Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Nsumuinu 31:1-31

MALU ADI MU MUKANDA EU

  • MÊYI A MUKALENGE LEMUELE (1-31)

    • Nnganyi udi mua kupeta mukaji wa tshitembu? (10)

    • Udi ne tshisumi ne wenza mudimu mukole (17)

    • Buimpe budi pa ludimi luende (26)

    • Bana ne bayende badi bamutumbisha (28)

    • Bulengele ne buimpe bua mpala mbia tshitupa tshîpi (30)

31  Mêyi a mukalenge Lemuele, mukenji wa bujitu uvua mamuende mufile bua kumulongesha:+   Nkuambile tshinyi, wewe muananyi wa balume,Nkuambile tshinyi, wewe muana wa munda muanyi,Nkuambile tshinyi, wewe muana wa mitshipu yanyi?+   Kufidi bukole buebe kudi bakaji,+Anyi kulondi njila idi ibutula bakalenge.+   Lemuele wanyi, ki mbikumbane bua bakalenge,Ki mbikumbane bua bakalenge kunuabu mvinyoAnyi bua bamfumu kuamba ne: “Maluvu anyi adi penyi?”+   Bua bobu kabanu ne balua kupua mikenji muoyoNe kunyanga manême a bapuekele.   Pesha bantu badi bakeba kufua maluvu makole+Ne pesha badi ne kanyinganyinga kakole* mvinyo.+   Banue ne bapue bupele buabu muoyo;Kabavuluki kabidi ntatu yabu nansha.   Akuila bantu badi kabayi mua kuakula;Akula bua manême a bonso badi bajimina.+   Akuila bantu ne lumbuluisha ne buakane;Akula bua manême* a bapuekele ne bapele.+ א [Alefe] 10  Udi mua kupeta mukaji wa tshitembu* nnganyi?+ Mushinga wende ngua bungi kupita wa mabue a koraye.* ב [Bete] 11  Bayende udi umueyemena ne muoyo mujima,Ne yeye kena upangila tshintu nansha tshimue tshia mushinga. ג [Gimele] 12  Yeye udi ufuta bayende malu mimpe, kena umufuta malu mabi,Matuku onso a muoyo wende. ד [Dalete] 13  Udi upeta miosa ya mikoko ne line;Udi usanka bua kuenza mudimu ne bianza biende.+ ה [He] 14  Yeye udi bu mazuwa a ngenda mushinga,+Ulua ne biakudia biende ufuma nabi kule. ו [Waw] 15  Yeye udi ujuka patshidi panshi pafiike,Upesha ba mu nzubu muende biakudiaNe upesha bena mudimu bende bakaji biabu bitupa.+ ז [Zayine] 16  Udi utuma meji ende ku budimi ne udi ubusumba;Udi udima budimi bua tumuma tua mvinyo ku midimu yende mikole.* ח [Hete] 17  Udi udilongolola bua kuenza mudimu mukole,*+Ne udi ukolesha maboko ende. ט [Tete] 18  Udi umona ne: mushinga wende udi ne makasa;Muendu wende kawena ujima butuku. י [Yode] 19  Bianza biende bidi bikuata tshinu tshia buanda,Bianza biende bidi bikuata lusambu.*+ כ [Kafe] 20  Yeye udi woluela mupuekele tshianza tshiende,Ne udi ubuluila bapele bianza biende.+ ל [Lamede] 21  Kena ne buôwa bua neje bua ba mu nzubu muende,Bualu ba mu nzubu muende bonso mbavuale bilamba bidi bifila luya.* מ [Meme] 22  Udi udienzela bilamba biende bia pa bulalu. Bilamba biende mbia line ne miosa mikunzubile ya mikoko. נ [Nune] 23  Bayende mmumanyike bimpe ku biibi bia tshimenga,+Muaba udiye usomba munkatshi mua bakulu ba mu ditunga. ס [Sameke] 24  Udi wenza bilamba bia line,* ubipanaNe udi usumbisha bangenda mushinga mikaba. ע [Ayine] 25  Mmuvuale bukole ne butumbi,Ne udi wela meji bua matuku atshilualua muikale ne muoyo mukole.* פ [Pe] 26  Udi ubulula mukana muende ne meji;+Mukenji wa buimpe* udi pa ludimi luende. צ [Tesade] 27  Udi utangila mudimu wa ba mu nzubu muende,Ne kena udia biakudia bia bufuba.+ ק [Kofe] 28  Bana bende badi bajuka ne bamujingila diakalenga;Bayende udi ujuka, udi umutumbisha. ר [Leshe] 29  Kudi bakaji ba tshitembu* ba bungi,Kadi wewe, wewe udi mubapite buonso buabu. ש [Shine] 30  Bulengele budi mua kudinga, ne buimpe bua mpala budi mua kuikala bua tshitupa tshîpi,*+Kadi mukaji udi utshina Yehowa neatumbishibue.+ ת [Taw] 31  Umupeshe difutu dia bidiye wenza,*+Ne midimu yende imutumbishe ku biibi bia tshimenga.+

Note

Anyi “badi ne anyima udi unyingalala bikole.”
Anyi “Lumbuluila.”
Anyi “udi mukumbane.”
Tang. Diumv.
Anyi “ne bintu bivuaye mupete.” Ku mua.: “ku tshipeta tshia mudimu wa bianza biende.”
Ku mua.: “udi usuika bukole mu tshimono tshiende.”
Tshinu tshia buanda ne lusambu mbintu bivuabu benza nabi mudimu bua kutela anyi kuluka manda ne nshinga.
Ku mua.: “bibidi bibidi,”
Anyi “bilamba bia muinshi.”
Anyi “udi useka dituku dilualua.”
Anyi “Dilongesha dia dinanga; Mukenji wa dinanga dia lulamatu.”
Anyi “badi bakumbane.”
Anyi “tshianana.”
Ku mua.: “Umupeshe tshia ku mamuma a bianza biende.”