Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 95:1-11

MALU ADI MU MUKANDA EU

  • Ntendelelu mulelela mmusuikakaja ne ditumikila

    • “Lelu eu nuenu bumvue dîyi diende” (7)

    • “Kanupapishi muoyo wenu” (8)

    • “Kabakubuela mu dikisha dianyi to” (11)

95  Luayi, tuelele Yehowa mbila ya disanka! Tuelelayi Dibue dietu dia lupandu mbila ya ditshimuna.+   Tuyayi kumpala kuende* ne diela tuasakidila;+Tumuimbilayi misambu ne tumuelelayi mbila ya ditshimuna.   Bualu Yehowa udi Nzambi munene,Mukalenge munene ku mutu kua nzambi mikuabu yonso.+   Mu tshianza tshiende mudi ndondo ya buloba;Nsongo ya mikuna nyende yeye.+   Mbuu uvuaye mufuke nguende,+Ne bianza biende biakenza buloba bume.+   Luayi, tutendelele, tuiname panshi;Tutuayi binu kumpala kua Yehowa Mutuenji.+   Bualu yeye udi Nzambi wetu,Ne tuetu tudi bantu ba mu mpata wende,Mikoko idi ku bulami buende.*+ Lelu eu nuenu bumvue dîyi diende,+   Kanupapishi muoyo wenu bu munuvua benze ku Meliba,*+Bu mu dituku dia Masa* mu tshipela,+   Pavua bankambua benu bantete;+Bakangelesha mpata nansha muvuabu bamone malu amvua muenze.+ 10  Munkatshi mua bidimu 40, ngakumvua muengu bua bantu ba tshipungu atshi, meme kuamba ne: “Mbantu badi bapambuka misangu yonso mu mioyo yabu;Ki mbafike ku dimanya njila yanyi to.” 11  Ke meme kuditshipa mu tshiji tshianyi ne: “Kabakubuela mu dikisha dianyi to.”+

Note

Ku mua.: “kumpala kua mpala wende.”
Ku mua.: “idi mu tshianza tshiende.”
Diumvuija: “Ditandangana.”
Diumvuija: “Diteta; Dipima.”