Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Nsumuinu 2:1-22

MALU ADI MU MUKANDA EU

  • Mushinga wa meji (1-22)

    • Keba meji bu biuma bisokoka (4)

    • Bukokeshi bua kunana lungenyi mbukubi (11)

    • Tshiendenda tshia masandi tshidi tshikebesha kabutu (16-19)

2  Muananyi, wewe muitabe mêyi anyiNe mulame mikenji yanyi bimpe,+   Uteya ditshi diebe ku meji+Ne ufila muoyo webe ku dijingulula dia malu;+   Kabidi, wewe mubikile lungenyi+Ne mubandishile dijingulula dia malu dîyi diebe;+   Wewe mutungunuke ne kubikeba bu udi ukeba tshiamu tshia arjan,+Ne wewe mutungunuke ne kubikeba bikole bu udi ukeba biuma bisokoka;+   Nunku, neujingulule ditshina dia Yehowa,+Ne neupete dimanya dia Nzambi.+   Bualu Yehowa muine udi ufila meji;+Mukana muende mudi mupatuka dimanya ne dijingulula dia malu.   Yeye udi ulamina bena bululame meji adi ambului-sha;Udi ngabu kudi badi benda ne muoyo mutoke.+   Udi utangila njila ya kulumbuluisha kuakane,Ne yeye nealame njila wa bena lulamatu bende.+   Nunku, neujingulule tshidi tshiakane, tshimpe ne tshikumbane,Njila mujima wa tshidi tshimpe.+ 10  Padi meji abuela mu muoyo webe+Ne dimanya dilengelela anyima* webe,+ 11  Bukokeshi bua kunana lungenyi nebukulame,+Ne dijingulula dia malu nedikukube, 12  Bua kukupandisha ku njila mubi,Kudi muntu udi wakula malu makonyangale,+ 13  Kudi bantu badi balekela njila milulameBua kuendela mu njila ya mîdima,+ 14  Kudi badi basanka bua dienza dia malu mabi,Badi basanka bua dibipa dia malu mabi, 15  Badi njila yabu mikonyangaleNe badi njila wabu mujima muikale wa bibenda. 16  Nebikupandishe kudi mukaji muenzavi,*Ku mêyi a ntekesha* a mukaji wa masandi,*+ 17  Udi ulekela muena diende wa pa muoyo* wa ku bunsonga buende+Ne udi upua tshipungiditshia Nzambi wende muoyo; 18  Bualu nzubu wende udi udina too ne mu lufu,Ne njila* yende idi ifikisha kudi badi kabayi ne bukole mu lufu.+ 19  Muntu nansha umue wa ku badi balala nende* kakupinganaNe kabakupetulula nansha njila ya muoyo to.+ 20  Nunku londa njila wa bantu bimpeNe shala mu njila ya bantu bakane,+ 21  Bualu, anu bena bululame ke basomba pa buloba,Ne badi kabayi mua kubandibua* nebashalapu.+ 22  Kadi bantu babi, nebumbushibue pa buloba,+Ne nebumbushapu batungidianganyi.+

Note

Tang. Diumv.
Ku mua.: “muenyi.” Bidi bimueneka ne: mmuntu udi bikadilu biende bimuvuije mubengangane ne Nzambi.
Anyi “adi asesuisha.”
Ku mua.: “wa ku babende.” Bidi bimueneka ne: mmuntu udi bikadilu biende bimushiye kule ne Nzambi.
Anyi “bayende.”
Ku mua.: “tujila.”
Ku mua.: “badi babuela kudiye.”
Anyi “muntu udi ulama muoyo mutoke.”