Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 85:1-13

MALU ADI MU MUKANDA EU

  • Disambila bua kupingajibua kabidi mutuvua

    • Nzambi neambile bena lulamatu malu a ditalala (8)

    • Dinanga dia lulamatu ne lulamatu bidi ne bua kutuilangana (10)

Bua muludiki. Wa bana ba Kola.+ Mujiki. 85  Yehowa wanyi, udi muleje ditunga diebe luse;+Wakapingaja bana ba Yakoba bavuabu bakuate.+   Udi mufuile bantu bebe luse bua tshilema tshiabu;Wakababuikidila* mpekatu wabu yonso.+ (Sela)   Wakakanda tshiji tshiebe tshionso;Wakalekela tshiji tshiebe tshikole.+   Tupingajaku kabidi mutuvua,* wewe Nzambi wa lupandu luetu,Ne tekaku dibenga kukusankisha dietu ku luseke.+   Neutukuatshile tshiji tshikole bua kashidi anyi?+ Neulunguluje tshiji tshiebe mu tshipungu ne tshipungu tshia bantu anyi?   Kuakutufulululaku kabidiBua bantu bebe basankile mu wewe anyi?+   Yehowa wetu, utuleje dinanga diebe dia lulamatu,+Ne utupeshe lupandu luebe.   Nenteleje tshidi Nzambi mulelela Yehowa wamba,Bualu neambile bantu bende, bena lulamatu bende, malu a ditalala,+Kadi bobu kabapinganyi ku ditamba kudieyemena to.+   Bushuwa, lupandu luende ludi pabuipi ne badi bamutshina,+Bua butumbi buende buikale mu buloba buetu. 10  Dinanga dia lulamatu ne lulamatu nebituilangane pamue;Buakane ne ditalala nebituangane mishiku.+ 11  Lulamatu nelutoloke mu buloba,Ne buakane nebutangile panshi kumbukila mu diulu.+ 12  Bushuwa, Yehowa neafile tshidi tshimpe,*+Ne buloba buetu nebupatule bintu biabu bia kunowa.+ 13  Buakane nebuende kumpala kuende+Ne nebuenzele makasa ende njila.

Note

Ku mua.: “Wakabuikila.”
Anyi “Tupingaja kabidi pamue.”
Anyi “bubanji.”