Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Nsumuinu 25:1-28

MALU ADI MU MUKANDA EU

  • Dilama malu masokoka (9)

  • Mêyi masungula bimpe (11)

  • Kunemeka nsombelu wa bakuabu (17)

  • Kukungija makala pa mutu wa muluishi (21, 22)

  • Lumu luimpe ludi bu mâyi matalale (25)

25  Eyi kabidi nnsumuinu ya Solomo,+ ivua bantu ba Hezikiya+ mukalenge wa Yuda bafundulule:*   Butumbi bua Nzambi nkulama bualu busokoka,+Ne butumbi bua bakalenge nkukonkonona bualu bimpe bimpe.   Anu mudi diulu ditumbuke ne buloba buye ndondo,Ke mudi muoyo wa bakalenge kawuyi kukonkonona.   Umbusha manyanu ku tshiamu tshia arjan,Ne tshiotshi netshipatuke tshilengeja bimpe.+   Umbusha muntu mubi kumpala kua mukalenge,Ne nkuasa wende wa bumfumu neajadikibue bikole mu buakane.+   Kuditumbishi nkayebe kumpala kua mukalenge,+Ne kusombi munkatshi mua bantu banene,+   Bualu mbimpe yeye akuambile ne: “Banda kuneku,” Pamutu pa yeye kukupuekesha milongo kumpala kua muntu munene.+   Kuyi ne lukasa ku tshilumbu,Bualu, ntshinyi tshiwenza palua muinebe kukupuekesha milongo?+   Lumbulula tshilumbu tshiebe ne muinebe,+Kadi kusokolodi malu avuabu bakuambile mu musokoko to,*+ 10  Bua muntu udi uteleja kalu kukufuisha bundu;Ne wewe uvua mutangalaje lumu lubi* ludi kaluyi mua kualukila. 11  Bu bimuma bia pome bia or mu bitekelu bia arjanKe mudi dîyi diamba mu tshikondo tshiakane.+ 12  Bu kakanu ka or ka ku ditshi ne tshilengejilu tshia or muimpeKe mudi mufidi wa mibelu wa meji kudi ditshi didi diteleja.+ 13  Anu bu mashika a neje mu dituku dia dinowaKe mudi mutuadi wa mukenji wa lulamatu kudi muntu udi mumutume,Bualu yeye udi ukolesha mfumuende.*+ 14  Bu matutu ne lupepele bidi kabiyi bikebesha mvulaKe mudi muntu udi uditumbisha bua dipa didiye katshia kayi muanji kufila.*+ 15  Ku lutulu badi batekesha muoyo wa mfumu,Ne ludimi lua bupole* ludi mua kutshibula mufuba.+ 16  Wewe mupete buitshi, diaku anu buudi nabu dijinga,Bualu wewe mudie bupite bungi, udi mua kubuluka.+ 17  Diata dikasa diebe mu nzubu mua muinebe anu ku misangu,Bua yeye kakutshioki ne kakukinyi. 18  Bu tshibonge tshia mvita ne muele wa mvita ne mukete musakishaKe mudi muntu udi ufidila muinende bumanyishi bua dishima.+ 19  Mudi dînu didi dikoseke anyi dikasa didi ditebukaKe mudi kueyemena muntu udi kayi wa kueyemena* mu bikondo bia ntatu. 20  Bu muntu udi uvula tshilamba dituku dia mashikaNe bu mvinyo wa buanji mupongoluela pa shota*Ke mudi muntu udi wimbila muoyo wa kanyinganyinga misambu.+ 21  Muena lukuna webe* yeye ne nzala, mupesha biakudia;Yeye ne nyota, mupesha mâyi a kunua,+ 22  Bualu wewe newikale umunguijila makala a kapia pa mutu wende,*+Ne Yehowa neakufute. 23  Lupepele lua ku nord ludi lukebesha mvula,Ne ludimi lua bijanu ludi lukebesha mpala wa luonji.+ 24  Mbimpe kusombela pa ditumba dia musaka wa nzubuPamutu pa kusombela mu nzubu umue ne mukaji muena matandu.*+ 25  Bu mâyi matalale pa anyima* mutshiokeKe mudi lumu luimpe ludi lufumina ku buloba bua kule.+ 26  Bu mushimi wa bitotshi ne tshina tshia mâyi tshinyangukeKe mudi muntu muakane udi uteketa kumpala kua* muntu mubi. 27  Ki mbimpe kudia buitshi bupite bungi to,+Nansha kudikebela butumbi kakuena ne butumbi to.+ 28  Bu tshimenga tshidibu bupule, katshiyi ne tshimanu,Ke mudi muntu udi kayi mua kukanda tshilunji tshiende.*+

Note

Anyi “batentule ne basangishe.”
Anyi “malu masokoka a bakuabu.”
Anyi “biambamba bia muoyo mubi.”
Anyi “anyima wa mfumuende.”
Ku mua.: “dipa dia dishima.”
Anyi “lutekete.”
Anyi pamuapa: “muena tshitungu.”
Anyi “buanga bua nsabanga.”
Ku mua.: “Muntu udi mukukine.”
Mmumue ne: kutekesha muntu ne kuengulula malu makole ende.
Anyi “lunsuya.”
Tang. Diumv.
Anyi “upunga dîyi ne.” Ku mua.: “utetuka kumpala kua.”
Anyi “udi kayi mua kukanda lungenyi luende.”