Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Nsumuinu 11:1-31

MALU ADI MU MUKANDA EU

  • Meji adi kudi bapuekele (2)

  • Mutontolodi udi ufikisha bakuabu ku kabutu (9)

  • “Malu adi enda bimpe mu bungi bua bafidi ba ngenyi” (14)

  • Muena tshipapayi neatante (25)

  • Udi weyemena bubanji buende neakuluke (28)

11  Bipiminu bia dishima* mbintu bibi kumpala kua Yehowa,Kadi bujitu* bujalame budi bumusankisha.+   Padi kudibandisha kulua, kufuishibua bundu nekulonde,+Kadi meji adi kudi bapuekele.+   Muoyo mutoke wa bena bululame ke udi ubalombola,+Kadi dishima dia bena tshitungu nedibabutule.+   Biuma* kabiakuikala ne dikuatshisha mu dituku dia tshiji tshikole,+Kadi buakane ke buasungilangana ku lufu.+   Buakane bua muntu udi kayi mua kubandibua budi bululamija njila wende,Kadi muntu mubi neakuluke bua bubi buende nkayende.+   Buakane bua bena bululame nebubasungile,+Kadi bena tshitungu nebakuatshibue kudi majinga abu nkayabu.+   Padi muntu mubi ufua, ditekemena diende didi dijimina;Ne malu avuaye mutekemene bua bukole buende adi ajimina pawu.+   Muntu muakane udi usungidibua ku dikenga,Ne muntu mubi udi upingana pa muaba wende.+   Mutontolodi* udi ufikisha muinende ku kabutu ne mukana muende,Kadi bantu bakane badi basungidibua ku dimanya.+ 10  Buimpe bua bantu bakane budi busankisha tshimenga,Ne padi bantu babi bajimina, kudi lubila lua disanka.+ 11  Bua dibenesha dia bena bululame, tshimenga tshidi tshibandishibua,+Kadi mukana mua bantu babi mudi mutshiupula.+ 12  Muntu udi kayi ne lungenyi lujalame* udi upetula* muinende,Kadi muntu udi ne dijingulula dia malu dilelela udi ushala mupuwe.+ 13  Mushiminyinyanganyi wa malu udi wenda upatula malu masokoka,+Kadi muntu wa kueyemena* udi ulama bualu busokoka.* 14  Padiku kakuyi buludiki bua meji,* bantu badi bakuluka,Kadi malu adi enda bimpe* mu bungi bua bafidi ba ngenyi.*+ 15  Muntu yonso udi udieyeka bua tshintu tshidi muenyi usomba* neakenge bushuwa,+Kadi muntu yonso udi ubenga* kunyukulangana bianza bua kudia lupiku neikale talalaa. 16  Mukaji wa malu mimpe* udi upeta butumbi,+Kadi bantu badi kabayi ne luse badi banyenga bubanji. 17  Muntu muimpe* udi udienzela bimpe,*+Kadi muena tshikisu udi udikebela lutatu* nkayende.+ 18  Muntu mubi udi upeta mafutu a dishima,+Kadi udi ukuna buakane udi upeta difutu dilelela.+ 19  Muntu udi wimanyina buakane ne muoyo mujima udi mu njila wa muoyo,+Kadi udi wipatshila bualu bubi udi mu njila wa lufu. 20  Bantu badi bakonyangale mu muoyo wabu mbabi kumpala kua Yehowa,+Kadi bantu badi njila wabu kayi mua kubandibua badi bamusankisha.+ 21  Ikala mushindike bualu ebu ne:* Muntu mubi kakupanga kupeta dinyoka to,+Kadi bana ba bantu bakane nebapanduke. 22  Anu bu kakanu ka or ku diulu dia ngulubeKe mudi mukaji mulengele udi ubenga lungenyi lujalame. 23  Dijinga dia bantu bakane didi difikisha ku malu mimpe,+Kadi malu adi bantu babi batekemene adi afikisha ku tshiji tshikole. 24  Munga muntu udi ufila ne tshianza tshilekelela,* ulua kupeta bintu bia bungi;+Mukuabu yeye udi upalangana tshivuaye ne bua kufila, kadi ulua kushala mupele.+ 25  Muntu* muena tshipapayi neatante,*+Ne yonso udi ukolesha bakuabu* neakoleshibue yeye muine.+ 26  Bantu nebele muntu udi upalangana ntete mulawu,Kadi nebabeneshe muntu udi uyipanyisha. 27  Muntu udi ukeba bua kuenza bualu buimpe ne muoyo mujima udi ukeba dianyishibua,+Kadi muntu udi ukeba bualu bubi, buobu abu ke buamufikila bushuwa.+ 28  Muntu udi weyemena bubanji buende neakuluke,+Kadi bantu bakane nebasampile bu mabeji a mutshi.+ 29  Muntu yonso udi ukebela ba mu nzubu wende lutatu* neapiane lupepele,+Ne muntu mutshimbakane neikale muena mudimu wa muntu udi ne muoyo wa meji. 30  Dimuma dia muntu muakane didi mutshi wa muoyo,+Ne muntu udi upeta anyima* udi ne meji.+ 31  Bulelela, bikala muntu muakane upeta difutu pa buloba,Nunku difutu dia muntu mubi ne dia muenji wa mpekatu nedikale dinene be!+

Note

Anyi “bia kuiba nabi.”
Anyi, “bujitu bujima bua dibue dia tshipimu.”
Anyi “Bintu bia mushinga.”
Anyi “Muntu udi ubenga Nzambi.”
Ku mua.: “udi kayi ne muoyo munda.”
Anyi “upepeja.”
Ku mua.: “udi ne lulamatu mu lungenyi.”
Ku mua.: “udi ubuikila bualu.”
Anyi “bulombodi bua meji.”
Anyi “kudi lupandu.”
Anyi “bafidi ba mibelu.”
Anyi, “ufidila muenyi tshieya.”
Ku mua.: “ukina.”
Anyi “mulengele.”
Anyi “Muena dinanga dia lulamatu.”
Anyi “udi wenzela anyima wende bimpe.”
Anyi “bundu.”
Ku mua.: “Tshianza ku tshianza.”
Ku mua.: “utangalaja.”
Anyi “Anyima.”
Ku mua.: “neadiundishibue.”
Ku mua.: “umiamina bakuabu mâyi tshianana.”
Anyi “bundu.”
Tang. Diumv.