Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 91:1-16

MALU ADI MU MUKANDA EU

  • Bukubi mu muaba musokome wa Nzambi

    • Musungila ku tshilembi tshia nyunyi (3)

    • Kunyemena muinshi mua mapuapua a Nzambi (4)

    • Mukubibue nansha mudi binunu bikuluka (7)

    • Banjelu batumina dîyi bua kulama (11)

91  Muntu yonso udi usombela mu muaba musokome wa Mutambe Bunene+Neasombele mu mundidimbi wa Wa Bukole Buonso.+   Nengambile Yehowa ne: “Wewe udi tshinyemenu tshianyi ne muaba wanyi mukolesha wa kusokomena,+Nzambi wanyi undi mueyemene.”+   Bualu yeye neakusungile ku buteyi bua tshilembi tshia nyunyi,Ku tshipupu tshia disama tshidi tshibutula.   Yeye neakubuikile* ne masala a mapuapua ende,Ne muinshi mua mapuapua ende, wewe neunyemenamu.+ Lulamatu luende+ neluikale ngabu munene+ ne tshimanu tshia bukubi.*   Wewe kuakutshina bintu bia butuku bidi bikuatshisha buôwa,+Nansha mukete udi upita muulu munda munya,+   Anyi tshipupu tshidi tshibembela mu mifituPeshi kabutu kadi kabutula munda munya.   Bantu tshinunu nebakuluke ku luseke luebeNe bantu binunu 10 ku tshianza tshiebe tshia bakaji,Kadi bualu nansha bumue bua buena ebu kabuakusemena pabuipi nebe.+   Neubumone anu ne mêsu ebePawamona dinyoka* dia bantu babi.   Bu muuvua muambe ne: “Yehowa udi tshinyemenu tshianyi,” Udi muvuije Mutambe Bunene muaba webe wa kusombela;*+ 10  Dikenga nansha dimue kadiakukukuata,+Ne tshipupu nansha tshimue katshiakusemena pabuipi ne ntenta webe to. 11  Bualu yeye neatumine banjelu bende+ dîyi bua bualu buebe,Bua kukulama mu njila yebe yonso.+ 12  Nebakuambule mu bianza biabu+Bua wewe kututshi dikasa diebe ku dibue.+ 13  Neudiate muana wa ntambue ne nyoka wa kobra;Neudiatakaje ntambue udi ne musalala ne nyoka munene muinshi mua makasa ebe.+ 14  Nzambi wakamba ne: “Bu mudiye munnange,* meme nemmusungile.+ Nemmulame bualu mmumanye* dîna dianyi.+ 15  Yeye neambile meme, ne nemmuitabe.+ Nengikale nende mu dikenga.+ Nemmusungile ne nemmutumbishe. 16  Nemmukutshishe ne muoyo wa matuku a bungi,+Nemmufikishe ku dimona bienzedi bianyi bia lupandu.”*+

Note

Anyi “neajike njila wa kufika kuudi.”
Anyi “lumbu lukole.”
Ku mua.: “difutu.”
Anyi pamuapa: “muaba mukolesha; tshinyemenu.”
Ku mua.: “mudisange kundi.”
Anyi “mmuitabe.”
Anyi “ku dimona lupandu lua kundi.”