Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Nsumuinu 23:1-35

MALU ADI MU MUKANDA EU

  • Ikala ne budimu paudi witaba dibikila (2)

  • Kulondakaji bubanji (4)

  • Biuma bidi mua kukubuuka (5)

  • Kuikadi munkatshi mua bakanuayi (20)

  • Maluvu makole neasume bu nyoka (32)

23  Paudi usomba bua kudia ne mukalenge,Welangana meji bimpe a tshidi kumpala kuebe;   Teka kele mu diminu diebe*Biwikale udi ne mudi.*   Kujingi biakudia biende bishême ne muoyo mujima,Bualu mbiakudia bidi bidinga.   Kudisunsudi bua kupeta bubanji.+ Lekela ne leja muudi ne lungenyi.*   Paudi welaku mêsu ebe, kabuenaku,+Bualu mu bulelela, nebuase masala bu nyunyi wa mukanku, nebubuke muulu.+   Kudi biakudia bia muena bukonkoto to;*Kujingi biakudia biende bishême ne muoyo mujima,   Bualu yeye udi anu bu muntu udi wenda wenza makumi.* Udi ukuambila ne: “Diaku, nuaku,” kadi ki ntshidiye musue kuamba* to.   Neuluke tupese tua biakudia tuuvua mudieNe mêyi a disakidila neaye mu tshianana.   Kuakuidi mu matshi a muntu mutatakane,+Bualu yeye neapetule meji a mêyi ebe.+ 10  Kutentemunyi tshimanyinu tshia mukalu tshia kale+Peshi kukepeshi budimi bua bana badi bafuishe batatuabu. 11  Bualu Mubakuidi* udi ne bukole;Yeye neatue ku tshiabu bua kukupisha wewe.+ 12  Teka muoyo webe ku mubeluNe ditshi diebe ku mêyi a dimanya. 13  Kubengi bua kunyoka muana wa balume.*+ Wewe mumutute ne lukodi, kakufua to. 14  Udi ne bua kumututa ne lukodi,Bua kumupandisha* ku Lukita.* 15  Muananyi, muoyo webe wowu mupete meji,Nunku muoyo wanyi meme neusanke.+ 16  Munda muanyi* nemuikale ne disankaPadi mishiku yebe yakula malu makane. 17  Muoyo webe kawalakanyi benji ba mpekatu,+Kadi ikala ne ditshina dia Yehowa dituku dijima,+ 18  Nunku dîba adi newikale ne matuku atshilualua mimpe+Ne ditekemena diebe kadiakumbushibua to. 19  Teleja, muananyi, ulue muena meji,Ne lombola muoyo webe mu njila mululame. 20  Kuikadi munkatshi mua bantu badi banua mvinyo wa bungi,+Munkatshi mua bantu badi basukumina munyinyi,+ 21  Bualu mukuatshiki wa maluvu ne mudiavi nebabuele mu bupele,+Ne dibungila nedivuadike muntu mikusu. 22  Teleja tatuebe wakakulela,Ne kupetudi mamuebe anu bualu wakulakaji to.+ 23  Sumba* bulelela, kubupanyi nansha,+Sumba kabidi meji, ne mubelu ne dijingulula dia malu.+ 24  Tatuende wa muntu muakane neikale ne disanka bushuwa;Muntu udi ulela muana wa meji neasanke bua bualu buende. 25  Tatuebe ne mamuebe nebasanke,Ne mamu wakakulela neikale ne disanka. 26  Muananyi, mpesha muoyo webe,Ne mêsu ebe asanke bua njila yanyi.+ 27  Bualu mukaji wa ndumba udi dijimba dile,Ne mukaji wa masandi* udi tshina tshibumbakane.+ 28  Yeye udi walamina anu bu munyengianganyi wa bintu;+Udi uvudija bungi bua bantu balume badi kabayi ne lulamatu. 29  Nnganyi udi ne diakabi? Nnganyi udi ne kanyinganyinga? Nnganyi udi ne matandu? Nnganyi udi udilakana? Nnganyi udi ne mputa kakuyi bualu? Nnganyi udi ne mêsu matekete?* 30  Mbantu badi basomba mutantshi mule ku mvinyo;+Mbantu badi bakeba* mvinyo musambakaja. 31  Kutangidi bukunze bua mvinyoPadiye wengelela mu dikopo ne upueka bimpe bimpe, 32  Bualu ku ndekelu udi usuma bu nyoka,Ne udi upatula mulungu bu wa nyoka wa lulengu. 33  Mêsu ebe neamone bintu bia dikema,Ne muoyo webe newakule bintu bibi.+ 34  Nunku newikale bu muntu udi mulale munkatshi mua mbuu,Bu muntu udi mulale pa lusongo lua mutshi wa tshilamba tshitubu baludika natshi mazuwa. 35  Wewe newambe ne: “Mbankume, kadi tshivua mumvue.* Mbantute, kadi tshivua mumanye. Nembike dîba kayi?+ Ndi dijinga ne kunua kabidi.”*

Note

Anyi “Udikande.”
Anyi “anyima muwule tente ne dijinga.”
Anyi pamuapa: “Lekela lungenyi luebe.”
Anyi “muntu udi ne dîsu dibi.”
Anyi “udi wenda ubadika mu anyima wende.”
Ku mua.: “muoyo wende kawena nebe.”
Ku mua.: “Mubapikudi.”
Anyi “muana; nsonga.”
Anyi “kupandisha anyima wende.”
Anyi “Sheole,” mmumue ne: lukita lua bukua bantu buonso. Tang. Diumv.
Ku mua.: “Mu tuonyi tuanyi.”
Anyi “Peta.”
Ku mua.: “wa ku babende.” Tang. Nsu 2:16.
Anyi “makunze.”
Anyi “badi badisangisha bua kulabula.”
Anyi “kabivua binsame.”
Anyi “nemmukebe kabidi.”