Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 94:1-23

MALU ADI MU MUKANDA EU

  • Disambila bua disombuela dia Nzambi

    • “Mmutantshi bule kayi wikala bantu babi batungunuka?” (3)

    • Dipingajibua mu njila kudi Yah didi difila diakalengele (12)

    • Nzambi kakulekela bantu bende to (14)

    • “Ulongolola dikenga mu dîna dia mikenji” (20)

94  Wewe Nzambi wa disombuela, Yehowa,+Wewe Nzambi wa disombuela, kenka!   Juka, wewe Mulumbuluishi wa buloba.+ Upingajile badibandishi tshidi tshibakumbanyine.+   Mmutantshi bule kayi wikala bantu babi, Yehowa,Mmutantshi bule kayi wikala bantu babi batungunuka ne kusanka?+   Badi balabakana ne bakula ne diambu;Benji ba malu mabi bonso badi baditambisha.   Badi bazaza bantu bebe, wewe Yehowa,+Ne badi bakengesha bumpianyi buebe.   Badi bashipa mukaji mukamba ne muntu udi musombe buenyi,Ne badi bashipa bana badi bafuishe batatuabu.   Badi bamba ne: “Yah kena umona to;+Nzambi wa Yakoba kena utangila bualu ebu to.”+   Umvuayi bualu ebu, nuenu badi kabayi ne meji;Nuenu batshimbakane, ndîba kayi dinualeja ne: nudi ne busunguluji?+   Yeye wakenza* ditshi kena mua kumvua anyi? Yeye wakafuka dîsu kena mua kumona anyi?+ 10  Yeye udi upingaja bisamba mu njila kena mua kubela anyi?+ Yeye ke Udi upesha bantu dimanya!+ 11  Yehowa mmumanye meji a bantu,Mudiwu anu mupuya wa patupu.+ 12  Yah, wa diakalenga mmuntu uudi upingaja mu njila,+Uudi ulongesha mikenji yebe,+ 13  Bua kumupesha ditalala mu matuku a dikenga,Too ne padibu bumbuila bantu babi tshina.+ 14  Bualu Yehowa kakubenga bantu bende,+Kakulekela bumpianyi buende to.+ 15  Bualu dilumbuluisha nedikale tshiakabidi diakane,Ne bantu bonso badi ne bululame mu muoyo nebadilonde. 16  Nnganyi wanjukila bua kuluisha bantu babi? Nnganyi wangimanyina bua kuluisha benji ba malu mabi? 17  Bu Yehowa kayi muikale muambuluishi wanyi,Mvua* mua kuikala mufue* lukasa.+ 18  Pamvua muambe ne: “Dikasa dianyi didi diselemuka,” Yehowa wanyi, dinanga diebe dia lulamatu diakatungunuka ne kunkuatshisha.+ 19  Pavua tunyinganyinga* tumpite bukole,*Wewe wakansamba, wewe kumpesha ditalala.*+ 20  Nkuasa wa bukalenge* wa bubi udi mua kudia nebe tshipungidiPadiye ulongolola dikenga mu dîna dia mikenji* anyi?+ 21  Badi bela muntu muakane* mvita ya tshikisu+Ne bakosela muntu udi kayi ne bualu tshibawu tshia lufu.*+ 22  Kadi Yehowa nealue tshinyemenu tshianyi tshikole,*Nzambi wanyi udi dibue dianyi dia kunyemena.+ 23  Yeye neabapingajile bienzedi biabu bibi.+ Neabajimije* ku diambuluisha dia malu mabi abu bobu bine. Yehowa Nzambi wetu neabajimije.*+

Note

Ku mua.: “wakakuna.”
Anyi “Anyima wanyi uvua.”
Ku mua.: “musombele muaba wa badi bapuwe talalaa.”
Anyi “meji adi alubakaja.”
Anyi “tuvulangane munda muanyi.”
Anyi “Busambi buebe buakatalaja anyima wanyi.”
Anyi “Bakokeshi; balumbuluishi.”
Anyi “ku dîyi diela.”
Anyi “anyima wa muntu muakane.”
Ku mua.: “badi bapisha (babipisha) mashi a bantu badi kabayi ne bualu.”
Anyi “muaba wanyi mutumbuke wa bukubi.”
Ku mua.: “Neabapuwishe.”
Ku mua.: “Neabapuwishe.”