Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Obadaya 1:1-21

MALU ADI MU MUKANDA EU

  • Edome muena lutambishi udi ne bua kupuekeshibua (1-9)

  • Tshikisu tshia Edome kudi Yakoba (10-14)

  • Dituku dia Yehowa bua bisamba bionso (15, 16)

  • Badi ne bua kupingaja kabidi nzubu wa Yakoba (17-21)

    • Badi ne bua kuosha Edome kudi Yakoba (18)

    • Bukalenge nebulue bua Yehowa (21)

 Tshikena kumona tshia Obadaya:* Mona tshidi Mukalenge Mutambe Bunene Yehowa wamba bua Edome:+ “Tudi bumvue lumu lufumina kudi Yehowa,Mbatume mutumibue munkatshi mua bisamba wamba ne: ‘Jukayi, tudilongololayi bua kuluangana nende.’”+   “Mona! Ndi mukuvuije mukese munkatshi mua bisamba;Wewe udi mupetudibue bikole menemene.+   Dikamakama dia muoyo webe ndikushime,+Wewe udi musombele mu miaba ya kusokomena ya ku mukuna wa dibue,Musombele muaba mutumbuke, wamba mu muoyo webe ne:‘Nnganyi wampuekesha panshi pa buloba?’   Nansha wewe mubandishe tshisombelu tshiebe muulu mule* bu nyunyi wa mukanku,Anyi wewe muteke disua diebe munkatshi mua mitoto,Muomu amu nenkupuekeshe panshi,” ke mudi Yehowa wamba.   “Bivi bobu bakuluile, banyengianganyi ba bintu bakuluile butuku,(Udi mua kubutudibua bibi be!)* Kabakuiba anu bidibu basue anyi? Peshi pikala badi balua kuudi bikale bapodi ba tumuma tua mvinyo,Kabakushiyaku ndambu wa tumuma tua kupumbulula panyima anyi?+   Kaah, ke mudibu bakalakase Esau nunku! Ke mudibu bakebe biuma biende bisokoka nunku!   Mbaye nebe too ne ku mukalu. Bakuatshishi bebe bonso* mbakushime. Bantu bavua nebe mu ditalala mbakupite bukole. Badi badia nebe biakudia nebakuelele bukondo muinshi muebe,Kadi wewe kuakujingulula bualu ebu to.   Dituku adi,” ke mudi Yehowa wamba,“Tshiakubutula bena meji mu Edome+Ne dijingulula dia malu mu buloba bua mikuna bua Esau anyi?   Wewe Temana,+ bena mvita bebe nebakuatshike buôwa,+Bualu muntu ne muntu neabutudibue mu dishipangana mu buloba bua mikuna bua Esau.+ 10  Bua malu a tshikisu auvua muenzele muanenu Yakoba,+Bundu nebukukuate,+Ne wewe neujimine kashidi.+ 11  Dituku diuvua muimane pa bule ku luseke,Dituku divua benyi bakuate tshiluilu tshiende,+Divua bantu ba ku babende babuele mu tshiibi tshiende ne bele nshobo+ bua Yelushalema,Wewe wakenza malu bu umue wa kudibu. 12  Kuena ne bua kutua tshianga bua dituku dia muanenu dituku dia dikenga diende,+Kuena ne bua kusanka bua bantu ba Yuda mu dituku dia dijimina diabu,+Ne kuena ne bua kuakula ne diambu dituku dia lutatu luabu to. 13  Kuena ne bua kubuela mu tshiibi tshia bantu banyi dituku dia tshipupu tshiabu,+Kuena ne bua kutua tshianga bua dikenga diende dituku dia tshipupu tshiende,Ne kuena ne bua kuteka bianza biebe pa bubanji buende dituku dia tshipupu tshiende+ to. 14  Kuena ne bua kuimana mu masangu a njila bua kushipa bantu bende badi bapanduke,+Ne kuena ne bua kufila bantu bende badi bashale ne muoyo mu bianza bia baluishi babu dituku dia dikenga+ to. 15  Bualu dituku dia Yehowa bua kuluisha bisamba bionso didi pabuipi.+ Anu muudi muenze ke muakuenzelabu pebe.+ Malu auvua muenzele bakuabu neakupinganyine pa mutu pebe. 16  Bualu anu bu munuvua banuine pa mukuna wanyi wa tshijila,Ke muatungunuka bisamba bionso ne kunua misangu yonso.+ Nebanue ne nebamine lubilu lubilu,Ne nebikale anu bu bantu bavua kabayi banji kuikalaku. 17  Kadi pa mukuna wa Siona nepikale bantu badi bapanduka,+Ne wowu newikale wa tshijila;+Ne nzubu wa Yakoba neangate bintu biabu.+ 18  Nzubu wa Yakoba nealue kapia,Nzubu wa Jozefe ludimi lua kapia,Ne nzubu wa Esau bu nsona;Nebabatue kapia ne nebaboshe,Ne kakuakuikala bantu ba mu nzubu wa Esau bashala ne muoyo to,+Bualu Yehowa nkayende mmuakule. 19  Nebangate Negebe ne buloba bua mikuna bua Esau,+Ne Shefela ne buloba bua bena Peleshete.+ Nebangate mpata wa Efelayima ne mpata wa Samalea,+Ne Benyamina neangate Gilada. 20  Bantu badibu baye nabu ku babende ba tshibumba tshikole etshi,*+Bantu ba Isalele, buloba bua bena Kanâna too ne ku Salefata nebuikale buabu.+ Ne bantu ba mu Yelushalema badibu baye nabu ku babende bavua mu Sefalada nebangate bimenga bia Negebe.+ 21  Nunku bapandishi nebabande ku mukuna wa SionaBua kulumbuluisha buloba bua mikuna bua Esau,+Ne bukalenge nebulue bua Yehowa.”+

Note

Diumvuija: “Muena mudimu wa Yehowa.”
Anyi pamuapa: “wewe mubuke muulu mule.”
Anyi pamuapa: “Mbintu bungi kayi biabutulabu?”
Anyi “Badi badie nebe tshipungidi.”
Anyi “tshipaka etshi.”