Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Muambi 1:1-18

MALU ADI MU MUKANDA EU

  • Malu onso adi tshianana (1-11)

    • Buloba budi bushalaku kashidi (4)

    • Dinyunguluka dia bintu bia mu bufuki didi ditungunuka (5-7)

    • Kakuena bualu bupiabupia muinshi mua dîba (9)

  • Meji a bantu adi ne mikalu (12-18)

    • Kuipata kua lupepele (14)

1  Mêyi a musangishi,*+ muana wa Davidi, mukalenge wa mu Yelushalema.+   Musangishi udi wamba ne: “Tshianana tshia* menemene!Tshianana tshia menemene! Malu onso adi tshianana!”+   Ntshinyi tshidi muntu upeta ku mudimu wende wonso mukoleUdiye utatshila muinshi mua dîba?+   Tshipungu tshia bantu tshidi tshipita, tshipungu tshia bantu tshidi tshilua,Kadi buloba budi bushalaku* kashidi.+   Dîba didi dipatuka,* ne dîba didi dibuela;Pashishe didi dipingana lubilu* muaba udidi dipatukila kabidi.+   Lupepele ludi luya ku sud ne ludi lunyungulukila ku nord;Ludi lunyunguluka, lunyunguluka anu kunyunguluka; lupepele ludi lutungunuka ne kunyunguluka kualu.   Tusulu* tuonso tudi tudiela mu mbuu, kadi mbuu kena uwula.+ Muaba udi tusulu tupueka, muaba au ke uditu tupingana bua kupueka kabidi.+   Malu onso adi atshiokesha;Kakuena muntu udi nansha mua kuakula bualu buawu. Dîsu kadiena ditshioka ne kumona;Nansha ditshi kadiena dipata ne kumvua.   Malu adiku ke ikalaku,Ne malu adibu benze ke enzabu kabidi;Kakuena bualu bupiabupia muinshi mua dîba.+ 10  Kudiku tshintu tshidi muntu mua kuamba ne: “Tangila etshi, ntshipiatshipia” anyi? Tshikavuaku katshia ku kale;Tshikavuaku kumpala kua tshikondo tshietu etshi. 11  Kakuena muntu udi uvuluka bantu ba bikondo bia kale;Anyi muntu wavuluka bantu balua pashishe;Anyi kabakubavuluka kudi bantu balua kulonda kabidi pashishe.+ 12  Meme, musangishi, mvua mukalenge wa Isalele mu Yelushalema.+ 13  Ngakatuma muoyo wanyi ku dilonga ne ku dikonkonona ne meji+ bualu buonso budi buenzeke muinshi mua diulu,+ mudimu wa lutatu udi Nzambi mupeshe bana ba bantu udibu batungunuka ne kuenza. 14  Ngakamona midimu yonso ivuabu benze muinshi mua dîba,Ne mona, bintu bionso bivua tshianana, kuipata kua lupepele.+ 15  Tshintu tshidi tshikonyangale, kabena mua kutshilulamija,Ne tshintu tshidi katshiyiku, kabena mua kutshibala to. 16  Pashishe ngakamba mu muoyo wanyi ne: “Mona! Ndi mupete meji a bungi kupita muntu kayi yonso uvuaku kumpala kuanyi mu Yelushalema,+ ne muoyo wanyi uvua mupete meji ne dimanya bipite bungi.”+ 17  Mvua mufile muoyo wanyi bua kumanya meji, bua kumanya bupale* ne bua kumanya butshimbakane,+ ne bualu ebu kabidi budi kuipata kua lupepele. 18  Bualu divulangana dia meji didi dikebesha tunyinganyinga tua bungi,Ke bualu kayi muntu udi uvudija dimanya udi uvudija kanyinganyinga.+

Note

Anyi “mukunguiji; mubueji wa tshisangilu.”
Anyi “Malu a patupu.”
Ku mua.: “mbuimane.”
Anyi “dikenka.”
Anyi “dialukila dienda dipuyakana.”
Anyi “Tusulu tua mu tshikondo tshia mashika; tusulu tutuku bua tshikondo kampanda.”
Anyi “butshimbakane bua menemene.”