Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Nsumuinu 6:1-35

MALU ADI MU MUKANDA EU

  • Dimukila difidilangana tshieya bua tshintu tshisomba (1-5)

  • “Ndaku kudi kankenene, wewe muena lulengu” (6-11)

  • Muntu mubi wa tshianana (12-15)

  • Malu muanda mutekete adi Yehowa ukina (16-19)

  • Dilama kudi mukaji mubi (20-35)

6  Muananyi, wewe mueyeke tshieya* bua muinebe,+Wewe muoluele muenyi tshianza bua kupunga nende dîyi,*+   Wewe mukuatshike mu buteyi bua dilaya diebe,Mukuatshibue ku mêyi a mukana muebe,+   Muananyi, enza nunku, udisungile,Bualu udi mukuluke mu tshianza tshia muinebe: Ndaku, udipuekeshe ne usengelele muinebe ne disuminyina.+   Kuitabi bua mêsu ebe alale,Anyi bua bilafinyi biebe bibungile to.   Disungila bu kabuluku mu tshianza tshia tshilembi,Bu nyunyi mu tshianza tshia tshilembi tshia nyunyi.   Ndaku kudi kankenene, wewe muena lulengu;+Utangile njila yaku ne ulue muena meji.   Nansha mudiku kakayi nemulombodi, mutangidi, anyi mfumu,   Kadi kalongolola biakudia biaku mu muvu wa luya lukole,*+Ne kasangisha biakudia biaku mu tshikondo tshia dinowa.   Wewe muena lulengu, neulale muaba au too ne dîba kayi? Ndîba kayi diwajuka ku tulu tuebe? 10  Kulala ndambu, kubungila ndambu,Kuvunga bianza ndambu bua kuikisha,+ 11  Nunku, bupele buebe nebulue anu bu munyengianganyi wa bintu,Ne dikenguluka diebe dia bintu nedilue bu muntu muambule bia mvita.+ 12  Muntu mubi wa tshianana udi utambakana ne ngakuilu mukonyangale;+ 13  Yeye udi uvinya dîsu diende,+ ulejangana malu ne dikasa diende, ne ulejangana malu ne minu yende. 14  Muikale ne muoyo munyanguke,Yeye udi misangu yonso ulukakaja meji mabi+ ne uvudija matandu.+ 15  Nunku, dikenga diende nedilue mu tshimpitshimpi;Mu mutantshi mukese nebamutshibule kakuyi mushindu wa kuondopibuaye.+ 16  Kudi malu asambombo adi Yehowa mukine;Eyowa, malu muanda mutekete adiye* kayi wanyisha: 17  Mêsu a didibandisha,+ ludimi ludi ludinga,+ ne bianza bidi biela mashi adi kaayi ne bualu panshi,+ 18  Muoyo udi upangadija malu mabi,+ ne makasa adi aya lubilu ku malu mabi, 19  Ntemu wa dishima udi ushima anu kushima,+Ne muntu yonso udi ujudija matandu munkatshi mua bana ba muntu.+ 20  Muananyi, tumikila dîyi dia tatuebe,Ne kulekedi dilongesha* dia mamuebe.+ 21  Ubisuike ku muoyo webe misangu yonso;Ubijingile mu nshingu muebe. 22  Paudi wendakana, nedikulombole;Paudi ulala, nedishale dikulame;Ne paudi ubika, nediakule nebe.* 23  Bualu dîyi didi muendu,+Ne mukenji udi butoke,+Ne mibelu ya dinyoka idi njila wa ku muoyo.+ 24  Biobi nebikuepule kudi mukaji mubi,+Ku ludimi lua mukaji wa masandi* ludi lusesuisha.+ 25  Kujingi bulengele buende mu muoyo webe+Anyi kumulekedi ukukoka ne mêsu ende a ntekesha, 26  Bualu, bua mukaji wa ndumba, muntu udi uvuijibua tshipese tshia diampa,+Kadi mukaji wa muntu mukuabu udi ulemba muoyo* wa mushinga mukole. 27  Muntu udiku mua kukunguija kapia mu tshiadi tshiende, kayi wosha bilamba biende anyi?+ 28  Peshi muntu udiku mua kuendela pa makala a kapia kayi woshika makasa ende anyi? 29  Bidi muomumue ne muntu udi ulala ne mukaji wa muinende;Muntu yonso udi umulenga kakupanga kupeta dinyoka.+ 30  Bantu kabena bapetula muiviYeye muibe bua kukuta* padiye ne nzala. 31  Kadi, padibu bamukuata, yeye neafute misangu muanda mutekete;Yeye neafile bintu bionso bia mushinga bia mu nzubu muende.+ 32  Muntu udi wenda masandi ne mukaji mmupangile lungenyi lujalame;*Muntu udi wenza nunku udi udikebela* kabutu.+ 33  Neapete anu mputa ne dipuekeshibua dia milongo,+Ne bundu buende kabuakujimijibua to.+ 34  Bualu mukawu udi ujula mulume luonji;Kakuleja luse padiye udisombuela.+ 35  Kakuitaba bua bamufute tshintu* nansha;Kakutukija nansha wewe mumupeshe dipa bunene kayi.

Note

Ku mua.: “mudieyeke.”
Mmumue ne: “dilaya.”
Anyi “été.
Anyi “bidi anyima wende.”
Anyi “mukenji.”
Anyi “nedikulongeshe.”
Ku mua.: “wa ku babende.” Tang. Nsu 2:16.
Anyi “anyima.”
Anyi “kukutshisha anyima wende.”
Ku mua.: “kena ne muoyo wa munda.”
Anyi “ukebela anyima wende.”
Anyi “tshia kupikula natshi.”