Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yelemiya 3:1-25

MALU ADI MU MUKANDA EU

  • Buondoke bua butontolodi bua Isalele (1-5)

  • Isalele ne Yuda mbapile bua masandi (6-11)

  • Dibikila bua kunyingalala bua mpekatu (12-25)

3  Bantu badi bakonka ne: “Mulume yeye muipate mukajende, ne yeye mumbuke kudiye, mulue mukaji wa muntu mukuabu, mulume au udi ne bua kupingana kabidi kudiye anyi?” Buloba abu ki mbunyanguke bikole menemene anyi?+ “Udi muende masandi ne bena diebe ba bungi,+Ne mpindieu udi ne bua kupingana kundi anyi?” ke mudi Yehowa ukonka.   “Bandisha mêsu ebe ku mikuna idi tshianana, umone. Mmuaba kayi udibu kabayi balale nebe ku bukole? Uvua musombe kumpenga kua njila bua bualu buabu,Bu mutambakanyi* mu tshipela. Wewe udi utungunuka ne kunyanga bulobaNe bundumba buebe ne malu mabi ebe.+   Nunku mbakuate mvula,+Ne kakuena mvula mu muvu wa luya.* Wewe udi ne tshimuenekelu tshia* dikamakama tshia mukaji udi wenda bundumba;Wewe udi ubenga bua kumvua bundu.+   Kadi mpindieu udi ungela lubila ne: ‘Tatu wanyi, wewe udi muena dianyi wa ku buana!+   Muntu udi ne bua kulaminangana tshiji kashidi,Peshi kushala anu mulaminangane munda anyi?’ Ke tshiudi wamba,Kadi udi utungunuka ne kuenza malu onso mabi audi ukokesha bua kuenza.”+  Mu matuku a mukalenge Yoshiya,+ Yehowa wakangambila ne: “‘Udi mumone tshidi Isalele udi kayi ne lulamatu muenze anyi? Mmuye ku mukuna mule wonso ne muinshi mua mutshi wonso udi musampile bikole bua kuenda bundumba.+  Nansha pakavuaye muenze malu onso aa, ngakatungunuka ne kumuambila bua apingane kundi,+ kadi kavua mupingane to; ne Yuda wakatungunuka ne kutangila muanabu wa bakaji muena tshitungu.+  Pangakamona bualu abu, ngakipata Isalele udi kayi ne lulamatu ne mukanda wa dishipa nawu dibaka+ bua masandi ende.+ Kadi Yuda muanabu wa bakaji muena tshitungu kavua mumvue buôwa to; yeye pende wakaya, kuendaye bundumba.+  Wakapepeja bundumba buende, ne wakatungunuka ne kunyanga buloba ne kuenda masandi ne mabue ne mitshi.+ 10  Nansha nanku, Yuda muanabu wa bakaji muena tshitungu kavua mupingane kundi ne muoyo wende mujima to, anu bia tshidingishilu,’ ke mudi Yehowa wamba.” 11  Pashishe Yehowa wakangambila ne: “Isalele udi kayi ne lulamatu mmudileje mudiye* muakane kupita Yuda muena tshitungu.+ 12  Ndaku, umanyishe mêyi aa ku nord:+ “‘“Pingana, wewe Isalele ntomboji,” ke mudi Yehowa wamba.’+ ‘“Tshiakukutangila ne tshiji*+ to, bualu meme ndi ne lulamatu,” ke mudi Yehowa wamba.’ ‘“Tshiakushala mulame tshiji kashidi to. 13  Wewe itaba anu bubi buebe, bualu udi mutombokele Yehowa Nzambi webe. Wewe uvua mutungunuke ne kutangalaja mubidi webe* kudi benyi* muinshi mua mutshi wonso udi musampile bikole, kadi kuvua mutumikile dîyi dianyi,” ke mudi Yehowa wamba.’” 14  “Pinganayi, nuenu bana bantomboji,” ke mudi Yehowa wamba. “Bualu ndi mulue mfumuenu mulelela;* ne nennuangate, umue mu tshimenga kampanda ne babidi mu dîku kansanga, ne nenye nenu ku Siona.+ 15  Nennupeshe balami ba mikoko badi benza malu bu mudi disua dianyi,*+ nebanudishe ne dimanya ne busunguluji. 16  Nenulue ba bungi ne nenukuame mamuma mu buloba mu matuku au,” ke mudi Yehowa wamba.+ “Kabakuamba kabidi ne: ‘Mushete wa tshipungidi tshia Yehowa!’ Kawakubaluila kabidi ku muoyo, kabakuwuvuluka anyi kuwujinga ne kabakuwenza kabidi to. 17  Tshikondo atshi nebabikile Yelushalema ne: nkuasa wa bukalenge wa Yehowa;+ ne bisamba bionso nebisangishibue pamue ku dîna dia Yehowa mu Yelushalema,+ ne kabakulonda kabidi ne mutu mukole muoyo wabu mubi to.” 18  “Mu matuku au nebende pamue, nzubu wa Yuda pamue ne nzubu wa Isalele,+ ne nebafumine ku buloba bua ku nord tshiapamue babuela mu buloba bumvua mupeshe bankambua benu bu bumpianyi.+ 19  Ngakela meji ne: ‘Ke mumvua mukuteke munkatshi mua bana ne mukupeshe buloba buimpe, bumpianyi butambe buimpe munkatshi mua bisamba* nunku!’+ Ngakela kabidi meji ne: nuvua mua kumbikila ne: ‘Tatu wanyi!’ ne kanuvua mua kusesuka nulekela kundonda. 20  ‘Bushuwa anu mudi mukaji utungila bayende* umbuka kudiye, ke muudi wewe kabidi, nzubu wa Isalele, mungenzele malu ne tshitungu,’+ ke mudi Yehowa wamba.” 21  Dîyi didi diumvuika pa mikuna idi kayiyi ne tshintu,Muadi ne disengelela dia bantu ba Isalele,Bualu mbakonyangaje njila wabu;Mbapue Yehowa Nzambi wabu muoyo.+ 22  “Pinganayi, nuenu bana bantomboji. Nengondope buntomboji buenu.”+ “Ntuetu aba! Tudi balue kuudi,Bualu wewe, Yehowa, udi Nzambi wetu.+ 23  Bulelela, mikuna mikese ne kayumbayumba kadi pa mikuna minene idi tshidingishilu.+ Bulelela, lupandu lua Isalele ludi mu Yehowa Nzambi wetu.+ 24  Kadi katshia ku buana buetu, tshintu tshia bundu* ntshibutule mudimu mukole wa bankambua betu,+Mikoko yabu ne ngombe yabu,Bana babu ba balume ne bana babu ba bakaji. 25  Tulalayi panshi mu bundu buetu,Ne bundu buetu butubuikile,Bualu tudi benzele Yehowa Nzambi wetu mpekatu,+Tuetu ne batatuetu katshia ku buana buetu too ne lelu eu,+Ne katuena batumikile dîyi dia Yehowa Nzambi wetu to.”

Note

Ku mua.: “muena Arabe.”
Anyi “printemps.”
Ku mua.: “mpala wa.”
Anyi “mmuleje mudi anyima wende.”
Ku mua.: “Tshiakukukuluila mpala wanyi.”
Ku mua.: “njila yebe.”
Anyi “nzambi ya ku babende.”
Anyi pamuapa: “bayenu.”
Ku mua.: “muoyo wanyi.”
Ku mua.: “bua biluilu bia bisamba.”
Ku mua.: “muena diende.”
Anyi “nzambi wa bundu.”