Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Nsumuinu 28:1-28

MALU ADI MU MUKANDA EU

  • Disambila dia muntu udi ubenga kuteleja didi tshintu tshibi (9)

  • Luse luleja muntu udi utonda mpekatu (13)

  • Kakuena bubanji bua lukasa budi kabuyi ne tshilumbu (20)

  • Mubelu mmuimpe kupita kulabidilangana (23)

  • Muena tshipapayi kena upangila tshintu (27)

28  Bantu babi badi banyema kakuyi muntu udi ubipata,Kadi bantu bakane badi ne muoyo mukole bu ntambue.*+   Padiku dishipa dia mikenji* mu ditunga, nedikale ne mukokeshi upingana pa muaba wa mukuabu,+Kadi ku diambuluisha dia muntu udi ne dijingulula dia malu ne dimanya, mukokeshi* neanenge bikole.+   Muntu mupele udi ushimakaja muntu mupuekele bua kumudia bintu+Udi bu mvula udi ukomba biakudia bionso.   Bantu badi balekela mukenji badi batumbisha muntu mubi,Kadi bantu badi batumikila mukenji badi babafiikila munda.+   Bantu babi kabena bajingulula kulumbuluisha kuakane to,Kadi bantu badi bakeba Yehowa badi bajingulula malu onso.+   Mupele udi wenda mu muoyo wende mutoke mmuimpeMupite muntu mubanji udi njila yende minyanguke.+   Muana wa lungenyi udi utumikila mukenji,Kadi mulunda wa badiavi udi ufuisha tatuende bundu.+   Muntu udi uvudija bubanji buende ku tshia kasombela+ ne ku dilomba makasa mapite bungiUdi ubunguijila muntu udi uleja bapele luse.+   Muntu udi ubenga kuteleja mukenji,Nansha disambila diende didi tshintu tshibi.+ 10  Muntu udi upambuisha bantu bakane bua balonde njila mubi neakuluke mu dijimba diende,+Kadi badi kabayi mua kubandibua nebapiane tshintu tshimpe.+ 11  Muntu mubanji mmuena meji ku mêsu kuende yeye,+Kadi muntu mupele udi ne dijingulula dia malu udi mua kumumanya tshidiye.+ 12  Padi bantu bakane batshimuna, kudi butumbi bunene,Kadi padi bantu babi bapeta bukokeshi, bantu badi basokoma.+ 13  Muntu udi usokoka matomboka ende kakupeta diakalenga to,+Kadi muntu udi uatonda ne ualekela nebamufuile luse.+ 14  Muntu udi mudimuke misangu yonso* ngua diakalenga,Kadi muntu udi upapisha muoyo wende neakuluke mu dikenga.+ 15  Bu ntambue udi ukungula ne nyama wa urse udi udiela bua kukuata tshintuKe mudi mfumu mubi ku mutu kua bantu badi kabayi ne wa kubasungila.+ 16  Mulombodi udi kayi ne dijingulula dia malu udi unyanga malu ne bukokeshi buende,+Kadi muntu udi ukina bintu bipetela mu njila mubi nealepeshe matuku a muoyo wende.+ 17  Muntu udi ne bujitu bua dibanza dia mashi bua mudiye muangate muoyo wa muntu* neatungunuke ne kunyema too ne mu lukita.*+ Muntu kamuambuluishi to. 18  Muntu udi wenda kayi kalema neapandishibue,+Kadi muntu udi njila yende mikonyangale neakuluke diakamue.+ 19  Muntu udi udima buloba buende neikale ne biakudia bia bungi,Kadi muntu udi wipatshila malu a patupu neikale ne bupele bua bungi.+ 20  Muena lulamatu neapete mabenesha a bungi,+Kadi muntu udi ufuila bua kupeta bubanji kakupanga kupeta tshilumbu to.+ 21  Ki mbimpe kuleja kansungansunga to;+Kadi muntu udi mua kuenza bualu bubi bua tshipese tshia diampa. 22  Muntu udi walakana* udi ne muoyo kuulu kuulu bua kupeta bubanji,Kayi mumanye ne: bupele nebumukuate. 23  Muntu udi ubela mukuabu+ nealue kuanyishibua bikole pashishe+Kupita muntu udi ulabidilangana ne ludimi luende. 24  Muntu udi wiba tatuende ne mamuende bintu, ne wamba ne: “Ki mbibi to,”+ Mmuena dia muntu udi ukebesha kabutu.+ 25  Muntu muena lukuka* udi ujudija matandu,Kadi muntu udi weyemena Yehowa neatante.*+ 26  Muntu udi weyemena muoyo wende mmutatakane,+Kadi muntu udi wenda ne meji neasungidibue.+ 27  Muntu udi upesha bapele bintu kakupangila tshintu,+Kadi muntu udi ubuikila mêsu ende kudibu neapete milawu ya bungi. 28  Padi bantu babi bapeta bukokeshi, muntu udi usokoma,Kadi padibu bajimina, bantu bakane badi bavula.+

Note

Anyi “muana wa ntambue.”
Anyi “ditomboka.”
Ku mua.: “yeye.”
Anyi “udi ne ditshina misangu yonso.”
Anyi “ne mashi a anyima.”
Anyi “dijimba.”
Anyi “Muena lukuka.”
Anyi pamuapa: “Anyima wa diambu.”
Ku mua.: “neadiundishibue.”