Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 87:1-7

MALU ADI MU MUKANDA EU

  • Siona, tshimenga tshia Nzambi mulelela

    • Badi baledibue mu Siona (4-6)

Wa bana ba Kola.+ Mujiki. Musambu. 87  Tshishimikidi tshia tshimenga tshiende tshidi mu mikuna ya tshijila.+   Yehowa mmunange biibi bia Siona+Bikole kupita ntenta yonso ya Yakoba.   Badi bakula malu a butumbi bua bualu buebe, wewe tshimenga tshia Nzambi mulelela.+ (Sela)   Nembale Lahaba+ ne Babilona munkatshi mua badi bammanye;*Monayi Peleshete ne Tulo pamue ne Kushi. Nebambe ne: “Uvua muledibuamu nyeye eu.”   Nebambe kabidi bua Siona ne: “Bavua balelelamu muntu ne muntu yonso.” Ne Mutambe Bunene neamujadike bikole.   Padibu bafunda mêna a bukua bisamba, Yehowa neamanyishe ne: “Eu ke uvua muledibuamu.” (Sela)   Bimbi ba misambu+ ne badi baja maja a banyunguluka bele tshijengu+ nebambe ne: “Mishimi yanyi yonso idi munda muebe.”*+

Note

Anyi “banjingulule.”
Anyi “Kundi meme, wewe udi mushimi wa bintu bionso.”