Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yelemiya 14:1-22

MALU ADI MU MUKANDA EU

  • Munanga, tshiyole tshia nzala, ne muele wa mvita (1-12)

  • Baprofete ba dishima badi bapishibua (13-18)

  • Yelemiya udi witaba mpekatu ya bantu (19-22)

14  Edi ndîyi dia Yehowa diakalua kudi Yelemiya bua bualu bua minanga+ ne:   Yuda udi udila,+ ne biibi biende mbitekete. Bidi bidishika mu buloba bibungame,Ne muadi udi ubanda ufumina mu Yelushalema.   Bamfumu babu badi batuma bena mudimu babu* mâyi. Badi baya ku bina bia* mâyi kadi kabena bapeta mâyi. Badi bapingana ne malongo abu munda mutupu. Mbafuishibue bundu ne mbatekeshibue mu mikolo,Ne badi babuikila mitu yabu.   Bualu bua buloba mbuele mitanta,Bualu mvula kena uloka pa buloba,+Babidime mbatekete mu mikolo ne badi babuikila mitu yabu.   Nansha ngulungu udi mu mpata udi ulekela muanende utshidiye ulelelaku. Bualu mashinde kaenaku.   Mpunda ya tshisuku idi imana pa mikuna idi kayiyi ne tshintu. Idi ikoka lupepele bu mibuabua;Mêsu ayi adi ateketa bualu bisonsa kabienaku.+   Nansha mudi bilema bietu bitutuisha,Yehowa wetu, enza bualu, bua bualu bua dîna diebe.+ Bualu bienzedi bietu bia dipanga lulamatu bidi bia bungi,+Ne wewe ke utudi benzele mpekatu.   Wewe ditekemena dia Isalele, Mupandishi wende+ mu bikondo bia dikenga,Bua tshinyi udi bu muenyi mu buloba ebu,Bu muena luendu udi wapuka anu bua kupitshisha butuku bumue?   Bua tshinyi udi bu muntu udi ne buôwa,Bu tshilobo tshidi katshiyi mua kupandishangana? Bualu udi munkatshi muetu, wewe Yehowa,+Ne badi batubikila ku dîna diebe.+ Kutulekedi to. 10  Mona tshidi Yehowa wamba bua bantu aba: “Mbanange kutambakana;+ ki mbakande makasa abu.+ Nunku Yehowa kena usanka bua bualu buabu to.+ Mpindieu neavuluke tshilema tshiabu ne neabalumbuluishe bua mpekatu yabu.”+ 11  Pashishe Yehowa wakangambila ne: “Kusambidi bua bualu buimpe bufikile bantu aba to.+ 12  Padibu babuela mu tshijila tshia biakudia,+ tshiena nteleja mitendekenu yabu, ne padibu bafila milambu ya kuosha mijima ne milambu ya ntete, tshiena nsanka bua bualu buayi to,+ bualu nembashipe ku muele wa mvita, ku tshiyole tshia nzala, ne ku tshipupu.”*+ 13  Bua bualu ebu ngakamba ne: “Aka, Mukalenge Mutambe Bunene Yehowa! Mona baprofete badi babambila ne: ‘Kanuakumona muele wa mvita, ne tshiyole tshia nzala katshiakunukuata to, kadi nennupeshe ditalala dilelela muaba eu.’”+ 14  Pashishe Yehowa wakangambila ne: “Baprofete badi bamba mêyi a buprofete a dishima mu dîna dianyi.+ Meme tshiena mubatume peshi mubatumine dîyi anyi muakule nabu to.+ Tshikena kumona tshia mafi ne lubuku lua patupu ne dishima dia muoyo wabu ke bidibu banuambila mu mêyi a buprofete.+ 15  Nunku, mona tshidi Yehowa wamba bua baprofete badi bamba mêyi a buprofete mu dîna dianyi nansha mumvua tshiyi mubatume, ne badi bamba ne: muele wa mvita anyi tshiyole tshia nzala kabiakulua mu buloba ebu: ‘Baprofete abu nebafue ku muele wa mvita ne ku tshiyole tshia nzala.+ 16  Nebimanshe bantu badibu bambila mêyi a buprofete mu misesu ya Yelushalema bua tshiyole tshia nzala ne muele wa mvita, kakuyi muntu wa kubajiika,+ bobu, bakaji babu, bana babu ba balume, anyi bana babu ba bakaji, bualu nembapongoluele dikenga didi dibakanyine.’+ 17  “Udi ne bua kubambila dîyi edi ne:‘Mêsu anyi apuekeshe binsonji butuku ne munya, kabikami to,+Bualu muana wa bakaji wa bantu banyi utshidi kamama mmuzaza ne mmutshibula yeye yonso,+Mputa wende mmunene wa dikema. 18  Meme mupatuke muye mu mpata, ne monayi,Ndi mmona badibu bashipe ku muele wa mvita!+ Meme mubuele mu tshimenga,Ndi mmona masama a ku tshiyole tshia nzala!+ Bualu baprofete ne bakuidi mbaye kunyunguluka mu buloba budibu kabayi bamanye.’”+ 19  Udi mubengelamu Yuda, peshi udi* mukine Siona ne muoyo mujima anyi?+ Bua tshinyi udi mutukume kakuyi mushindu wa tuetu kuondopibua?+ Kuvua ditekemena dia ditalala, kadi bualu buimpe nansha bumue kabuakalua,Kuvua ditekemena dia tshikondo tshia kuondopibua, kadi kudi buôwa bukole!+ 20  Tudi tuitaba malu mabi etu, Yehowa wetu,Ne tshilema tshia bankambua betu,Bualu tudi bakuenzele mpekatu.+ 21  Bua bualu bua dîna diebe, kutubengi to;+Kupetudi nkuasa webe wa bukalenge wa butumbi to. Uvuluke, ne kushipi tshipungidi tshietu nebe.+ 22  Mpingu ya patupu ya bisamba idiku mua kulokesha mvula,Peshi diulu dine didi mua kulokesha mvula diodi nkayadi anyi? Ki nganu Wewe nkayebe, Yehowa Nzambi wetu,+ anyi? Nunku tudi tukutekemena wewe,Bualu wewe nkayebe ke udi muenze bintu bionso ebi.

Note

Anyi “bantu babu bapuekele.”
Anyi “minkoloji ya.”
Anyi “disama.”
Anyi “anyima webe udi.”