Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yelemiya 51:1-64

MALU ADI MU MUKANDA EU

  • Mêyi a buprofete a bualu buafikila Babilona (1-64)

    • Nebakulule Babilona diakamue kudi bena Madayi (8-12)

    • Mukanda muela mu musulu wa Pelata (59-64)

51  Mona tshidi Yehowa wamba: “Tangila, ndi njula lupepele lua kabutuBua Babilona+ ne bantu badi basombele mu Lebe-kamayi.*   Nentume bashipudi ku Babilona,Ne bobu nebamushipule ne nebashiye buloba buende munda mutupu;Nebalue bua kumuluisha ku nseke yonso dituku dia dikenga.+   Muedi wa mikete kananyi* buta buende to. Ne muntu nansha umue kimanyi muvuale kazaku kende ka mvita ka tuamu. Kanumvuidi nsongalume yende luse.+ Nubutule tshiluilu tshiende tshionso.   Nebakuluke bashipibue mu buloba bua bena Kasada,Batubulula mu misesu yende.+   Bualu Isalele ne Yuda ki mbalue bakamba ba Nzambi wabu, ba Yehowa wa biluilu to.+ Kadi buloba buabu* mbuwule tente ne dipila kumpala kua Wa Tshijila wa Isalele.   Patukayi lubilu munkatshi mua Babilona,Pandishayi mioyo* yenu.+ Kanufu bua tshilema tshiende to. Bualu ntshikondo tshia disombuela dia Yehowa. Yeye udi umufuta bua malu adiye muenze.+   Babilona uvua dikopo dia or mu tshianza tshia Yehowa;Mmukuatshishe buloba buonso ne maluvu. Bisamba mbikuatshike mvinyo wende;+Ke bualu kayi bisamba mbipale.+   Diakamue Babilona mmukuluke ne mmutshibuke.+ Muelelayi kabobo ka muadi!+ Muangatshilayi buanga bua bome bua bidi bimusama; udi pamuapa mua kuondopibua.”   “Tuvua batete kuondopa Babilona, kadi kavua mua kuondopibua to. Mulekelayi, tuyayi muntu ne muntu mu ditunga diabu.+ Bualu dilumbuluisha diende ndifike too ne muulu;Nditumbuke anu bu matutu.+ 10  Yehowa mmutubingishe.+ Luayi, tuambayi mu Siona tshidi Yehowa Nzambi wetu muenze.”+ 11  “Nonayi mikete;+ ambulayi ngabu ya tshijengu.* Yehowa mmusonsole lungenyi lua bakalenge ba bena Madayi+Bualu yeye udi ujinga kubutula Babilona. Bualu edi ndisombuela dia Yehowa, disombuela bua ntempelo wende. 12  Julayi tshimanyinu*+ bua kuluisha bimanu bia Babilona. Lamayi bikole, tekayi bansentedi. Longololayi badi baalamine. Bualu Yehowa mmuluke mayele,Ne yeye neakumbaje tshidiye mulaye bua bantu badi basombele mu Babilona.”+ 13  “Wewe mukaji udi musombele pa mâyi a bungi,+Muikale ne biuma bivule,+Nshikidilu webe wafiki, ndekelu wa* dipeta diebe dia makasa.+ 14  Yehowa wa biluilu mmuditshipe mu dîna diende yeye muine* ne:‘Nenkuwuje tente ne bantu bungi tshianana bu mpasu,Ne nebele mbila ya ditshimuna bua bualu buebe.’+ 15  Yeye udi Mufuki wa buloba ku bukole buende,Yeye uvua mujadike buloba budi bumenesha bintu ku meji ende+Ne uvua mubalule diulu ku lungenyi luende.+ 16  Padiye upatula dîyi diende,Mâyi a mu diulu adi akungula,Ne udi ubandisha matutu* afumina ku ntengu ya buloba. Udi wenzela mvula mupenyi,*Ne udi upatula lupepele mu miaba yende ya dilamina bintu.+ 17  Muntu yonso udi wenza malu kayi wela meji ne kayi ne dimanya. Mufudi yonso wa biamu neafuishibue bundu bua lupingu lusonga;+Bualu lupingu luende lua tshiamu* ludi tshintu tshia dishima,Ne munda muayi kamuena nyuma.*+ 18  Yoyi yidi tshidingishilu,*+ mudimu wa kuseka. Padi dituku dia dilumbuluishibua diayi dilua, neyijimine. 19  Nzambi wa* Yakoba kena bu bintu ebi to,Bualu yeye ke uvua muenze bintu bionso,Nansha dikombo dia bumpianyi buende.+ Yehowa wa biluilu ke dîna diende.”+ 20  “Wewe udi kabonga ka mvita kundi meme, tshia mvita tshia kuluangana natshi,Bualu nentayishe nebe bisamba. Nembutule nebe makalenge. 21  Nentayishe nebe kabalu ne mukabandi. Nentayishe nebe ditempu dia mvita ne mudiendeshi. 22  Nentayishe nebe mulume ne mukaji. Nentayishe nebe muntu mukulumpe ne muana wa balume. Nentayishe nebe nsongalume ne nsongakaji. 23  Nentayishe nebe mulami wa mikoko ne mikoko yende; Nentayishe nebe tshidime ne tshisumbu tshiende tshia nyama ya kudima nayi. Nentayishe nebe banguvena ne bakokeshi bindondi. 24  Nemfute Babilona ne bantu bonso badi basombele mu KasadaBua bubi buonso budibu benzele Siona mu mêsu ebe,”+ ke mudi Yehowa wamba. 25  “Mona, ndi nebe tshilumbu,+ wewe mukuna mubutudianganyi,” ke mudi Yehowa wamba,“Wewe mubutudi wa buloba bujima.+ Nengolole tshianza tshianyi bua kukuluisha ne nenkubunguluje panshi nkumbusha pa mikuna ya mabueNe nenkuvuije mukuna muoshike.” 26  “Bantu kabakuangata dibue dia mu ditumba anyi dibue dia tshishimikidi kuudi,Bualu neulue muaba mutupu kashidi,”+ ke mudi Yehowa wamba. 27  “Julayi tshimanyinu* mu buloba.+ Elayi mpungi munkatshi mua bisamba. Mutekelayi* bisamba bua kumuluisha. Mubikidilayi makalenge a Alalata,+ Mini, ne Ashakenaza.+ Musunguilayi mfumu udi ubuejangana mu busalayi. Bandishayi tubalu bu mpasu idi mijule masala muulu. 28  Mutekelayi* bisamba bua kumuluisha,Bakalenge ba Madayi,+ banguvena bende ne bakokeshi bindondi bende bonsoNe maloba onso adibu bakokesha. 29  Buloba nebuzakale ne nebukanke,Bualu malu adi Yehowa upangadijila Babilona neakumbajibueBua kuvuija buloba bua Babilona tshintu tshidi tshikuatshisha buôwa, kamuyi muntu musombelamu.+ 30  Bilobo bia mvita bia Babilona mbilekele kuluangana mvita. Bidi bisomba mu miaba yabi ya kusokomena. Bukole buabi mbupangile.+ Mbilue bu bantu bakaji.+ Nzubu yende mmitua kapia. Milonda yende mmitshibula.+ 31  Mufidi wa mikanda umue udi unyema bua kutuilangana ne mufidi wa mikanda mukuabu,Ne mutuadi wa mukenji umue bua kutuilangana ne mutuadi wa mukenji mukuabu,Bua kutuadila mukalenge wa Babilona lumu ne: tshimenga tshiende ntshikuatshibue ku nseke yonso,+ 32  Bisabu mbikuatshibue,+Matu a nyandu* mmosha ne kapia,Kabidi ne: basalayi mbakuatshike buôwa bukole.” 33  Bualu mona tshidi Yehowa wa biluilu, Nzambi wa Isalele, wamba: “Muana wa bakaji wa Babilona udi bu muaba wa kushipuila. Ntshikondo tshia kumudiatakaja bikole. Mu katupa kîpi emu tshikondo tshia kunowa netshilue buende yeye.” 34  “Nebukadenesâ* mukalenge wa Babilona mmundie;+Mmumbueje mu tshibuejakaji. Mmunteke panshi bu dilongo dia munda mutupu. Mmummine bu nyoka munene;+Mmuwuje tshifu tshiende ne bintu bianyi bimpe. Mmunsukule bu dinyanu. 35  ‘Malu a tshikisu avuabu bangenzele meme ne mubidi wanyi akuate Babilona!’ ke mudi udi musombele mu Siona wamba.+ ‘Ne mashi anyi ikale pambidi pa badi basombele mu Kasada!’ ke mudi Yelushalema wamba.” 36  Nunku mona tshidi Yehowa wamba: “Tangila, ndi nkulumbuluila tshilumbu tshiebe,+Ne nenkumbaje disombuela bua bualu buebe.+ Nengumishe mbuu wende ne nenkamishe bina biende bia mâyi.+ 37  Babilona nealue mishiki ya mabue,+Tshisombedi tshia mibuabua,+Tshintu tshidi tshikuatshisha buôwa ne tshintu tshia kuelela muonzo,Kakuyi muntu musombelamu.+ 38  Bonso pamue nebakungule bu bana ba ntambue.* Nebele mikunda bu tuana tua ntambue.” 39  “Padibu ne majinga makole, nembalongoluele didia diabu dia disanka ne nengenze bua bakuatshike maluvu,Bua bamone mua kusanka bikole;+Pashishe nebalale tulu tua kashidi,Tuikalabu kabayi mua kutabala,”+ ke mudi Yehowa wamba. 40  “Nempueke nabu ku tshishipelu bu bana ba mikoko,Bu bimpanga bia mikoko pamue ne mbuji.” 41  “Ke mudibu bakuate Sheshaka*+ nunku,Ke mudi butumbi bua buloba bujima bukuatshibue nunku!+ Ke mudi Babilona mulue tshintu tshidi tshikuatshisha buôwa munkatshi mua bisamba nunku! 42  Mbuu mmubande pa mutu pa Babilona. Yeye mmubuikila kudi bungi bua mavuala ende. 43  Bimenga biende mbilue tshintu tshidi tshikuatshisha buôwa, buloba budi kabuyi ne mâyi ne bua tshipela. Mu buloba muikala muntu nansha umue kayi mua kusombela ne muikala muntu nansha umue kayi mua kupitshila.+ 44  Nentume ntema yanyi kudi Bele+ mu Babilona,Ne nempatule tshidiye mumine mukana muende.+ Bisamba kabiakuya kabidi kudiye nansha,Ne tshimanu tshia Babilona netshikuluke.+ 45  Bantu banyi, patukayi munkatshi muende!+ Pandishayi mioyo*+ yenu ku tshiji tshikole tshia Yehowa!+ 46  Kanuteketshi ku muoyo anyi kanuikadi ne buôwa bua lumu lunumvua mu buloba. Lumu nelulue mu tshidimu tshimue,Ne lumu lukuabu mu tshidimu tshidi tshilonda,Lumu lua tshikisu mu buloba ne lua mfumu uluisha mfumu mukuabu. 47  Nunku tangilayi! Matuku adi aluaAngatuma ntema yanyi ku mpingu misonga ya Babilona. Buloba buende buonso nebufuishibue bundu,Ne bantu bende bonso badi bashipibue nebakuluke munkatshi muende.+ 48  Diulu ne buloba ne bintu bionso bidimuNebiele mbila ya disanka bua Babilona,+Bualu babutudi nebalue kudiye bafumina ku nord,”+ ke mudi Yehowa wamba. 49  “Babilona kavua anu mukulule bantu ba Isalele bavua bashipibue to,+Kadi bantu ba buloba bujima bavua bashipibue bavua kabidi bakuluke mu Babilona. 50  Nuenu badi bapanduka ku muele wa mvita, tungunukayi ne kuya, kanuimanyi to!+ Nuvulukile Yehowa miaba ya kule,Ne Yelushalema anusamine muoyo.”+ 51  “Tudi bafuishibue bundu, bualu tudi bumvue bipendu. Dipuekeshibua milongo ndibuikile mpala yetu,Bualu bantu ba ku babende* mbalue kuluisha miaba ya tshijila ya nzubu wa Yehowa.”+ 52  “Nunku tangilayi! matuku adi alua,” ke mudi Yehowa wamba,“Angatuma ntema yanyi ku mpingu yende misonga,Ne bantu badi batapike nebatue mikemu mu buloba buende buonso.”+ 53  “Nansha Babilona mua kubanda too ne muulu,+Nansha yeye ne bua kukolesha miaba yende mile ya kusokomena,Bamubutudi nebalue bafumina kundi,”+ ke mudi Yehowa wamba. 54  “Telejayi! Diyoyo didi difumina mu Babilona,+Tshiona tshia kabutu kanene tshifumina mu buloba bua bena Kasada,+ 55  Bualu Yehowa udi ubutula Babilona,Yeye neapuwishe dîyi diende dinene,Ne mavuala abu neakungule bu mâyi a bungi. Tshiona tshia dîyi diabu netshiumvuike. 56  Bualu mubutudi nealuile Babilona;+Bilobo biende bia mvita nebikuatshibue,+Mata abu a mikete neatayishibue,Bualu Yehowa udi Nzambi wa disombuela.+ Yeye neafute bushuwa.+ 57  Nengenze bua bakokeshi bende ne bena meji bende bakuatshike maluvu,+Banguvena bende ne bakokeshi bindondi bende ne bilobo biende bia mvita,Ne nebalale tulu tua kashidi,Tuikalabu kabayi mua kutabala to,”+ ke mudi Mukalenge, muena dîna dia Yehowa wa biluilu wamba. 58  Mona tshidi Yehowa wa biluilu wamba: “Tshimanu tshia Babilona, nansha muditshi tshinene, netshiupudibue tshionso tshijima,+Ne biibi biende, nansha mudibi bile, nebituibue kapia. Bukua bantu nebuenze mudimu mukole bua tshianana;Bisamba nebidizengeje anu bua kudiisha kapia.”+ 59  Edi ndîyi divua muprofete Yelemiya mutumine Selaya muana wa Neliya+ muana wa Mâseya pavuaye muye ne Sedekiya mukalenge wa Yuda ku Babilona mu tshidimu tshinayi tshia bukokeshi buende; Selaya uvua mutangidi wa malu a mu nzubu wa mukalenge. 60  Yelemiya wakafunda mu mukanda umue dikenga dionso divua mua kukuata Babilona, mêyi aa onso mafunda bua Babilona. 61  Yelemiya wakambila kabidi Selaya ne: “Paudi ufika mu Babilona ne umumona, udi ne bua kubala mêyi onso aa ne dîyi dikole. 62  Pashishe wambe ne: ‘Yehowa wetu, udi muambe bua muaba eu ne: newubutudibue ne newushale kakuyi wa kusombamu, muntu nansha nyama, kabidi ne: newushale mutupu bua kashidi.’+ 63  Paudi ujikija kubala mukanda eu, usuikaku dibue ne uwukupe munkatshi mua musulu wa Pelata. 64  Pashishe wambe ne: ‘Ke muadiina Babilona nunku, ne kakubanda kabidi nansha kakese+ bua bualu bua dikenga dindi mmutumina; ne nebazengele.’”+ Mêyi a Yelemiya ashikidi apa.

Note

Eu udi umueneka bu mushindu wa kusokoka dîna dia Kasada.
Ku mua.: “kadiatshi.”
Mmumue ne: buloba bua bena Kasada.
Anyi “anyima.”
Anyi pamuapa: “uwujayi nsapu ya mikete.”
Anyi “mutshi wa tshimanyinu.”
Ku mua.: “tshipiminu tshia.”
Anyi “anyima wende.”
Anyi “mabungi.”
Anyi pamuapa: “njila.”
Anyi “lupingu lua tshiamu tshiengulula.”
anyi “mueyelu.”
Anyi “tshia tshianana.”
Ku mua.: “Tshitupa tshia.”
Anyi “mutshi wa tshimanyinu.”
Ku mua.: “Jidilayi.”
Ku mua.: “Jidilayi.”
Anyi “papirise.”
Ku mua.: “Nebukadelesâ,” mfundilu mukuabu wa dîna edi.
Anyi “bana ba ntambue ba misalala.”
Bidi bimueneka ne: mmfundilu musokome wa dîna dia Babele (Babilona).
Anyi “anyima.”
Anyi “benyi.”