Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yelemiya 2:1-37

MALU ADI MU MUKANDA EU

  • Isalele udi ulekela Yehowa bua nzambi mikuabu (1-37)

    • Isalele bu muonji wa tumuma tua mvinyo wa ku babende (21)

    • Muntumpu wende udi ne makeji a mashi (34)

2  Dîyi dia Yehowa diakalua kundi, diamba ne:  “Ndaku, umanyishe mu matshi a Yelushalema ne: ‘Mona tshidi Yehowa wamba: “Nemvuluke lulamatu lua* ku bunsonga buebe,+Dinanga diuvua muleje pavuabu bakubangile bua kukusela,+Muuvua mundonde mu tshipela,Mu buloba buvuabu kabayi bakune mamiinu.+   Isalele uvua wa tshijila kudi Yehowa,+ mamuma a kumpala a bintu biende bia kunowa.”’ ‘Muntu yonso uvua umudia uvua upila. Dikenga divua mua kubakuata,’ ke mudi Yehowa wamba.”+   Telejayi dîyi dia Yehowa, nuenu ba mu nzubu wa Yakoba,Ne nuenu mêku onso a nzubu wa Isalele.   Mona tshidi Yehowa wamba: “Ntshilema kayi tshivua bankambua benu basangane munda muanyi,+Bua bobu kupambuka kule nanyi menemene,Ne bobu kulonda mpingu ya patupu+ ne bobu bine kulua bantu tshianana?+   Kabakakonka ne: ‘Yehowa udi penyi,Yeye uvua mutupatule mu buloba bua Ejipitu,+Uvua mutulombole mu tshipela,Mu buloba bua bipela+ ne majimba,Mu buloba bua munanga+ ne mîdima mikole,Mu buloba mudi muntu kayi upitshilaNe mudi bantu kabayi basombela?’   Nunku, ngakalua nenu mu buloba bua madimi a mitshi ya bimuma,Bua kudia mamuma abu ne bintu biabu bimpe.+ Kadi nuakabuela mu buloba buanyi, nuenu kubunyanga;Nuakavuija bumpianyi buanyi tshintu tshibi.+   Bakuidi kabakakonka ne: ‘Yehowa udi penyi?’+ Bamanyi ba Mikenji kabavua bammanye,Balami bakantombokela,+Baprofete bakamba mêyi a buprofete mu dîna dia Bâla,+Ne bakalonda bantu bavua kabayi mua kubapetesha dikuatshisha.   ‘Nunku nenduangane nenu kabidi,’+ ke mudi Yehowa wamba,‘Ne nenduangane ne bana ba bana benu.’ 10  ‘Kadi sabukayi too ne ku maloba a ku mielelu kua mbuu* a Kitima,+ numone. Eyowa, tumayi bantu ku Kedâ+ ne nuelangane meji bimpe;Numone bikala bualu bua nunku ni bukadiku buenzeke. 11  Tshisamba kampanda tshikadiku tshishintakaje nzambi yatshi ku idi kayiyi nzambi anyi? Kadi bantu banyi meme mbashintakaje butumbi buanyi ku bintu bidi kabiyi ne diambuluisha.+ 12  Shala mutangile bualu ebu ukema, wewe diulu;Zakala bua buôwa bukole menemene,’ ke mudi Yehowa wamba, 13  ‘Bualu bantu banyi mbenze malu mabi abidi aa: Mbandekele meme, mpokolo wa mâyi a muoyo,+Ne mbadiumbuile* bina bia mâyi,Bina bitayike, bidi kabiyi mua kulama mâyi.’ 14  ‘Isalele mmuena mudimu anyi mmupika mulelela mu lubanza? Kadi bua tshinyi mbamufile bua kumupawulabu? 15  Bana ba ntambue* badi bakungula bamufunyina;+Mbabandishe mêyi abu. Mbavuije buloba buende tshintu tshidi tshikuatshisha buôwa. Mbatue bimenga biende kapia, nunku kamuena muntu musombelamu. 16  Bantu ba ku Nofa*+ ne Tapanehese+ badi badia lubombo lua mutu webe. 17  Kuena mudikebele bualu ebu nkayebePaudi mulekele Yehowa Nzambi webe+Pavuaye ukulombola mu njila anyi? 18  Mpindieu, bua tshinyi udi ujinga njila wa ku Ejipitu+Bua kunua mâyi a Shihô?* Bua tshinyi udi ujinga njila wa ku Ashû+Bua kunua mâyi a Musulu?* 19  Malu mabi ebe adi ne bua kukubela,Ne dipanga lulamatu diebe didi ne bua kukutandisha. Umanye ne ujingulule mudibi bibi ne binyingalaja bikole+Bua kulekela Yehowa Nzambi webe;Kuena muleje dintshina nansha dikese,’+ ke mudi Mukalenge Mutambe Bunene, Yehowa wa biluilu, wamba. 20  ‘Bualu kale mvua mutshibule mutshi webe wa tshikokedi+Ne mukose nkanu yebe. Kadi wewe wakamba ne: “Tshiakuenza mudimu to,”Bualu pa mukuna mule wonso ne muinshi mua mutshi wonso udi musampile bikole,+Wewe uvua udibaala panshi, wenda bundumba.+ 21  Mvua mukukune bu muonji muimpe wa tumuma tua mvinyo mukunze,+ wonso mujima wa dimiinu dimpe;Nunku, mmunyi muudi mukudimuke ntonga ya muonji wa tumuma tua mvinyo wa ku babende kumpala kuanyi?’+ 22  ‘Nansha wewe muowe ne shota* ne muowe ne nsabanga wa bungi,Bubi buebe nebuikale anu dikeji kumpala kuanyi,’+ ke mudi Mukalenge Mutambe Bunene Yehowa wamba. 23  Mmunyi muudi mua kuamba ne: ‘Tshiena mudinyange. Tshiena mulonde Babâla’? Tangila njila webe mu tshibandabanda. Elangana meji a malu audi muenze. Udi bu lukungulu lua kamelu lua lubilu lukole,Ludi lubanda lupueka mu njila yalu kaluyi ne tshidilu lukeba, 24  Mpunda wa tshisuku udi muibidilangane ne tshipela,Udi ukoka lupepele padiye ne dijinga dikole dia kusangila.* Nnganyi udi mua kumukanda padiye muteme? Nansha umue wa ku idi imukeba kakutshioka to. Yoyi neimupete mu tshikondo tshiende.* 25  Lama makasa ebe bua kaashadi tshiananaNe muminu webe bua kawumvu nyota. Kadi wewe wakamba ne: ‘Kakuena ditekemena!+ Tòo! Ndi munange benyi,*+Ne nembalonde.’+ 26  Bu mudi muivi umvua bundu padibu bamukuate,Ke mudi nzubu wa Isalele mufuishibue bundu,Bobu, bakalenge babu ne bakokeshi babu,Bakuidi babu ne baprofete babu.+ 27  Badi bambila mutshi ne: ‘Wewe udi tatu wanyi,’+Ne bambila dibue ne: ‘Wewe uvua mundele.’ Kadi meme, badi bantumina nyima, ki mmpala wabu to.+ Ne mu tshikondo tshia dikenga diabu nebambe ne:‘Juka, utupandishe!’+ 28  Mpindieu nzambi yebe iuvua mudienzele idi penyi?+ Ijuke bikalayi mua kukupandisha mu tshikondo tshiebe tshia dikenga,Bualu nzambi yebe mmivulangane anu bu bimenga biebe, wewe Yuda.+ 29  ‘Bua tshinyi nudi nutungunuka ne kukokangana nanyi? Bua tshinyi nuenu bonso nudi bantombokele?’+ ke mudi Yehowa ukonka. 30  Ndi mukume bana benu mu tshianana.+ Bobu kabavua bitaba dinyoka to;+Muele wenu wa mvita uvua mubutule baprofete benu,+Bu nyama wa ntambue wa tshinyangu. 31  Nuenu bantu ba tshipungu etshi, elanganayi meji a dîyi dia Yehowa. Ndi mulue bu tshipela kudi IsalelePeshi bu buloba bua mîdima mikole anyi? Bua tshinyi bantu aba, bantu banyi, mbambe ne: ‘Tudi tutambakana badilekelele. Katuakulua kabidi kuudi nansha’?+ 32  Nsongakaji utshidi kamama udiku mua kupua bilenga biende muoyo,Peshi mukaji udibu bakeba kusela udiku mua kupua mukaba wende wa pa tshiadi* muoyo anyi? Kadi bantu banyi meme mbampue muoyo matuku bungi kabuyi kubala.+ 33  Wewe mukaji, ke muudi mulongolole njila webe ne mayele onso bua kukeba dinanga nunku! Udi mudibidije mu njila ya malu mabi.+ 34  Nansha muntumpu webe udi ne makeji a mashi a bantu* bapele badi kabayi ne bualu,+Nansha mumvua tshiyi mubasangane munkatshi mua dibumbula;Adi ku muntumpu webe wonso.+ 35  Kadi wewe udi wamba ne: ‘Tshiena ne bualu. Bushuwa tshiji tshiende ntshiumbuke kundi.’ Mpindieu ndi nkulumbuluishaBualu udi wamba ne: ‘Tshiena muenze mpekatu to.’ 36  Bua tshinyi udi upepeja bikole njila webe udi kayi mushindame? Neufuishibue kabidi bundu bua Ejipitu,+Anu bu muwakafuishibua bundu bua Ashû.+ 37  Bua bualu ebu kabidi neupatuke bianza biebe biteka mu mutu,+Bualu Yehowa mmubenge bantu baudi weyemena;Kabakukupetesha diakalenga to.”

Note

Anyi “dinanga dia lulamatu dia.”
Anyi “bidiila.”
Anyi “mbadionduele,” pamuapa mu dibue.
Anyi “bana ba ntambue ba misalala.”
Anyi “Mempi.”
Mmumue ne: diboko dia musulu wa Nile.
Mmumue ne: musulu wa Pelata.
Anyi “buanga bua nsabanga.”
Anyi “dijinga dikole dia anyima wende.”
Ku mua.: “ngondo wende.”
Anyi “nzambi ya ku babende.”
Anyi “mukaba wende wa dibaka.”
Anyi “Anyima.”