Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yelemiya 13:1-27

MALU ADI MU MUKANDA EU

  • Mukaba munyanguke wa line (1-11)

  • Milondo ya mvinyo ya kutayisha (12-14)

  • Yuda udi kayi kuakajilula udi ne bua kukuatshibua ku babende (15-27)

    • “Muena Kushi udi mua kukudimuna dikoba diende anyi?” (23)

13  Mona tshivua Yehowa mungambile: “Ndaku, usumbe mukaba wa line, uwuvuale mu tshimono tshiebe, kadi kuwutu mu mâyi to.”  Nunku, ngakasumba mukaba bilondeshile dîyi dia Yehowa, meme kuwuvuala mu tshimono tshianyi.  Pashishe, dîyi dia Yehowa diakalua kundi musangu muibidi ne:  “Angata mukaba uuvua musumbe uudi muvuale au, juka, ndaku ku musulu wa Pelata ne uwusokoke kuntu aku mu mutanta wa mukuna wa dibue.”  Nunku ngakaya, meme kuwusokoka pabuipi ne musulu wa Pelata anu muvua Yehowa mungambile bua kuenza.  Kadi matuku a bungi pashishe, Yehowa wakangambila ne: “Juka, ndaku ku musulu wa Pelata, wangataku mukaba umvua mukuambile bua kusokokaku au.”  Nunku, ngakaya ku musulu wa Pelata, kumbula mukaba, meme kuwangata muaba umvua muwusokoke, ne kumona ne: mukaba ukavua munyanguke; kawuvua kabidi ne dikuatshisha nansha dikese to.  Pashishe, dîyi dia Yehowa diakalua kundi ne:  “Mona tshidi Yehowa wamba: ‘Nembutule lutambishi lua Yuda ne lutambishi lunene lua Yelushalema mu mushindu wa muomumue.+ 10  Bantu babi aba badi babenga kutumikila mêyi anyi,+ badi balonda muoyo wabu bobu ne mutu mukole,+ badi balonda nzambi mikuabu, bayenzela mudimu ne bayinamina, nebalue anu bu mukaba eu udi kawutshiyi kabidi ne dikuatshisha nansha dikese.’ 11  ‘Bualu anu bu mutu mukaba ulamata mu tshimono tshia muntu, ke mumvua muenze bua ba mu nzubu mujima wa Isalele ne ba mu nzubu mujima wa Yuda bandamate, bua balue kundi tshisamba,+ dîna,+ butumbi, ne tshintu tshilengele. Kadi kabakatumikila to,’+ ke mudi Yehowa wamba. 12  “Udi ne bua kubambila kabidi mukenji eu ne: ‘Monayi tshidi Yehowa Nzambi wa Isalele wamba: “Mulondo munene wonso ngua kuwuja ne mvinyo.”’ Kadi bobu nebakuandamune ne: ‘Katuenaku bamanye ne: mulondo munene wonso ngua kuwuja ne mvinyo anyi?’ 13  Pashishe ubambile ne: ‘Monayi tshidi Yehowa wamba: “Monayi, bantu bonso ba mu buloba ebu,+ bakalenge badi basomba mu nkuasa wa bukalenge wa Davidi, bakuidi ne baprofete ne bantu bonso badi basombele mu Yelushalema, ndi mbuwuja ne dikuatshika dia maluvu. 14  Nembatutakaje muntu kudi mukuabu, batatu ne bana muomumue,” ke mudi Yehowa wamba.+ “Tshiakubaleja luse anyi kumvua kanyinganyinga bua bualu buabu peshi kubumvuila luse nansha lukese; tshintu nansha tshimue katshiakunkanda bua kubatumina kabutu to.”’+ 15  Telejayi ne teyayi ntema. Kanuikadi ne didibandisha, bualu Yehowa mmuakule. 16  Tumbishayi Yehowa Nzambi wenuKumpala kua yeye kufila mîdimaNe kumpala kua makasa enu kulendukawu pa mikuna ku dilolo. Nenutekemene butoke,Kadi yeye neatume mîdima mikole;Yeye neavuije butoke mifitu mikole.+ 17  Kadi nuenu babenge kuteleja,Nendile* mu musokoko bua lutambishi luenu. Nemmatshishe binsonji bia bungi, ne mêsu anyi neapuekeshe binsonji,+Bualu mbakuate mikoko ya Yehowa+ baye nayi. 18  Ambila mukalenge ne mamuende wa mukalenge*+ ne: ‘Sombelayi muaba mupuekele,Bualu tshifulu tshienu tshia butumbi tshilengele netshikuluke ku mutu kuenu.’ 19  Bimenga bia ku sud mbikanga,* kakuyi muntu udi mua kubikangula. Bantu bonso ba Yuda mbabakuate baye nabu ku babende, mbaye nabu bonso ku babende.+ 20  Bandisha mêsu ebe umone badi bafumina ku nord.+ Tshisumbu tshia mikoko tshivuabu bakupeshe, mikoko yebe milengele, tshidi penyi?+ 21  Newambe tshinyi padi dinyoka diebe diluaDifumina kudi balunda bebe ba pa muoyo bauvua mulongeshe katshia ku ntuadijilu?+ Bitu bisama pa kulela kabiakukukuata bu bia mukaji pa lulelu anyi?+ 22  Paudi wamba mu muoyo webe ne: ‘Bua tshinyi malu aa mmamfikile?’+ Mbua tshilema tshiebe tshinene ke bualu kayi mbakuvule muntumpu webe+ Ne mbenzele bikankanyi biebe malu ne tshikisu. 23  Muena Kushi* udi mua kukudimuna dikoba diende, peshi nkashama kukudimuna matoba ende anyi?+ Pikalabi nanku, mmumue ne: nuenu nudi mua kuenza malu mimpe,Nuenu badibu balongeshe bua kuenza malumabi. 24  Nunku nembatangalaje bu bisonsa bipepula kudi lupepele lua mu tshipela.+ 25  Etshi ke tshiebe tshitupa, tshitupa tshindi mukupimine,” ke mudi Yehowa wamba,“Bualu udi mumpue muoyo+ ne udi mueyemene mashimi.+ 26  Nunku nembandishe muntumpu webe ku mêsu kuebe,Ne bundu buebe nebumueneke,+ 27  Bienzedi biebe bia masandi+ ne muadi webe wa dijinga dikole dia kusangila bu wa kabalu,Bundumba buebe bua busenji.* Pa mikuna ne mu mpata,Ndi mumone bienzedi biebe bia muendi.+ Diakabi diebe, wewe Yelushalema! Neushale mukoya too ne dîba kayi?”+

Note

Anyi “Anyima wanyi neadile.”
Anyi “inabanza.”
Anyi “mbitshintshimika.”
Anyi “Muena Etshiopi.”
Anyi “bundu.”