Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 88:1-18

MALU ADI MU MUKANDA EU

  • Disambila dia kulamibua ku lufu

    • “Muoyo wanyi udi pabuipi ne kubuela mu Lukita” (3)

    • ‘Ndi nsambila kuudi mu dinda dionso’ (13)

Musambu. Mujiki wa bana ba Kola.+ Kudi muludiki; bilondeshile ngimbilu wa Mahalata,* wa kuimba benda bashilangana. Masikile* a Hemana+ muena Ezele. 88  Wewe Yehowa, Nzambi wa lupandu luanyi,+Ndi ndila mu munya,Ne butuku ndi ndua kumpala kuebe.+   Itaba disambila dianyi difike kuudi,+Inyika ditshi diebe* ku muadi wanyi wa dilomba diambuluisha.+   Bualu anyima* wanyi mmuwule ne dikenga,+Ne muoyo wanyi udi pabuipi ne kubuela mu Lukita.*+   Nkadi mubadibue munkatshi mua badi bapueka mu tshina;*+Ndi mulue muntu udi kayi mua kudisungila,*+   Udibu bashiye munkatshi mua bafueBu bantu bashipa balale mu lukita,Baudi kutshiyi uvuluka nansha,Bavuabu bumbushe ku bulami buebe.*   Wewe udi munteke mu tshina tshile menemene,Mu miaba ya mîdima, mu dijimba dile menemene dialabale.   Tshiji tshiebe tshikole tshidi tshinnemena bujitu bua bungi,+Ne udi umpita bukole ne mavuala ebe adi atuta. (Sela)   Wewe udi muipate bandi mumanyangane nabu bonso baye kule nanyi;+Udi mumvuije tshintu tshibipe kudibu. Ndi mukuatshike mu buteyi, tshiyi mua kunyema.   Dîsu dianyi nditshioke bua dikenga dianyi.+ Ndi nkubila dituku dijima, wewe Yehowa;+Wewe ngundi ngoluela bianza bianyi. 10  Newenzele bafue malu a kukema anyi? Badi kabayi ne bukole mu lufu badi mua kujuka bua kukutumbisha anyi?+ (Sela) 11  Badi mua kumanyisha dinanga diebe dia lulamatu mu lukita,Lulamatu luebe mu muaba wa kabutu* anyi? 12  Malu ebe a kukema neamanyike mu mîdimaPeshi buakane buebe mu buloba bua tshipua muoyo anyi?+ 13  Kadi ntshidi anu nkudidila ndomba diambuluisha, wewe Yehowa,+Disambila dianyi didi difika kumpala kuebe mu dinda dionso.+ 14  Yehowa wanyi, bua tshinyi udi umbenga?*+ Bua tshinyi udi unsokoka mpala webe?+ 15  Katshia ku buana buanyi,Ndi mukengeshibue ngamba kufua;+Ndi mutekesha kudi malu makole audi mulekele ankuata. 16  Tshiji tshiebe tshidi tshitema ntshimpite bukole;+Malu ebe adi enza buôwa bukole adi ambutula. 17  Adi anjingila bu mâyi dituku dijima;Mmannyunguluke nseke yonso.* 18  Wewe udi muipate balunda banyi ne bena dianyi baye kule nanyi;+Mîdima mmilue wanyi mulunda.

Note

Tang. Diumv.
Tang. Diumv.
Anyi “Inama, uteleje.”
Tang. Diumv.
Anyi “Sheole,” mmumue ne: lukita lua bukua bantu buonso. Tang. Diumv.
Anyi “lukita.”
Anyi “bu muntu udi kayi ne bukole.”
Ku mua.: “tshianza tshiebe.”
Anyi “mu Abadona.”
Anyi “ubenga anyima wanyi.”
Anyi pamuapa: “onso musangu umue.”