobo ka muadi kadi kafika too ne ku Bê-elima.   Bualu mâyi a Dimone mmuwule tente ne mashi,Ne ndi mulamine Dimone malu a bungi: Nyama wa ntambue bua bena Moaba badi bapandukeNe bua aba badi bashale mu ditunga.+

Note

Anyi “Ntempelo.”
Anyi “Anyima wende.”
Anyi “kasulu ka tshilonda nkoka ka.”