Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Musambu wa Solomo 8:1-14

MALU ADI MU MUKANDA EU

  • Nsongakaji (1-4)

    • “Bu wewe muikale nansha bu muanetu wa balume” (1)

  • Bana babu ne nsongakaji ba balume (5a)

    • ‘Eu nnganyi udi mueyemene munanga wende?’

  • Nsongakaji (5b-7)

    • “Dinanga didi ne bukole bu mudi lufu” (6)

  • Bana babu ne nsongakaji ba balume (8, 9)

    • “Yeye muikale tshimanu, . . . kadi yeye muikale tshiibi, . . .” (9)

  • Nsongakaji (10-12)

    • “Meme ndi tshimanu” (10)

  • Mulami wa mikoko (13)

    • ‘Lekela nteleja dîyi diebe’

  • Nsongakaji (14)

    • “Ikala ne lubilu bu kabuluku”

8  “Bu wewe muikale nansha bu muanetu wa balumeUvua muamue mabele a mamuanyi! Nunku bu meme mukusangane pambelu, mvua mua kukutua mishiku,+Ne muntu nansha umue kavua mua kumpetula to.   Mvua mua kukulombola;Mvua mua kukubueja mu nzubu wa mamuanyi,+Yeye uvua mundongeshe. Mvua mua kukupesha mvinyo muela bintu bia mupuya muimpe bua wewe kunua,Mâyi mimpe a bimuma bia grenade.*   Tshianza tshiende tshia bakaji tshivua mua kuikala muinshi mua mutu wanyi,Ne tshianza tshiende tshia balume tshivua mua kungela mu tshitupa.+   Ndi nnutshipisha, nuenu bana ba bakaji ba mu Yelushalema, ne: Kanutetshi kubisha anyi kujula dinanga munda muanyi too ne padidi didijukila.”+   “Eu nnganyi udi ubanda ufumina mu tshipelaMueyemene munanga wende?” “Ngakakubisha muinshi mua mutshi wa pome. Muomu amu mamuebe uvua udinyenga bua kukulela. Muomu amu yeye wakakulela uvua udinyenga bua kulela.   Unteke bu tshitampi pa muoyo webe,Bu tshitampi pa diboko diebe,Bualu dinanga didi ne bukole bu mudi lufu,+Ne kulamata anu muntu umue kudi ne tshitunu bu Lukita.* Ndimi yadi idi kapia kadi kalakuka, ludimi lua kapia ka Yah.*+   Mâyi a mavuala makole kaena mua kujima dinanga,+Nansha misulu kayena mua kudipuekesha to.+ Muntu yeye mua kufila bubanji buonso bua mu nzubu muende bua dinanga,Budi* mua kupetudibua bikole menemene.”   “Tudi ne muakunyetu wa bakaji,+Yeye ki muanji kuasa mabele. Ntshinyi tshituenza bua muanetu wa bakajiDituku didibu bamuela dîyi bua kumusela?”   “Yeye muikale tshimanu,Netuibakile tshibumba tshia arjan pa mutu pende,Kadi yeye muikale tshiibi,Netumukange ne dibaya dia mutshi wa sedre.” 10  “Meme ndi tshimanu,Ne mabele anyi adi bu bibumba. Nunku ku mêsu kuende ndi mulueBu muntu udi mupete ditalala. 11  Solomo uvua ne budimi bua tumuma tua mvinyo+ mu Bâla-hamona. Wakafila budimi bua tumuma tua mvinyo abu mu bianza bia balami. Mulami yonso uvua ulua ne arjan tshinunu ya ku mamuma abu. 12  Ndi ne buanyi budimi bua tumuma tua mvinyo budi ku bukokeshi buanyi. Arjan tshinunu nyebe* wewe Solomo,Ne 200 nya badi balama mamuma a budimi abu.” 13  “Wewe udi musombele mu madimi,+Balunda badi bateleja dîyi diebe. Lekela nditeleje.”+ 14  “Kolesha, munanga wanyi,Ne ikala ne lubilu bu kabuluku+Anyi bu muana wa ntolePa mikuna ya bintu bia mupuya muimpe.”

Note

Anyi “mutshi wa kamvinyo; mutshi wa matala a batoke.”
Anyi “Sheole,” mmumue ne: lukita lua bukua bantu buonso. Tang. Diumv.
“Yah” ntshikepeshilu tshia dîna dia Yehowa.
Anyi pamuapa: “Udi.”
Ku mua.: “Tshinunu ntshiebe.”