Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 92:1-15

MALU ADI MU MUKANDA EU

  • Yehowa mmubandishibue bua kashidi

    • Midimu yende minene ne meji ende male (5)

    • ‘Bantu bakane nebatumpuke bu mutshi’ (12)

    • Bakulakaje nebatungunuke ne kusampila (14)

Mujiki. Musambu wa dituku dia Nsabatu. 92  Mbimpe bua kusakidila Yehowa+Ne bua kuimba misambu ya kutumbisha nayi* dîna diebe, wewe Mutambe Bunene,   Bua kumanyisha dinanga diebe dia lulamatu+ mu dindaNe lulamatu luebe mu bikondo bia butuku,   Tuimba tshiapamue ne tshiombelu tshia nshinga dikumi ne tshindanda,Ne tshiona tshia mijiki milenga ya lunzenze.+   Bualu wewe, Yehowa, udi munsankishe bua bienzedi biebe;Bua midimu ya bianza biebe, ndi ngela mbila ne disanka.   Yehowa, ke mudi midimu yebe minene nunku!+ Ke mudi meji ebe male menemene nunku!+   Kakuena muntu udi kayi ne meji udi mua kuamanya;Ne kakuena muntu mutshimbakane udi mua kujingulula bualu ebu:+   Padi bantu babi batumpuka bu bisonsa*Ne benji ba malu mabi bonso batanta,Mbua bobu kubutudibua bua kashidi.+   Kadi wewe, Yehowa, udi mubandishibue bua kashidi.   Bushuwa, tangila bena lukuna bebe ne mêsu a butshimunyi, Yehowa wetu,Tangila muabutuka bena lukuna bebe;Benji ba malu mabi bonso nebatangalajibue.+ 10  Kadi wewe neubandishe bukole* buanyi anu bu bua ngombe wa tshisuku;Nentalaje dikoba dianyi ne mafuta mimpe a tshitalele.+ 11  Mêsu anyi neatangile baluishi banyi ne tshilunji tshia butshimunyi;+Matshi anyi neumvue bua dikuluka dia bantu babi badi bambunda. 12  Kadi bantu bakane nebatumpuke bu dibue dia ngajiNe nebadiunde bu mutshi wa sedre mu Lebanona.+ 13  Mbakunyibue mu nzubu wa Yehowa;Badi batumpuka mu mbanza ya Nzambi wetu.+ 14  Nansha ku bukulakaja* nebikale anu benda basampila,+Nebikale anu ne makanda* ne mubidi mufumfule,+ 15  Bamanyisha ne: Yehowa mmuena bululame. Yeye udi Dibue dianyi,+ ne munda muende kamuena bualu bubi nansha.

Note

Anyi “mijiki bua.”
Anyi “mashinde.”
Ku mua.: “lusengu.”
Anyi “mu tshikondo tshia nsuki mitoke.”
Ku mua.: “mafuta.”