Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 98:1-9

MALU ADI MU MUKANDA EU

  • Yehowa, Mupandishi ne Mulumbuluishi muakane

    • Lupandu lua Yehowa ndumanyishibue (2, 3)

Mujiki. 98  Imbilayi Yehowa musambu mupiamupia,+Bualu mmuenze malu a kukema.+ Tshianza tshiende tshia balume, diboko diende dia tshijila, ntshifile lupandu.*+   Yehowa mmumanyishe lupandu luende;+Mmusokolole buakane buende kumpala kua bisa-mba.+   Mmuvuluke dinanga diende dia lulamatu pamue ne lulamatu luende kudi nzubu wa Isalele.+ Ntengu yonso ya buloba mmimone lupandu lua kudi Nzambi wetu.*+   Elelayi Yehowa mbila ya ditshimuna, buloba bujima. Ikalayi ne disanka ne elayi mbila ya disanka, nuimbe misambu ya kumutumbisha nayi.*+   Imbayi misambu ya kutumbisha nayi* Yehowa ne lunzenze,Ne lunzenze ne musambu wa mijiki mimpe.   Ne mpungi ne muadi wa lusengu,+Nuele mbila ya ditshimuna kumpala kua Mukalenge, Yehowa.   Mbuu akungule ne bionso bidi biuwulamu,Ne buloba* ne badi basombapu.   Misulu itute bikashi;Mikuna yele mbila ya disanka tshiapamue+   Kumpala kua Yehowa, bualu udi ulua* bua kulumbuluisha buloba. Nealumbuluishe buloba budi bantu basombele* mu buakane,+Ne bukua bantu mu mushindu muimpe.+

Note

Anyi “ntshimutshimuine.”
Anyi “ditshimuna dia Nzambi wetu.”
Anyi “mijiki bua.”
Anyi “mijiki bua.”
Anyi “buloba budi bupatula bintu.”
Anyi “mmulue.”
Anyi “buloba budi bupatula bintu.”