Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 96:1-13

MALU ADI MU MUKANDA EU

  • “Imbilayi Yehowa musambu mupiamupia”

    • Yehowa mmukumbane kumutumbisha bikole (4)

    • Nzambi ya bukua bantu nya patupu (5)

    • Tendelelayi bavuale bintu bilengele bia tshijila (9)

96  Imbilayi Yehowa musambu mupiamupia.+ Imbilayi Yehowa, buloba bujima!+   Imbilayi Yehowa; tumbishayi dîna diende. Manyishayi lumu luimpe lua lupandu luende ku dituku ne ku dituku.+   Ambayi butumbi buende munkatshi mua bisamba,Malu ende a kukema munkatshi mua bukua bisamba bionso.+   Yehowa mmunene ne mmukumbane bua kumutumbisha bikole. Yeye mmukumbane kumutshina kupita nzambi mikuabu yonso.   Nzambi yonso ya bukua bisamba nnzambi ya patupu,+Kadi Yehowa yeye ke wakenza diulu.+   Bunene* ne butumbi bidi kumpala kuende;+Bukole ne bulengele bidi mu muaba wende munsantu.+   Peshayi Yehowa tshidi bu tshiende, nuenu mêku a bukua bisamba,Peshayi Yehowa tshidi bu tshiende bua butumbi buende ne bukole buende.+   Peshayi Yehowa butumbi budi buakanyine dîna diende;+Luayi ne dipa ne nubuele mu mbanza yende.   Inaminayi* Yehowa bavuale bintu bilengele bia tshijila;*Zakalayi kumpala kuende, buloba bujima! 10  Manyishayi munkatshi mua bisamba ne: “Yehowa mmulue Mukalenge!+ Buloba* mbujadikibue bikole, kabuena mua kunyungishibua* to. Yeye nealumbuluishe* bukua bantu ne buakane.”+ 11  Diulu disanke, ne buloba buikale ne disanka;Mbuu akungule ne bionso bidi biuwulamu;+ 12  Mpata ne bionso bidimu bisanke.+ Mitshi yonso ya muitu yele payi mbila ya disanka dîba dimue dimue adi+ 13  Kumpala kua Yehowa, bualu yeye udi ulua,*Udi ulua bua kulumbuluisha buloba. Buloba budi bantu basombele,* yeye neabulumbuluishe ne buakane,+Nealumbuluishe bukua bantu ne lulamatu luende.+

Note

Anyi “Bunême.”
Anyi “Tendelelayi.”
Anyi pamuapa: “bua bulengele bua bunsantu buende.”
Anyi “Buloba budi bupatula bintu.”
Anyi “kabuena mua kutenkakana.”
Anyi “nealumbuluile.”
Anyi “mmulue.”
Anyi “buloba budi bupatula bintu.”