Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 89:1-52

MALU ADI MU MUKANDA EU

  • Kuimba bua dinanga dia lulamatu dia Yehowa

    • Tshipungidi ne Davidi (3)

    • Muana wa Davidi udi ushala kashidi (4)

    • Muela manyi wa Nzambi udi umubikila ne: “Tatu” (26)

    • Tshipungidi tshienza ne Davidi ntshishindame (34-37)

    • Muntu kena mua kupanduka Lukita (48)

Masikile.* Wa Etana+ muena Ezele. 89  Nengimbe misambu ya mudi Yehowa muleje dinanga dia lulamatu bua kashidi. Nemmanyishe lulamatu luebe kudi ba mu bipungu bionso bia bantu ne mukana muanyi.   Bualu ndi muambe ne: “Dinanga dia lulamatu nedikoleshibue* bua kashidi,+Ne wewe udi mujadike lulamatu luebe mu diulu bikole.”   “Ndi mudie tshipungidi ne musungula wanyi;+Ndi muditshipe kudi Davidi muena mudimu wanyi ne:+   ‘Nenjadike bana*+ bebe bikole bua kashidi,Nenkoleshe nkuasa webe wa bukalenge mu bipungu bionso bia bantu.’”+ (Sela)   Diulu didi ditumbisha maluebe a kukema, wewe Yehowa,Eyowa, lulamatu luebe mu tshisumbu tshia bansantu.   Nnganyi muulu udi mua kudifuanyikija ne Yehowa?+ Nnganyi munkatshi mua bana ba Nzambi+ udi bu Yehowa?   Badi banemeka Nzambi bikole mu tshipangu tshia* bansantu;+Yeye mmunene ne udi ukuatshisha bonso badi bamunyunguluke buôwa.+   Wewe Yehowa Nzambi wa biluilu,Nnganyi udi ne bukole bu wewe Yah?+ Lulamatu luebe ndukunyunguluke.+   Wewe udi ukokesha dituta dikole dia mavuala a mbuu;+Padi mavuala ende atuta bikole, wewe udi uabatamija.+ 10  Wewe udi muzaze Lahaba+ bu muntu udibu bashipe.+ Udi mutangalaje bena lukuna bebe ne diboko diebe dia bukole.+ 11  Diulu ndiebe, ne buloba mbuebe;+Buloba budi bumenesha bintu ne bintu bidi bibuwuje,+ wewe ngudi mubienze. 12  Nord ne sud, wewe nguakabifuka;Mukuna wa Tabô+ ne mukuna wa Hêmona+ idi itumbisha dîna diebe ne disanka. 13  Diboko diebe didi ne bukole;+Tshianza tshiebe tshidi ne makanda;+Tshianza tshiebe tshia balume ntshibandishibue.+ 14  Buakane ne kulumbuluisha kuakane bidi tshishimikidi tshia nkuasa webe wa bukalenge;+Dinanga dia lulamatu pamue ne lulamatu mbimane kumpala kuebe.+ 15  Ba diakalenga mbantu badi bamanye lubila lua disanka.+ Yehowa wetu, badi bendela mu butoke bua mpala webe. 16  Badi basankila mu dîna diebe dituku dijima,Ne badi batumbila mu buakane buebe. 17  Bualu wewe udi butumbi bua bukole buabu,+Ne bukole* buetu budi butumbishibua ku dianyisha diebe.+ 18  Bualu ngabu wetu ngua Yehowa,Mukalenge wetu ngua Wa Tshijila wa Isalele.+ 19  Tshikondo atshi wewe wakakula mu tshikena kumona ne bena lulamatu bebe wamba ne: “Ndi mupeshe tshilobo bukole;+Ndi mubandishe muntu musungula munkatshi mua bantu.+ 20  Ndi mupete Davidi muena mudimu wanyi;+Ndi mumuele manyi ne manyi anyi a tshijila.+ 21  Tshianza tshianyi netshimukuatshishe,+Ne diboko dianyi nedimukoleshe. 22  Kakuena muena lukuna wamuambila bua kulambula mulambu,Ne kakuena muntu udi kayi muakane wamukengesha.+ 23  Nensunsule baluishi bende kumpala kuende+Ne nenkume badi bamukine.+ 24  Lulamatu luanyi ne dinanga dianyi dia lulamatu bidi nende,+Ne bukole* buende nebutumbishibue mu dîna dianyi. 25  Nenteke tshianza tshiende* pa mutu pa mbuuNe tshianza tshiende tshia balume pa mutu pa misulu.+ 26  Yeye neangele dîyi ne: ‘Wewe udi Tatu wanyi,Nzambi wanyi ne Dibue dia lupandu luanyi.’+ 27  Nemmuteke bu muanabute,+Mutambe kutumbuka wa bakalenge bonso ba pa buloba.+ 28  Nendame dinanga dianyi dia lulamatu kudiye bua kashidi,+Ne tshipungidi tshindi mudie nende katshiakupangila nansha.+ 29  Nenjadike bana* bende bua kashidi,Ne nengenze bua nkuasa wende wa bukalenge ashale kashidi anu bu mudi diulu.+ 30  Bana bende bobu balekele mikenji yanyiNe kabayi bende bilondeshile mêyi anyi,* 31  Bobu bashipe mêyi anyi mafundaNe kabayi batumikile mêyi anyi matuma, 32  Nunku nembanyoke ne mulangala bua dibenga kutumikila diabu*+Ne mfimbu bua tshilema tshiabu. 33  Kadi tshiakulekela dinanga dianyi dia lulamatu kudiye+Anyi kubenga kukumbaja dilaya dianyi nansha.* 34  Tshiakushipa tshipungidi tshianyi,+Anyi kushintulula tshivua mishiku yanyi miambe nansha.+ 35  Ndi muditshipe mu bunsantu buanyi, musangu umue bua kashidi;Tshiakuambila Davidi malu a dishima to.+ 36  Bana* bende nebashalaku kashidi;+Nkuasa wende wa bukalenge neashalaku kashidi anu bu dîba kumpala kuanyi.+ 37  Anu bu ngondo, yeye neajadikibue bikole bua kashidiBu ntemu wa lulamatu muulu.” (Sela) 38  Kadi wewe muine udi mumulekele, mumubenge;+Udi mukuatshile muela manyi webe tshiji tshikole. 39  Wewe udi mulekele tshipungidi tshiuvua mudie ne muena mudimu webe ne kapeja;Udi munyange tshifulu tshiende tshia butumbi* paudi mutshimanshe panshi. 40  Wewe udi mubumbule bimanu biende bia mabue bionso;*Udi mubutule miaba yende mikolesha. 41  Bonso badi bapitshilapu mbamupawule;Yeye udi tshipendu kudi bena mutumba bende.+ 42  Wewe udi mufikishe baluishi bende ku ditshimuna;*+Udi musankishishe bena lukuna bende bonso. 43  Udi kabidi mupingaje muele wende wa mvita tshianyima,Ne udi mumupangishe bua kutshimuna mu mvita. 44  Wewe udi mutuishe butumbi buende ku ndekeluNe mukume nkuasa wende wa bukalenge panshi. 45  Udi mukosoloje matuku a bunsonga buende;Udi mumuvuadike bundu. (Sela) 46  Yehowa, neusokome too ne dîba kayi? Mbua kashidi anyi?+ Tshiji tshiebe tshikole netshitungunuke ne kutema bu kapia anyi? 47  Vuluka mudi matuku a muoyo wanyi mîpi!+ Wakafuka bantu bonso bua tshianana anyi? 48  Mmuntu kayi udi mua kuikala ne muoyo, kayi mua kumona lufu?+ Yeye udi mua kudipandisha* ku bukole bua Lukita* anyi? (Sela) 49  Yehowa, bienzedi biebe bia dinanga dia lulamatu bia kaleBiuvua muditshipile kudi Davidi mu lulamatu luebe bidi penyi?+ 50  Yehowa, vuluka bipendu bidibu bapenda bena mudimu bebe;Mundi ne bua kuitaba* bipendu bia bukua bantu buonso; 51  Mudi bena lukuna bebe bele bipendu, Yehowa;Mudibu bapende tshidia tshionso tshidi muela manyi webe wela. 52  Yehowa atumbishibue kashidi. Amen, Amen.+

Note

Tang. Diumv.
Anyi “nedishalaku.”
Ku mua.: “dimiinu.”
Anyi “masangisha a.”
Ku mua.: “lusengu.”
Ku mua.: “lusengu.”
Anyi “bukokeshi buende.”
Ku mua.: “dimiinu.”
Anyi “mêyi anyi a dilumbuluisha.”
Anyi “buntomboji buabu.”
Ku mua.: “Anyi kudinga bua lulamatu luanyi nansha.”
Ku mua.: “Dimiinu.”
Anyi “tshikata tshia lumu.”
Anyi “miaba yende ya kueyema ya mabue yonso.”
Ku mua.: “muele diboko dia balume dia bena lukuna bende muulu.”
Anyi “kupandisha anyima wende.”
Ku mua.: “tshianza tshia Sheole,” mmumue ne: lukita lua bukua bantu buonso. Tang. Diumv.
Ku mua.: “kuambula mu tshiadi tshianyi.”