Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Nsumuinu 13:1-25

MALU ADI MU MUKANDA EU

  • Badi bakeba mibelu badi ne meji (10)

  • Bualu butekemena budibu baladikije budi busamisha muoyo (12)

  • Mutumibue wa lulamatu udi ulua ne luondapu (17)

  • Kuenda ne bena meji kudi kuvuija muntu muena meji (20)

  • Dinyoka didi dileja dinanga (24)

13  Muana wa meji udi witaba mubelu wa tatuende,+Kadi musekianganyi kena uteleja dikanyina.*+   Muntu neadie tshintu tshimpe ku mamuma a mêyi ende,*+Kadi dijinga* mene dia batungidianganyi ndia tshikisu.   Muntu udi ulama mukana muende* udi ukuba muoyo* wende,+Kadi muntu udi ubulula mishiku yende bikole neafike ku kabutu.+   Muena lulengu udi ne bidiye usamishila muoyo, kadi yeye* kena ne tshintu,+Kadi muntu udi wenza mudimu ne muoyo mujima* neukute bikole.*+   Muntu muakane udi ukina mashimi,+Kadi bienzedi bia bantu babi bidi bifuishangana bundu ne bipuekeshangana milongo.   Buakane budi bukuba muntu udi njila wende kayi ne bualu bubi,+Kadi malu mabi adi apuekesha muenji wa mpekatu.   Kudi muntu udi udileja bu udi mubanji, kadi kayi ne tshintu;+Kudi mukuabu udi udileja bu udi mupele, kadi muikale ne biuma bia bungi.   Bubanji ntshintu tshia kupikula natshi muoyo* wa muntu,+Kadi bapele, kabatu nansha babafunyina* to.+   Butoke bua bantu bakane budi butokesha bikole,*+Kadi nebajime muendu wa bantu babi.+ 10  Kudibandisha kudi kufikisha anu ku dikokangana,+Kadi meji nga badi bakeba mibelu.*+ 11  Biuma bipeta lukasa* nebikepele,+Kadi biuma bia muntu udi ubisangisha ku kakese ku kakese* nebivule. 12  Bualu butekemena* budibu baladikije budi busamisha muoyo,+Kadi dijinga didibu bakumbaje didi mutshi wa muoyo.+ 13  Muntu yonso udi upetula dilongesha* neapete dinyoka,+Kadi muntu udi unemeka mukenji neapete difutu.+ 14  Dilongesha* dia muena meji didi mpokolo wa muoyo+Bua kuepula muntu ku mateyi a lufu. 15  Lungenyi lutue bikole ludi lupetesha dianyishibua,Kadi njila wa batungidianganyi ngua lutatu. 16  Muntu mudimuke udi wenza malu ne dimanya,+Kadi mutshimbakane yeye udi uleja butshimbakane buende patoke.+ 17  Mutuadi mubi wa mukenji udi ukuluka mu lutatu,+Kadi mutumibue wa lulamatu udi ulua ne luondapu.+ 18  Muntu yonso udi ulengulula dinyoka neafike ku bupele ne bundu,Kadi muntu udi witaba mubelu* neatumbishibue.+ 19  Dijinga padibu badikumbaja didi disankisha muntu,*+Kadi bantu batatakane badi bakina bua kumbuka ku malu mabi.+ 20  Muntu udi wenda ne bena meji nealue muena meji,+Kadi muntu udi ubuelakana ne bantu batatakane neakenge.+ 21  Dikenga didi dilondakaja benji ba mpekatu,+Kadi lupetu ludi lufuta bantu bakane.+ 22  Muntu muimpe udi ushila bikulu bende bumpianyi,Kadi biuma bia muenji wa mpekatu nebabilamine muntu muakane.+ 23  Budimi bua bapele budibu badime budi bupatula biakudia bia bungi,Kadi badi mua kubukomba* kudi dikosa dibi dia bilumbu. 24  Muntu yonso udi ukanda lukodi* luende mmukine muanende,+Kadi muntu udi mumunange udi umunyoka ne muoyo mujima.*+ 25  Muntu muakane udi udia umana nzala* yende,+Kadi tshifu tshia bantu babi tshidi munda mutupu.+

Note

Anyi “mubelu.”
Ku mua.: “mukana muende.”
Anyi “anyima.”
Anyi “bidiye wamba.”
Anyi “anyima.”
Anyi “anyima.”
Anyi “anyima.”
Ku mua.: “neadiundishibue.”
Anyi “anyima.”
Ku mua.: “bumvua dikanyina.”
Ku mua.: “busankisha.”
Anyi “badi bapeshangana ngenyi.”
Anyi “Biuma bipetela ku malu a patupu.”
Ku mua.: “ubisangisha ku tshianza.”
Anyi “buindila.”
Anyi “dîyi.”
Anyi “Mukenji.”
Anyi “dikanyina.”
Anyi “anyima.”
Anyi “kumukomba.”
Anyi “mubelu; dinyoka.”
Anyi pamuapa: “ne lukasa luonso.”
Anyi “anyima.”