Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Nsumuinu 17:1-28

MALU ADI MU MUKANDA EU

  • Kupingaji malu mabi ku malu mimpe (13)

  • Umbuka kumpala kua matandu kutuadija (14)

  • Mulunda mulelela udi unanga mu bikondo bionso (17)

  • “Muoyo wa disanka udi buanga buimpe” (22)

  • Muntu udi ne dijingulula dia malu udi ukanda mêyi ende (27)

17  Diampa diume ndimpe muaba udi ditalala*+Kupita nzubu muwule tente ne biakudia bia disanka* pamue ne matandu.+   Muena mudimu udi ne busunguluji neakokeshe muana udi wenza malu a bundu;Neabanyangane bumpianyi bu umue wa ku bana ba muntu.   Luesu lua kulengejila biamu ludiku bua arjan, ne tshikutu tshia kapia bua or,+Kadi Yehowa udi mukonkononyi wa mioyo.+   Muntu mubi udi uteya ntema ku mêyi adi atapa,Ne muena dishima udi uteleja ludimi ludi luamba mêyi mabi.+   Muntu udi useka mupele udi upenda Mufuki wende,+Ne muntu udi usanka bua dikenga dia mukuabu kakupanga kupeta dinyoka.+   Bikulu* badi tshifulu tshiabutumbi kudi bantu banunu,Ne batatu* badi butumbi bua bana babu ba balume.*   Mêyi makane* kaena akumbanyina muntu mutshimbakane.+ Mêyi a dishima kaena mua kukumbanyina mfumu* nansha kakese!+   Dipa didi bu dibue dia mushinga mukole* kudi muenadi;+Muaba wonso udiye uya, didi dimutantshisha.+   Muntu udi ubuikila* tshilema udi ukeba dinanga,+Kadi muntu udi ushala ubalulula bualu udi utapulula balunda ba pa muoyo.+ 10  Kutandisha muntu udi ne lungenyi kudi kumulenga bikole+Kupita kututa muntu mutatakane misangu lukama.+ 11  Muntu mubi udi ukeba anu buntomboji,Kadi nebatume mutuadi wa mukenji muena tshikisu bua kumupesha dinyoka.+ 12  Kusambakena ne nyama wa urse udi mufuishe bana nkuimpeKupita kutuilangana ne muntu mutatakane mu butshimbakane buende.+ 13  Muntu yeye mupingaje malu mabi ku malu mimpe,Malu mabi kaakumbuka mu nzubu muende to.+ 14  Ntuadijilu wa dikokangana udi anu bu kukangula tshiibi tshia mâyi a bungi;*Kumpala kua matandu kujuka, umbuka.+ 15  Muntu udi ubingisha muntu mubi ne muntu udi upisha muntu muakane,+Bubidi buabu mbantu babi kumpala kua Yehowa. 16  Mbimpe ku tshinyi bikala muntu mutatakane ne mushindu wa kupeta mejiPadiye kayi ne muoyo wa kuapeta?*+ 17  Mulunda mulelela udi uleja dinanga mu bikondo bionso+Ne yeye mmuanetu udi muledibue bua bikondo bia dikenga.+ 18  Muntu udi kayi ne lungenyi lujalame* udi unyukulangana bianza ne upunga dîyiBua kufila tshieya* kumpala kua muinende.+ 19  Muntu udi munange bilumbu mmunange dishipa dia mikenji.+ Muntu udi ubandisha tshibuelelu tshiende udi ubikila kabutu.+ 20  Muntu udi ne muoyo mukonyangale kakupeta diakalenga,*+Ne muntu udi wamba malu a dishima neakuluke mu kabutu. 21  Muntu udi ulela muana muta-takane neapete kanyinganyinga;Ne tatuende wa muana udi kayi ne meji kena ne disanka to.+ 22  Muoyo wa disanka udi buanga buimpe,*+Kadi lungenyi ludi lushikile ludi lumana bukole* bua muntu.+ 23  Muntu mubi neangate mbuejilu mu musokoko*Bua kunyanga kulumbuluisha kuakane.+ 24  Meji adi buludiludi kumpala kua muntu udi ne dijingulula dia malu,Kadi mêsu a mutatakane adi akenzakana too ne ku ntengu ya buloba.+ 25  Muana mutatakane udi ukebela tatuende kanyinganyingaNe yeye uvua mumulele kusama kua muoyo.*+ 26  Kupesha muntu muakane dinyoka* ki nkuimpe to,Ne kuela bantu ba bunême mfimbu kudi kubengangana ne tshidi tshiakane. 27  Muntu udi ne dimanya udi ukanda mêyi ende,+Ne muntu udi ne dijingulula dia malu neashale mupuwe.*+ 28  Nansha muntu mutshimbakane udi ushala mupuwe nebamuangate bu muena meji,Ne muntu udi utela mishiku yende nebamuangate bu muntu udi ne dijingulula dia malu.

Note

Anyi “talalaa.”
Ku mua.: “milambu.”
Anyi “Bankana.”
Anyi “baledi.”
Anyi “bana.”
Anyi “mimpe.”
Anyi “muntu munene.”
Anyi “dibue didi dipetesha diakalenga.”
Anyi “ulekeleelangana.”
Anyi “bu kukangula nkila.” Ku mua.: “kulekelela mâyi.”
Anyi “Padiye mupangile lungenyi lujalame.”
Ku mua.: “kayi ne muoyo munda.”
Anyi “kudieyeka.”
Ku mua.: “malu mimpe.”
Anyi “mmuimpe bua kuondopa.”
Anyi “lumisha mifuba.”
Ku mua.: “mbuejilu mufidila mu tshiadi.”
Ku mua.: “bululu.”
Anyi “Kufutshisha muntu muakane tshibawu.”
Ku mua.: “ne nyuma mutukije.”