Ndaku munda

Ndaku ku tshikebelu

Bantemu ba Yehowa

Sungula muakulu Tshiluba

Yeshaya 14:1-32

MALU ADI MU MUKANDA EU

  • Isalele udi ne bua kusombela mu buloba buende (1, 2)

  • Diyobola mukalenge wa Babilona (3-23)

    • Yeye udi ukenka udi ne bua kukuluka mu diulu (12)

  • Tshianza tshia Yehowa tshidi ne bua kuzaza muena Ashû (24-27)

  • Dîyi diamba bua bualu bua Peleshete (28-32)

14  Bualu Yehowa nealeje Yakoba luse,+ ne neasungule Isalele tshiakabidi.+ Neabasombeshe* mu buloba buabu,+ ne bantu badi basombe buenyi nebadisangishe kudibu, nebalamate nzubu wa Yakoba.+  Bukua bantu nebubangate, nebuye nabu ku muaba wabu, ne nzubu wa Isalele neabangate bu bena mudimu balume ne bakaji+ mu buloba bua Yehowa; ne nebikale bakuatshi ba bantu bavua babakuate, ne nebakokeshe bantu bavua babenzeja mudimu ku bukole.*  Mu dituku didi Yehowa ukupesha dikisha ku ntatu yebe ne ku diyumbakana diebe ne ku bupika bukole kuvuabu bakubueje,+  newambuluile mukalenge wa Babilona lusumuinu elu:* “Ke mudi muntu uvua wenzeja bakuabu mudimu ku bukole* mufike ku nshikidilu wende nunku! Ke mudi dikengeshangana dijike nunku!+   Yehowa mmutshibule mutshi wa bantu babi,Dikombo dia bamfumu,+   Yeye udi ukuma bukua bantu ne tshiji tshikole ne bisusu bidi kabiyi bijika,+Yeye udi ukokesha bisamba ne tshiji ne dikengeshangana didi kadiyi ne ndekelu.+   Buloba bujima budi mpindieu mu dikisha, kabuyi ne ndululu. Bantu badi bela mbila bua disanka.+   Nansha mitshi ya jenevriye idi isanka bua bualu buebe,Pamue ne mitshi ya sedre ya mu Lebanona. Idi yamba ne: ‘Katshia wakuluka,Kakuena mukoshi wa mitshi udi ubanda bua kutukosa.’   Nansha Lukita* ludi muinshi ndujukile kuuluBua kukuakidila paudi ulua. Bua bualu buebe, ludi lujula badi kabayi ne bukole mu lufu,Balombodi bonso badi bakengeshangana ba* pa buloba. Ludi lujula bakalenge bonso ba bisamba mu nkuasa yabu ya bukalenge. 10  Buonso buabu badi bakula, bakuambila ne:‘Udi pebe mulue mutekete bu tuetu anyi? Udi mulue bu tuetu anyi? 11  Lutambishi luebe ndupuekeshibue too ne mu Lukita,*Muadi wa biombelu biebe bia nshinga.+ Bikusu mbidiadije muinshi muebe bu bulalu,Ne binya ke tshia kudibuikila tshiebe.’ 12  Ke muudi mukuluke mu diulu nunku,Wewe udi ukenka, muana wa lunkelu! Ke mudibu bakukose, mukuluke pa buloba nunku,Wewe uvua mutshimune bisamba!+ 13  Wakamba mu muoyo webe ne: ‘Nembande mu diulu.+ Nembandishe nkuasa wanyi wa bukalenge pa mutu pa mitoto ya Nzambi,+Ne nensombe pa mukuna wa masangisha,Miaba ya kule menemene ya ku nord.+ 14  Nembande muulu pa mutu pa matutu;Nendivuije mufuanangane ne Mutambe bunene.’ 15  Kadi neupuekeshibue too ne mu Lukita,*Mu miaba ya kule menemene ya mu tshina. 16  Bantu badi bakumona nebakutuishile mêsu;Nebakukenkete bimpe bimpe, bamba ne: ‘Eu ke muntu uvua unyukula buloba,Uvua muzakeje makalenge,+ 17  Uvua muvuije buloba budi bantu basombele bu tshipelaNe mukulule bimenga biabu,+Uvua ubenga kulekela bena buloko bende bua kupinganabu ku mabu anyi?’+ 18  Bakalenge bakuabu bonso ba bisamba,Eyowa, buonso buabu, badi balala mu butumbi,Muntu ne muntu mu lukita luende.* 19  Kadi wewe mbakuimanshe kuyi ne lukita,Bu lutonga lupetula,*Muvuadika bitalu bia bantu bavuabu batape ne muele wa mvita,Badi bapueka too ne mu mabue a mu tshina,Anu bu tshitalu tshidiatakaja muinshi mua makasa. 20  Kuakudisanga kudibu mu lukita to,Bualu uvua mubutule buloba buebe,Uvua mushipe bantu bebe. Kabakutela kabidi mêna a bana ba benji ba malu mabi to. 21  Longoluelayi bana bende tshishipeluBua bualu bua bubi bua bankambua babu,Nunku kabakujuka ne kukuata bulobaNe kuwuja bimenga biabu mu ditunga.” 22  “Nembajukile,”+ ke mudi Yehowa wa biluilu wamba. “Nunku nenkupule dîna ne bashadile ne tunkanunuina ne ndelanganyi mu Babilona,”+ ke mudi Yehowa wamba. 23  “Nemmuvuije muaba wa nyama ya nkese ne buloba bua bisense, ne nemmukombe ne lukombo lua kabutu,”+ ke mudi Yehowa wa biluilu wamba. 24  Yehowa wa biluilu mmuditshipe wamba ne: “Anu mundi ngela meji bua kuenza, ke muenzekabi,Ne anu mundi mupangadije malu, ke muikalawu mua kukumbana. 25  Nenzaze muena Ashû mu buloba buanyi,Ne nemmudiatakaje pa mikuna yanyi.+ Tshikokedi tshiende netshiumbushibue kudibu,Ne bujitu buende nebumbushibue pa dikaya diabu.”+ 26  Ebu ke bualu budibu bapangadije* bua kuenzela buloba buonso,Ne etshi ke tshianza tshidi tshiolola* bua kukuma bisamba bionso. 27  Bualu Yehowa wa biluilu mmupangadije bualu,Nnganyi udi mua kubupangisha?+ Tshianza tshiende ntshiolola,Nnganyi udi mua kutshipingaja?+ 28  Mu tshidimu tshiakafua mukalenge Ahaza,+ bakamba dîyi edi ne: 29  “Kusanki, wewe Peleshete, muntu nansha umue wa kuudi,Anu bualu dikombo dia muntu udi ukukuma nditshibuke. Bualu ku muji wa nyoka+ nekufume nyoka wa lulengu,+Ne muanende neikale nyoka udi ubuuka ne wosha bu kapia.* 30  Padi banabute ba bantu bapuekele badiaNe bapele balala talalaa,Nenshipe muji webe ne nzala,Ne tshidi tshishala tshia kuudi netshishipibue.+ 31  Ela kabobo ka muadi, wewe tshiibi! Ela lubila, wewe tshimenga! Wewe mujima neutekete mu maboko, wewe Peleshete! Bualu muishi udi ufumina ku nord,Ne kakuena bantu badi bajanguluka mu milongo yende.” 32  Mmunyi muandamunabu batuadi ba mukenji ba tshisamba etshi? Nebabandamune ne: Yehowa mmuase tshishimikidi tshia Siona,+Kabidi ne: bapuekele ba bantu bende nebanyemene munda muende.

Note

Anyi “Neabapeshe dikisha.”
Anyi “bafidi babu ba midimu mikole.”
Anyi “mayobo aa.”
Anyi “mufidi wa midimu mikole.”
Anyi “Sheole,” mmumue ne: lukita lua bukua bantu buonso. Tang. Diumv.
Ku mua.: “Mbuji ya mpumbu yonso ya.”
Anyi “Sheole,” mmumue ne: lukita lua bukua bantu buonso. Tang. Diumv.
Anyi “Sheole,” mmumue ne: lukita lua bukua bantu buonso. Tang. Diumv.
Ku mua.: “mu nzubu muende.”
Anyi “ditamba dipetula.”
Ku mua.: “Elu ke lungenyi lukadi lufidibue bua.”
Anyi “tshikadi pa kukuma.”
Anyi “nyoka wa lulengu udi usuma mu mupodi wa dîsu.”