Ndaku munda

Ndaku ku tshikebelu

Bantemu ba Yehowa

Sungula muakulu Tshiluba

Nsumuinu 22:1-29

MALU ADI MU MUKANDA EU

  • Dîna dimpe ndimpe kupita bubanji bua bungi (1)

  • Dilongesha dia ku buana didi dishala matuku onso a muoyo (6)

  • Muena lulengu udi utshina ntambue pambelu (13)

  • Dinyoka didi diumbusha butshimbakane (15)

  • Muenji wa mudimu mupiluke udi ukuatshila bakalenge mudimu (29)

22  Mbimpe kusungula dîna dimpe* pamutu pa bubanji bua bungi;+Kuikala munemekibue* nkuimpe kupita tshiamu tshia arjan ne tshia or.   Mubanji ne mupele badi ne bualu bua muomumue ebu:* Yehowa ke udi mubafuke bubidi buabu.+   Muntu mudimuke udi umona njiwu, udi usokoma,Kadi badi kabayi ne dimanya badi batungunuka ne kuyaku ne badi bakenga bua malu adi abakuata.*   Tshipeta tshia didipuekesha ne ditshina dia YehowaMbiuma ne butumbi ne muoyo.+   Mêba ne mateyi bidi mu njila wa muntu wa malu mabuelakane,Kadi muntu udi wangata muoyo* wende ne mushinga udi ubiepukila ku bule.+   Longesha muana wa balume* njila udiye ne bua kulonda;+Nansha padiye ukola kakumbukamu to.+   Muntu mubanji udi ukokesha bapele,Ne musombi wa bintu mmupika wa musombeshanganyi.+   Muntu udi ukuna malu adi kaayi makane neapuole dikenga,+Ne mulangala wa tshiji tshiende newutue ku ndekelu kuawu.+   Muena tshipapayi* neabeneshibue,Bualu yeye udi wabanyangana biakudia biende ne mupele.+ 10  Ipata muntu udi usekangana,Ne dikokangana nedijike;Matandu* ne bipendu nebikoseke. 11  Muntu udi munange muoyo mukezuke, udi ne mêyi malenga,Mukalenge neikale mulunda wende.+ 12  Mêsu a Yehowa adi alama dimanya,Kadi Yeye udi utonkola mêyi a batungidianganyi.+ 13  Muena lulengu udi wamba ne: “Ntambue udi pambelu! Nebanshipe munkatshinkatshi mua muaba wa tshinsangansanga!”+ 14  Mukana mua bakaji benzavi* ndijimba dile.+ Muntu udi Yehowa mupishe neakulukamu. 15  Butshimbakane mbusuikibue mu muoyo wa muana wa balume,*+Kadi lukodi lua dinyoka nelubumbushe lubutuma kule nende.+ 16  Muntu udi ushimakaja mupele, umudia bintu bua kuvudija bubanji buende+Ne muntu udi upesha mubanji mapa,Ndekelu wende neikale bupele. 17  Inyika ditshi diebe, teleja mêyi a bena meji,+Bua uteke muoyo webe ku dimanya dianyi,+ 18  Bualu ndisanka bua kualama munda muebe menemene,+Bua buonso buawu ikala pa mishiku yebe misangu yonso.+ 19  Bua wewe kueyemena Yehowa,Ndi nkupesha dimanya lelu. 20  Tshivuaku mumane kukufundila,Nkupesha lungenyi ne dimanya, 21  Bua kukulongesha mêyi malelela ne a kueyemena,Bua umone mua kupingana ne mulubu mujalame kudi muntu uvua mukutume anyi? 22  Kunyengi mupele bintu anu bualu mmupele,+Ne kuzaji muntu mupuekele mu tshiibi tshia tshimenga to,+ 23  Bualu Yehowa nkayende neabalumbuluile tshilumbu tshiabu+Ne yeye neangate muoyo* wa bantu badi babashimakaja bua kubadia bintu. 24  Kulamakanyanganyi ne muena tshiji tshia lukasa,Anyi kubuelakanyi ne muntu muena luonji, 25  Bua wewe kulongi njila yende nansha kakeseNe bua kudibueji* mu buteyi.+ 26  Kuikadi munkatshi mua bantu badi banyukulangana bianza bua kupunga dîyi,Badi badieyeka bua bintu bisomba.+ 27  Wewe kuyi ne tshintu tshia kufuta,Nebangate bulalu buebe muinshi muebe mene! 28  Kutentemunyi tshimanyinu tshia mukalu tshia kaleTshivua bankambua bebe bateke.+ 29  Udiku mumone muntu udi mupiluke mu mudimu wende anyi? Yeye neimane kumpala kua bakalenge;+Kakuimana kumpala kua bantu tshianana to.

Note

Anyi “lumu luimpe.” Ku mua.: “dîna.”
Ku mua.: “kuanyishibua.”
Ku mua.: “batutakene.”
Anyi “tshibawu.”
Anyi “anyima.”
Anyi “muana; nsonga.”
Ku mua.: “Eu udi ne dîsu dimpe.”
Anyi “Difuilakana.”
Ku mua.: “benyi.” Tang. Nsu 2:16.
Anyi “muana; nsonga.”
Anyi “neapawule anyima.”
Anyi “kubueji anyima webe.”