Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Yelemiya 10:1-25

MALU ADI MU MUKANDA EU

  • Nzambi ya bisamba ne Nzambi wa muoyo (1-16)

  • Dibutuka ne dikuatshibua ku babende didi pabuipi (17, 18)

  • Yelemiya udi unyingalala (19-22)

  • Disambila dia muprofete (23-25)

    • Muntu kena mua kuludika dikasa diende (23)

10  Telejayi dîyi didi Yehowa muambe bua bualu buenu, nuenu ba mu nzubu wa Isalele.  Mona tshidi Yehowa wamba: “Kanulongi njila wa bisamba bikuabu,+Ne bimanyinu bia mu diulu kabinutshinyishiBualu bidi bitshinyisha bisamba.+   Bualu bilele bia bukua bantu bidi tshidingishilu.* Bidi anu mutshi wa muitu udibu bakose,Muenza kudi bianza bia nsenda ne tshiamu tshiende tshia mudimu.*+   Badi bawulengeja ne arjan ne or+Ne badi bawukolesha ne nyindu ne misonso bua kawukuluki.+   Bu tshintu tshia kutshinyisha natshi nyunyi mu budimi bua konkombre, kayena mua kuakula;+Badi ne bua kuyambula, bualu kayena mua kuenda.+ Kuyitshinyi bualu kayena mua kuenzelangana bibi,Kayena mua kuenza bualu buimpe nansha bumue.”+   Kakuena udi bu wewe, Yehowa.+ Wewe udi munene, ne dîna diebe ndinene ne dia bukole.   Nnganyi udi kayi mua kukutshina, wewe Mukalenge wa bisamba,+ bualu mbikumbane;Bualu munkatshi mua bena meji bonso ba bisamba ne munkatshi mua makalenge abu onso,Kamuena muntu nansha umue udi bu wewe+ to.   Buonso buabu kabena ne meji ne mbatatakane.+ Dilongesha didi difumina ku mutshi didi tshidingishilu* menemene.+   Bitata bia arjan mbifuma nabi ku Tâshishi+ ne or mmufuma nende ku Ufaza,Mudimu wa nsenda, wa bianza bia mufudi wa biamu. Bilamba biayi mbia buanda bua dikala dia ble ne buanda bukunzubile bua miosa ya mikoko. Buonso buayi mmienza kudi benji ba mudimu bapiluke. 10  Kadi Yehowa udi Nzambi bulelela. Yeye udi Nzambi wa muoyo+ ne Mukalenge wa tshiendelele.+ Bua difiika diende dia munda, buloba nebuka-nke,+Ne kakuena tshisamba tshiakandamana kumpala kua tshiji tshiende. 11  * Mona tshiudi ne bua kubambila: “Nzambi ivua kayiyi mienze diulu ne bulobaNeyijimine pa buloba ne muinshi mua diulu edi.”+ 12  Yeye udi Mufuki wa buloba ku bukole buende,Yeye uvua mujadike buloba budi bumenesha bintu ku meji ende+Ne uvua mubalule diulu ku lungenyi luende.+ 13  Padiye upatula dîyi diende,Mâyi a mu diulu adi enza mutoyi,+Ne udi ubandisha matutu* afumina ku ntengu ya buloba.+ Udi wenzela mvula mipenyi,*Ne udi upatula lupepele mu miaba yende ya dilamina bintu.+ 14  Muntu yonso udi wenza malu kayi wela meji ne kayi ne dimanya. Mufudi wa biamu yonso neafuishibue bundu bua lupingu lusonga;+Bualu lupingu luende lua tshiamu* ludi tshintu tshia dishima,Ne munda muayi kamuena nyuma.*+ 15  Yoyi yidi tshidingishilu,* mudimu wa kuseka.+ Padi dituku dia dilumbuluishibua diayi dilua, neyijimine. 16  Nzambi wa* Yakoba kena bu bintu ebi,Bualu yeye ke uvua muenze bintu bionso,Ne Isalele udi dikombo dia bumpianyi buende.+ Yehowa wa biluilu ke dîna diende.+ 17  Angula mabuki ebe panshi,Wewe mukaji udi musombele muaba mutshintshimika. 18  Bualu, mona tshidi Yehowa wamba: “Mona, pa dîba edi, ndi nkupa* bantu badi basombele mu buloba ebu pambelu,+Ne nengenze bua bapete dikenga.” 19  Diakabi dianyi bua ditshibuka dianyi!+ Mputa wanyi kena mua kuondopibua. Ne ngakamba ne: “Bushuwa edi ndisama dianyi, ndi ne bua kuditaba. 20  Ntenta wanyi mmunyangakaja, ne nshinga yanyi ya ntenta yonso mmikosa.+ Bana banyi mbanshiye, ne kabenaku kabidi.+ Kakuena muntu nansha umue udi mushale bua kungoluela ntenta wanyi anyi kuimanyika bilamba bianyi bia ntenta to. 21  Bualu balami ba mikoko mbenze malu kabayi ne meji,+Ne ki mbebeje Yehowa bualu.+ Ke bualu kayi ki mbenze malu ne busunguluji to,Ne bisumbu biabu bia mikoko bionso mbitangalaja.”+ 22  Teleja, lumu! Ludi lulua! Mukuma mukole ufumina mu buloba bua ku nord,+Bua kushiya bimenga bia Yuda munda mutupu, muaba wa kusombela wa mibuabua.+ 23  Yehowa wanyi, ndi mumanye bimpe ne: njila wa muntu kena mu bianza biende to. Muntu udi wenda eu kena ne bukokeshi bua kuludika nansha dikasa diende to.+ 24  Yehowa wanyi, umbele ne dilumbuluisha,Kadi kumbedi mu tshiji tshiebe,+ bua kulu kumvuija tshintu tshianana.+ 25  Pongolola tshiji tshiebe tshikole pa bisamba bidi bibenga kukuitaba+Ne pa mêku adi kaayi abila dîna diebe. Bualu biobi mbidie Yakoba,+Eyowa, mbimudie biamba kumubutula,+Ne mbishiye buloba buende munda mutupu.+

Note

Anyi “patupu.”
Anyi “kasuyi.”
Anyi “patupu.”
Mvese wa 11 uvua mufunda kumpala mu tshiena Alama.
Anyi “dibungi.”
Anyi pamuapa: “njila.”
Anyi “tshiamu tshiengulula.”
Anyi “mupuya.”
Anyi “patupu.”
Ku mua.: “Tshitupa tshia.”
Anyi “nkupa bu ne ndundu wa kukupa nende mabue.”