Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yelemiya 25:1-38

MALU ADI MU MUKANDA EU

  • Tshilumbu tshidi natshi Yehowa ne bisamba (1-38)

    • Bisamba bidi ne bua kuenzela Babilona mudimu bua bidimu 70 (11)

    • Dikopo dia mvinyo dia tshiji tshikole tshia Nzambi (15)

    • Dikenga ku tshisamba ne ku tshisamba (32)

    • Badi Yehowa ushipa (33)

25  Dîyi diakalua kudi Yelemiya bua bualu bua bantu bonso ba mu Yuda mu tshidimu tshinayi tshia Yehoyakima+ muana wa Yoshiya, mukalenge wa Yuda, tshidimu atshi tshivua tshidimu tshia kumpala tshia Nebukadenesâ* mukalenge wa Babilona.  Mona tshiakamba muprofete Yelemiya bua bualu bua* bantu bonso ba mu Yuda ne bonso badi basombele mu Yelushalema:  “Kumbukila mu tshidimu tshia 13 tshia Yoshiya+ muana wa Amona, mukalenge wa Yuda, too ne lelu eu, bidimu ebi 23, dîyi dia Yehowa ndilue kundi, ne ngakatungunuka ne kunuambila njila ne njila,* kadi kanuakateleja to.+  Yehowa wakanutumina bena mudimu bende bonso baprofete, ubatuma njila ne njila,* kadi kanuakateleja anyi kuinyika ditshi dienu bua kumvua.+  Bavua bamba ne: ‘Umbukayiku, yonso wa kunudi, ku njila yende mibi ne ku bienzedi biende bibi;+ nunku nenutungunuke ne kusomba bua tshikondo tshile tshialua mu buloba buvua Yehowa munupeshe nuenu ne bankambua benu kale.  Kanulondi nzambi mikuabu, kanuyenzedi mudimu ne kanuyinaminyi, numfiikisha munda ne mudimu wa bianza bienu; tshianana nennutumine dikenga.’  “‘Kadi kanuvua banteleje,’ ke mudi Yehowa wamba. ‘Kadi nuakamfiikisha munda ne mudimu wa bianza bienu, bua dikenga dienu nuenu.’+  “Nunku, mona tshidi Yehowa wa biluilu wamba: ‘“Bu munuvua kanuyi batumikile mêyi anyi,  Ndi mbikidisha mêku onso a ku nord,”+ ke mudi Yehowa wamba, “mbikidisha Nebukadenesâ* mukalenge wa Babilona, muena mudimu wanyi,+ ne nendue nabu bua kuluisha buloba ebu,+ bua kuluisha badi basombelamu, bua kuluisha bisamba bionso bidi binyunguluke ebi.+ Nembafile ku kabutu, nembavuije tshintu tshidi tshikuatshisha buôwa, tshintu tshia kuelela muonzo, ne bikulu bia kashidi. 10  Nengimanyike tshiona tshia disanka dikole ne tshiona tshia masanka bidi bifumina kudibu,+ dîyi dia musedianganyi ne dîyi dia mukaji udibu basela,+ mutoyi wa dibue dia mpelu dia ku tshianza ne bukenke bua muendu. 11  Buloba ebu buonso nebuvuijibue bikulu ne nebulue tshintu tshidi tshikuatshisha buôwa, ne bisamba ebi nebienzele mukalenge wa Babilona mudimu bidimu 70.”’+ 12  “‘Kadi padi bidimu 70 bikumbana,+ nendumbuluishe* mukalenge wa Babilona ne tshisamba atshi bua tshilema tshiabu,’+ ke mudi Yehowa wamba, ‘ne nemvuije buloba bua bena Kasada buloba bua tshipela budi munda mutupu bua kashidi.+ 13  Nentumine buloba abu mêyi anyi onso andi muakule bua bualu buabu, onso adi mafunda mu mukanda eu adi Yelemiya muambe a bualu buafikila bisamba bionso. 14  Bualu bisamba bia bungi ne bakalenge banene+ nebabavuije bapika,+ ne nembafute bilondeshile bienzedi biabu ne mudimu wa bianza biabu.’”+ 15  Bualu mona tshidi Yehowa Nzambi wa Isalele mungambile: “Angate dikopo dia mvinyo wa tshiji tshikole mu tshianza tshianyi, ne udinuishe bisamba bionso bindi nkutuma kudibi. 16  Nebinue, nebitetuke ne nebienze malu bu bantu bapale bua bualu bua muele wa mvita undi ntuma munkatshi muabi.”+ 17  Nunku, ngakangata dikopo mu tshianza tshia Yehowa, kunuisha bisamba bionso bivua Yehowa muntume kudibi:+ 18  kutuadija ne Yelushalema ne bimenga bia Yuda,+ bakalenge ne bakokeshi bende, bua kubabutula, bua kubavuija tshintu tshidi tshikuatshisha buôwa, tshintu tshia kuelela muonzo ne mulawu,+ anu mudibi lelu eu; 19  pashishe Palô mukalenge wa Ejipitu ne bena mudimu bende, bakokeshi bende ne bantu bende bonso,+ 20  ne bukua bantu buabu buonso busambakane; bakalenge bonso ba buloba bua Usa; bakalenge bonso ba buloba bua bena Peleshete,+ Ashekelona,+ Gaza, Ekelona ne bantu badi bashale ba Ashedodo; 21  Edome,+ Moaba,+ ne bena Amona;+ 22  bakalenge bonso ba Tulo, bakalenge bonso ba Sidona,+ ne bakalenge ba tshidiila* tshidi mu mbuu; 23  Dedana,+ Tema, Buza, ne bantu bonso badi ne nsuki miela biketu mu nseke ya mitu;+ 24  bakalenge bonso ba bena Arabe+ ne bakalenge bonso ba bukua bantu busambakane badi basombele mu tshipela; 25  bakalenge bonso ba Zimeli, bakalenge bonso ba Elama,+ ne bakalenge bonso ba bena Madayi;+ 26  ne bakalenge bonso ba ku nord ba pabuipi ne ba kule, umue ku umue, ne makalenge makuabu onso a pa buloba adi pa mutu pa buloba; ne mukalenge wa Sheshaka*+ neanue panyima pabu. 27  “Udi ne bua kubambila ne: ‘Monayi tshidi Yehowa wa biluilu, Nzambi wa Isalele, wamba: “Nuayi, nukuatshike, nuluke ne nudishinde kanuyi mua kujuka+ bua bualu bua muele wa mvita undi ntuma munkatshi muenu.”’ 28  Kadi bobu babenge bua kuangata dikopo mu tshianza tshiebe bua kunua, ubambile ne: ‘Monayi tshidi Yehowa wa biluilu wamba: “Nudi ne bua kudinua! 29  Bualu, monayi! Bingikala nganji kutumina tshimenga tshidi ne dîna dianyi+ dikenga, nuenu nenupange kunyokibua anyi?”’+ “‘Kanuakupanga kunyokibua to, bualu ndi mbikidila bantu bonso badi basombe pa buloba muele wa mvita,’ ke mudi Yehowa wa biluilu wamba. 30  “Udi ne bua kubambila mêyi onso a buprofete ne kubambila ne:‘Yehowa neakunguile muulu,Ne neenze bua dîyi diende diumvuike kumbukila muaba wende wa kusombela wa tshijila. Neakunguile tshisombelu tshiende ne dîyi dikole. Wela mbila bu bantu badi badiata tumuma tua mvinyo mu tshikaminu,Yeye neimbe musambu wa ditshimuna bua bualu bua bonso badi basombele pa buloba.’ 31  ‘Mutoyi newufike too ne ku ntengu ya buloba,Bualu Yehowa udi tshilumbu ne bisamba. Yeye nkayende nealumbuluishe bukua bantu buonso.*+ Ne neafile bantu babi ku muele wa mvita,’ ke mudi Yehowa wamba. 32  Mona tshidi Yehowa wa biluilu wamba: ‘Mona! Dikenga didi ditangalaka ku tshisamba ne ku tshisamba,+Ne nebalekelele tshipepele tshikole tshifumina ku bitupa bia kule menemene bia buloba.+ 33  “‘Bantu badi Yehowa ushipa dituku adi nebikale kumbukila ku ditengu dimue dia buloba too ne ku ditengu dikuabu dia buloba. Kabakubadila, anyi kubasangisha anyi kubajiika to. Nebalue bu tumvi pa mutu pa buloba.’ 34  Elayi kabobo ka muadi, nuenu balami ba mikoko, ne elayi mbila! Bungulukayi, nuenu bantu banene ba mu tshisumbu tshia mikoko,Bualu tshikondo tshia kunushipa ne kunutangalaja tshiafiki,Ne nenukuluke bu dilongo dia mushinga mukole! 35  Balami ba mikoko kabena ne muaba wa bobu kunyemena,Ne kakuena tshinyemenu bua bantu banene ba mu tshisumbu tshia mikoko. 36  Telejayi! Lubila lua balami ba mikokoNe kabobo ka muadi ka bantu banene ba mu tshisumbu tshia mikoko,Bualu Yehowa udi unyangakaja muaba wabu wa kudishila nyama. 37  Miaba ya kusombela ya ditalala mmilue kayiyi ne muoyoBua bualu bua tshiji tshikole tshia Yehowa. 38  Yeye mmulekele buina buende anu bu muana wa ntambue,*+Bualu buloba buabu mbulue tshintu tshidi tshikuatshisha buôwa Bua bualu bua muele wa mvita wa tshikisuNe bua bualu bua tshiji tshiende tshikole.”

Note

Ku mua.: “Nebukadelesâ,” mfundilu mukuabu wa dîna edi.
Anyi “wambila.”
Ku mua.: “kujuka patshiatshia, ngakula.”
Ku mua.: “ujuka patshiatshia, ubatuma.”
Ku mua.: “Nebukadelesâ,” mfundilu mukuabu wa dîna edi.
Anyi “nennyoke.”
Anyi “tshisanga.”
Bidi bimueneka ne: mmfundilu musokome wa dîna dia Babele (Babilona).
Ku mua.: “musunyi wonso.”
Anyi “muana wa ntambue wa musalala.”