Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yelemiya 12:1-17

MALU ADI MU MUKANDA EU

  • Didiabakena dia Yelemiya (1-4)

  • Diandamuna dia Yehowa (5-17)

12  Udi muakane, wewe Yehowa,+ pandi ndua ne tshilumbu tshianyi kuudi,Pandi ngakula nebe bua malu a kulumbuluisha kuakane. Kadi bua tshinyi njila wa bantu babi udi uya kumpala,+Ne bua tshinyi bena tshitungu mbasombe talalaa?   Uvua mubakune, ne mbele miji. Mbakole ne mbakuame mamuma. Wewe udi ku mishiku yabu, kadi kule ne meji a munda muabu menemene.*+   Kadi wewe udi mummanye bimpe, wewe Yehowa,+ udi ummona;Udi mukonkonone muoyo wanyi ne muwusangane mu buobumue nebe.+ Ubateke pa nkayabu bu mikoko ya kushipa,Ne ubateke ku luseke bua dituku dia kushipibua.   Mmutantshi bule kayi udi buloba ne bua kufubidilaNe bisonsa bia mu mpata yonso kuma?+ Bua bubi bua badi basombelamu,Nyama ne nyunyi mbikombibue. Bualu mbambe ne: “Yeye kena umona tshiatufikila.”   Wewe mupungile mu dinyema ne bena ku makasa,Mmunyi muudi mua kutembangana lubilu ne tubalu?+ Nansha wewe ne muoyo mukole mu buloba bua ditalala,Newenze tshinyi munkatshi mua bipuka bishitakane bidi ku muelelu kua Yadene?   Bualu nansha bana benu, ba mu nzubu wa tatuebe mene,Mbakuenzele malu ne tshitungu.+ Mbakuelele lubila lukole. Kubeyemenyi nansha,Nansha bobu bakuambila malu mimpe.   “Ndi mulekele nzubu wanyi;+ ndi mushiye bumpianyi buanyi.+ Ndi mufile munanga wanyi wa pa muoyo* mu tshianza tshia bena lukuna bende.+   Bumpianyi buanyi mbulue kundi bu ntambue muitu. Mmukungule umfunyina. Nunku ndi mulue kumukina.   Bumpianyi buanyi budi kundi bu nyunyi wa mekala mekala* utu udia minyinyi;Nyunyi mikuabu itu idia minyinyi idi ibunyunguluka, ibubunda.+ Luayi, disangishayi pamue, nuenu nyama yonso ya mu mpata,Luayi nudie.+ 10  Balami ba mikoko ba bungi mbanyangakaje budimi buanyi bua tumuma tua mvinyo;+Mbadiatakaje tshitupa tshianyi tshia buloba.+ Mbavuije tshitupa tshianyi tshimpe tshia buloba tshipela tshidi munda mutupu. 11  Ntshilue buloba buatuke. Ntshifubidile;*Ntshishale munda mutupu kumpala kuanyi.+ Buloba bujima mbuvuijibue muaba mutupu,Kadi muntu nansha umue kena uteka bualu ebu ku muoyo.+ 12  Babutudi mbaluile mu tujila tuonso tubotesha tua mu tshipela,Bualu muele wa mvita wa Yehowa udi ubutula kumbukila ku ditengu dimue dia ditunga too ne ku dikuabu.+ Kakuena ditalala bua muntu* nansha umue. 13  Mbakune ntete ya blé, kadi mbanowe mêba.+ Mbadizengeje, kadi bua tshianana. Nebafue bundu bua mamuma abuBua bualu bua tshiji tshikole tshia Yehowa.” 14  Mona tshidi Yehowa wamba bua bena mutumba banyi bonso babi badi balenga bumpianyi bumvua muenze bua bantu banyi bena Isalele bapete:+ “Mona ndi mbajomona mu buloba buabu,+ ne nenjomone nzubu wa Yuda munkatshi muabu. 15  Kadi pangikala mubajomone, nembumvuile kabidi luse ne nempingaje yonso wa kudibu mu bumpianyi buende ne mu buloba buende.” 16  “Nunku bobu badienzeje bua kulonga njila ya bantu banyi ne kuditshipa mu dîna dianyi ne: ‘Bushuwa bu mudi Yehowa ne muoyo!’ anu muvuabu balongeshe bantu banyi bua kuditshipa mu dîna dia Bâla, nunku nebajadikibue munkatshi mua bantu banyi. 17  Kadi bobu babenge kutumikila, meme panyi nenjomone tshisamba atshi, ntshijomona ne ntshibutula,” ke mudi Yehowa wamba.+

Note

Anyi “mudibu badiumvua munda muabu menemene.” Ku mua.: “tuonyi.”
Anyi “munanga wa anyima wanyi.”
Anyi “matoba matoba.”
Anyi pamuapa: “Tshidi tshidila.”
Ku mua.: “musunyi.”