Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yeshaya 10:1-34

MALU ADI MU MUKANDA EU

  • Tshianza tshia Nzambi bua kuluisha Isalele (1-4)

  • Ashû: Mutshi wa Nzambi wa tshiji (5-11)

  • Dinyokibua dia Ashû (12-19)

  • Bashadile ba Yakoba badi ne bua kupingana (20-27)

  • Nzambi nealumbuluishe Ashû (28-34)

10  Diakabi dikale kudi bantu badi bela mêyi ne mikandu bibi,+Badi misangu yonso bafunda mikenji idi ikengeshishangana,   Bua kubenga kuteleja tshilumbu tshia bapele,Bua kupala bantu bapuekele badi munkatshi mua bantu banyi kulumbuluisha kuakane,+Bavuija bakaji bakamba bintu biabu bia kunyengaNe bana badi bafuishe batatuabu* tshintu tshiabu tshia kupawula!+   Nenuenze tshinyi dituku dia dilumbuluisha,*+Palua kabutu kafumina kule?+ Nenunyemene kudi nganyi bua anuambuluishe,+Ne nkuepi kunuashiya bubanji* buenu?   Kakuena tshidi tshishale anu kuzonzama munkatshi mua bena bulokoAnyi kukuluka munkatshi mua badi bashipibue. Bua malu onso aa, tshiji tshiende ki ntshipingane to,Kadi tshianza tshiende tshidi anu tshiolola bua kukuma.+   “Tangila, muena Ashû!+Mutshi wa kuleja nawu tshiji tshianyi+Ne dikombo didi mu tshianza tshiabu bua meme kupishangana nadi!   Nemmutume bua kuluisha tshisamba tshia batontolodi,+Bua kuluisha bantu badi bamfiikisha munda bikole;Nemmutumine dîyi bua kunyenga bintu bia bungi ne kupawula bintu bia bungiNe bua kubadiatakaja bu bitotshi mu misesu.+   Kadi yeye kakuikala ne lungenyi lua nunku to,Ne muoyo wende kawakulukakaja meji a nunku to;Bualu mu muoyo wende mudi anu kubutula,Kushipa bisamba bia bungi, ki mbikese to.   Bualu udi wamba ne:‘Bakokeshi banyi bonso ki mbakalenge anyi?+   Kaleno+ kena anu bu Kâkemisha+ anyi? Hamate+ kena bu Âpada+ anyi? Samalea+ kena bu Damaseke+ anyi? 10  Tshianza tshianyi ntshikuate makalenge a nzambi ya patupu,Ivua ne mpingu misonga mipite ya Yelushalema ne ya Samalea ku bungi!+ 11  Tshiakuenzela kabidi Yelushalema ne mpingu yende maluAnu bu mundi muenzele Samalea ne nzambi yende ya patupu anyi?’+ 12  “Padi Yehowa ujikija mudimu wende wonso pa mukuna wa Siona ne mu Yelushalema, neapeshe mukalenge wa Ashû dinyoka* bua dipanga malu dia muoyo wende ne ditangilangana diende dia lutambishi ne dia diambu.+ 13  Bualu udi wamba ne:‘Nengenze bualu ebu ku bukole bua tshianza tshianyiNe meji anyi, bualu ndi muena meji. Nengumbushe mikalu ya bukua bantu+Nempawule mabanji abu,+Ne nenkokeshe bantu bu muntu wa bukole.+ 14  Anu bu muntu udi wobokela mu disua,Tshianza tshianyi netshikuate mabanji a bukua bantu;Ne bu muntu udi usangisha mayi malekelela,Nensangishe buloba bujima! Muntu nansha umue kakututa mapuapua ende anyi kukangula mukana muende anyi kudila to.’” 15  Kasuyi kadiku mua kudibandisha ku mutu kua muntu udi utapa naku anyi? Nsele* udiku mua kudibandisha ku mutu kua muntu udi ukosa nende anyi? Dikombo+ didiku mua kukupakaja muntu udi udiela muulu anyi? Anyi mutshi udiku mua kuela muntu udi kayi muenza ne mutshi muulu anyi? 16  Nunku Mukalenge mulelela, Yehowa wa biluilu,Neanyanyishe bantu bende* ba manyi,+Ne muinshi mua butumbi buende neatemeshamu kapia kadi kalakuka.+ 17  Butoke bua Isalele+ nebulue kapia,+Ne Wa Tshijila wende ludimi lua kapia;Nekalakuke ne nekoshe bisuku biende* ne tumitshi tuende tua mêba mu dituku dimue. 18  Neumbushe kashidi* butumbi bua ditu diende ne bua budimi buende bua mitshi ya bimuma;Nebikale anu bu padi muntu udi usama wenda unyana.+ 19  Mitshi ya mu ditu diende yashalaNeyikale mikese menemene, too ne muana udi mua kufunda bungi buayi. 20  Mu dituku adi bashadile ba mu IsaleleNe badi bapanduke ba mu nzubu wa YakobaKabakueyemena kabidi muntu uvua mubakume to;+Kadi nebeyemene Yehowa,Wa Tshijila wa Isalele, ne lulamatu. 21  Anu ndambu wa bashadile ke wapingana,Bashadile ba Yakoba, kudi Nzambi wa Bukole.+ 22  Bualu nansha bantu bebe, wewe Isalele,Bikale bu nsenga ya ku mbuu,Anu ndambu wa bashadile ba kudibu ke wapingana.+ Dishipibua dikadi dimana kufunda,+Ne kulumbuluisha kuakane nekubamine.*+ 23  Eyowa, dishipibua dikadi dimana kufunda kudi Mukalenge Mutambe Bunene, Yehowa wa biluilu,Nedienjibue mu buloba bujima.+ 24  Nunku Mukalenge Mutambe Bunene, Yehowa wa biluilu, udi wamba ne: “Kanutshinyi, nuenu bantu banyi badi basombele mu Siona, bua bualu bua muena Ashû uvua unukuma ne mutshi+ ne unuelela dikombo diende muulu bu muvua bena Ejipitu benze.+ 25  Bualu mu katupa kîpi menemene emu, dinupisha neditue ku ndekelu; tshiji tshianyi netshikale tshituma ku dibutuka diabu.+ 26  Yehowa wa biluilu neamujudile mfimbu wende muulu,+ bu pavuaye mutshimune Midiyana ku dibue dia Oleba.+ Dikombo diende nedikale pa mutu pa mbuu, ne yeye neadijule bu muakenzelaye Ejipitu.+ 27  Mu dituku adi bujitu buende nebumbuke pa dikaya diebe,+Ne tshikokedi tshiende netshiumbuke pa nshingu pebe,+Ne nebatshibule tshikokedi+ bua bualu bua mafuta.” 28  Yeye mmulue ku Ayata;+Mmupitshile mu Migelona;Ku Mikemasha+ udi utula mabuki ende. 29  Bakapitshila pa tshisabu;Bakapitshishila butuku ku Geba;+Lama udi uzakala, Gibea+ wa Shaula mmuye lubilu.+ 30  Ela dîyi ne ela lubila lukole, wewe muana wa bakaji wa Galima! Teya ntema, wewe Layisha! Wewe mukengi Anatota!+ 31  Mademena mmunyeme. Bena mu Gebima mbakebe muaba wa kusokomenabu. 32  Diodi dituku edi neimane mu Nobo.+ Udi unyungisha mbata wende bua mukuna munene wa muana wa bakaji wa Siona,Mukuna mukese wa Yelushalema. 33  Tangila! Mukalenge mulelela, Yehowa wa biluilu,Udi ukosa matamba a mitshi ne mukuma wa dikema;+Mitshi mile menemene idi ikoshibua,Ne idi mitumbuke idi ipuekeshibua panshi. 34  Yeye udi ukosa bipuka bia mu ditu ne tshiamu,*Nebakulule Lebanona kudi muntu wa bukole.

Note

Anyi “Ne bana ba nshiya.”
Anyi “dinyoka.”
Anyi “butumbi.”
Ku mua.: “nennyoke mukalenge wa Ashû.”
Anyi “Si.”
Mmumue ne: ba “muena Ashû,” udibu batele mu mvese 5 ne 24.
Tang. dim. mu mvese wa 16.
Anyi “kumbukila ku anyima too ne ku musunyi.”
Anyi “dinyoka nedibamine.”
Anyi “kasuyi.”