Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yeshaya 12:1-6

MALU ADI MU MUKANDA EU

  • Musambu wa disakidila nawu (1-6)

    • “Yah Yehowa udi bukole buanyi” (2)

12  Mu dituku adi, newambe bushuwa ne: “Ndi nkusakidila, Yehowa wanyi,Bualu nansha muuvua munkuatshile tshiji,Tshiji tshiebe tshiakapueka ku kakese ku kakese, ne wakansamba.+   Tangilayi! Nzambi udi lupandu luanyi.+ Nemmueyemene ne tshiakumvua buôwa to;+Bualu Yah* Yehowa udi bukole buanyi ne makanda anyi,Ne yeye mmulue lupandu luanyi.”+   Nenusune mâyi ne disankaMu mpokolo ya lupandu.+   Mu dituku adi nenuambe ne: “Elayi Yehowa tuasakidila, bilayi dîna diende,Manyishayi bienzedi biende munkatshi mua bukua bantu!+ Manyishayi ne: dîna diende nditumbishibue.+   Imbayi misambu ya kutumbisha nayi* Yehowa+ bualu mmuenze malu a dikema.+ Bualu ebu bumanyishibue mu buloba buonso.   Ela dîyi ne ela lubila lua disanka, wewe udi musombele* mu Siona,Bualu munene udi munkatshi muebe udi Wa Tshijila wa Isalele.”

Note

“Yah” ntshikepeshilu tshia dîna dia Yehowa.
Anyi “mijiki bua.”
Ku mua.: “mukaji udi musombele,” bakula bua bantu bonso pamue bu mukaji.